10567. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Promozzjoni tal-Kummerċ: Jista’ l-Ministru jgħid jekk sarux
rappreżentazzjonijiet ma’ Identity Malta sabiex numru ta’ persuni ta’
dixxendenza Maltija li jgħixu fit-Tuneżija, l-Eġittu u l-Alġerija u
għar-raġunijiet storiċi ma jistgħux jippreżentaw ċertifikat tat-twelid
oriġinali mill-Istat, jistgħux minnflok iressqu ċertifikati tal-magħmudija?
17/06/2019
ONOR. CARMELO
ABELA: Ninforma lill-Onor. Interpellant li d-Direttorat
għas-Servizzi Konsulari fi ħdan il-Ministeru għall-Affarijiet Barranin u
l-Promozzjoni tal-Kummerċ għamel ir-rappreżentazzjonijiet meħtieġa
mal-awtoritajiet kompetenti ta’ Identity Malta sabiex ikun esplorat l-aħjar mod
kif persuni ta’ dixxendenza Maltija li jgħixu fit-Tuneżija, fl-Eġittu u
fl-Alġerija, li għal raġunijiet storiċi ma jistgħux jippreżentaw ċertifikat
tat-twelid oriġinali tal-iStat jingħataw il-possibbiltà li minflok jippreżentaw
iċ-ċertifikat tal-magħmudija. Id-Direttorat huwa nfurmat minn Identity Malta li
każi ta’ dan it-tip se jibdew jiġu trattati każ każ, u deċiżjoni dwarhom
tittieħed kif meħtieġ.
Seduta 251
08/10/2019
No comments:
Post a Comment