PERSUNI MRESSQA L-QORTI AKKUŻATI B’REATI KRIMINALI

7730. L-ONOR. CARMELO MIFSUD BONNICI staqsa lill-Ministru għall-Intern u Sigurtà Nazzjonali: Jista’ l-Ministru jinforma lill-Kamra kemm tressqu persuni l-Qorti mill-Pulizija akkużati b’reati kriminali (kumpilazzjonijiet) tul is-sena 2017 u jista’ jinforma b’liema reati ġew akkużati?

05/11/2018

  ONOR. MICHAEL FARRUGIA:  Ninsab infurmat li matul is-sena 2017 tressqu elf, mitejn u erbgħa (1204) persuni l-Qorti mill-Pulizija akkużati b’reati kriminali (kumpilazzjonijiet).

Infurmat illi kien hemm firxa wiesgħa ta’ tip ta’ reati li bihom ġew akkużati dawn il-persuni li fost oħrajn kienu jinkludu :

- Omiċidji

- attentat ta’ omiċidji

- reati relatati ma’ serq

- riċettazzjoni

- offiżi volontarji u nvolontarji fuq il-persuna

- vjolenza jew reżistenza fuq uffiċjali pubbliċi

- stupru

- korruzzjoni ta’ minuri

- usura

- ħsarat volontarji

- reati relatati ma’ ħsarat fil-proprjetà

- abbandun ta’  minuri

- reati relatati ma’  frodi

- reati relatati ma’ drogi

- theddid

- pussess ta’ armi

- trattament mhux xieraq fuq annimali

- użu ħażin ta’ mezzi ta’ telekomunikazzjoni

- misapproprijazzjoni

- ħasil ta’ flus

- reati oħra ekonomiċi

- falsifikar ta’ flus

- offiżi relatati ma’ immigrazzjoni illegali ta’ persuni

- falsifikazzjoni ta’ dokumenti

- reati relatati ma’ sigurtà fuq ix-xogħol

- sekwestru

- prostituzzjoni

- żamma ta’ burdell

- rapporti foloz

- ġuramenti foloz

- fabbrikazzjoni ta’ evidenza falza

- reati relatati ma’ pornografija tat-tfal

- reati ta’ atti sesswali ma’ minorenni u reati oħra provduti mill-Kodiċi Kriminali jew liġijiet speċifici oħra. 

F’ħafna mill-kumpilazzjonijiet il-persuni akkużati jittressqu fuq aktar minn reat wieħed.

Seduta  171

21/11/2018