10561. L-ONOR. CARMELO MIFSUD BONNICI staqsa lill-
Ministru għall-Affarijiet Barranin u Promozzjoni tal-Kummerċ: Jista’ l-Ministru
jelenka x’ħidma saret mir-Rappreżentanza Permanenti għan-Nazzjonijiet Uniti ta’
pajjiżna ġewwa Ġinevra fl-ewwel erba’ xhur ta’ din is-sena?
17/06/2019
ONOR. CARMELO
ABELA: Ninforma lill-Onor. Interpellant li r-Rappreżentanza
Permanenti għan-Nazzjonijiet Uniti ta’ pajjiżna ġewwa Ġinevra kopriet total ta'
278 laqgħa fl-ewwel erba' xhur tal-2019. Ta' importanza partikolari, hija
l-parteċipazzjoni attiva tal-Missjoni fl-40 Sessjoni tal-Kunsill tad-Drittijiet
tal-Bniedem (HRC) mill-25 ta' Frar sal-24 ta' Marzu 2019, fejn twasslu seba'
stqarrijiet, kif ukoll fl-74 Sessjoni tal-Kumitat Permanenti tal-UNHCR ta’ bejn
il-5 u s-7 ta' Marzu 2019 fejn ġiet mogħtija wkoll dikjarazzjoni. Il-Missjoni
wettqet preparazzjonijiet għat-33 Sessjoni tar-Reviżjoni Perjodika Universali
(UPR) li saret f'Mejju 2019. Il-Missjoni kompliet tipprovdi assistenza
konsulari lill-komunità Maltija li tgħix fl-Isvizzera, kif ukoll appoġġ
loġistiku lil delegazzjonijiet tal-gvern li jivvjaġġaw fuq xogħol għal Ġinevra.
Seduta 250
07/10/2019
No comments:
Post a Comment