16791. L-ONOR. CARMELO MIFSUD BONNICI staqsa lill-
Ministru għall-Intern u s-Sigurtà Nazzjonali: B’referenza għall-mistoqsija
parlamentari 15655, jista’ l-Ministru jgħid x’inhi l-pożizzjoni tal-Għassa
tal-Pulizija f’Wied il-Għajn issa li għadda l-20 ta’ Mejju 2015?
09/06/2015
ONOR. CARMELO
ABELA: Ninforma lill-Onorevoli Interpellant li ninsab
infurmat li saret talba biex il-mobile
police station ta' Wied il-Għajn titħalla fejn ġiet imqegħda ftit taż-żmien
ilu, sakemm jinstab bini ieħor li jista jservi ta’ għassa. It-talba biex isir dan is-sanzjonar saret
mal- Awtorità ta' Malta dwar l-Ambjent u l-Ippjanar, min Awtorita kompetenti u
kif titlob il-liġi, kif ukoll fi żmien adekwat.
Għaldaqstant, sakemm din it-talba tiġi deċiża, ma hux il-każ li din
il-mobile Police Station titneħħa minn fejn hi.
Kif diġa thennejt fi tweġiba
oħra fuq dan is-suġġet il-ħtieġa ta’ Għassa ġdida ġewwa Marsascala ilu snin
twal jinħass u dan għal diversi raġunijet. Il-prokrastinazzjoni fi żmien
il-Gvern Nazzjonalista waslitna għas-sitwazzjoni li ninsabu fiha llum. Din
l-amministrazzjoni qed tagħmel ħilitha sabiex filwaqt li tibqa` tagħti
s-servizz meħtieġ, fl-istess waqt insibu post adegwat sabiex ikun hemm Għassa
li taqdi l-bżonnijiet tal-lum.
Seduta 277
16/06/2015
No comments:
Post a Comment