12452. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Ewropej: Jista l-Ministru jgħid x’ħidma saret tul is-sena li għaddiet
mir-Rappreżentanza Permanenti ta’ Malta f’Ġinevra?
17/01/2020
ONOR. EVARIST
BARTOLO: Tul is-sena li għaddiet, ir-Rappreżentanza Permanenti
ta’ Malta f’Ġinevra għamlet xogħol siwi ħafna sabiex tagħti l-viżibbilta’
mistħoqqa lill-pajjiżna, billi tipromwovi l-inizjattivi u tissalvagwardja
l-pożizzjonijiet nazzjonali tagħna fi ħdan il-Ġnus Magħquda u
l-Organizzazzjonijiet Internazzjonali f’Ġinevra. Din ir-Rappreżentanza
Permanenti tipparteċipa ta’ kull ġimgħa f’bosta konferenzi u laqgħat imħejjija
mill-Ġnus Magħquda u l-Organizzazzjonijiet Internazzjonali f’Ġinevra, kif ukoll
fil-laqgħat ta’ ko-ordinazzjoni msejħa mill-Unjoni Ewropea fil-level ta’ Ambaxxaturi
u dak tekniku.
Fl-2019 ir-Rappreżentanza
Permanenti attendiet 751-il laqgħa.
Qed inpoġġi fuq il-Mejda
tal-Kamra rapport dwar l-oqsma varji li jiġu koperti minn din ir-Rapreżentanza.
Seduta 296
05/02/2020
No comments:
Post a Comment