MINISTERU GĦALL-AGRIKOLTURA, IS-SAJD U D-DRITTIJIET TAL-ANNIMALI - DIRETTIVI TAL-UNJONI EWROPEA

29774. L-ONOR. CARMELO MIFSUD BONNICI  staqsa lill- Ministru għall-Agrikoltura, is-Sajd u d-Drittijiet tal-Annimali: Jista’ l-Ministru jgħid x’direttivi tal-Unjoni Ewropea ġew jew huma mistennija jiġu implimentati mill-Ministeru tiegħu matul it-tieni nofs tal-2025? Jista’ jgħid ukoll liema għadhom pendenti sal-ġurnata li fiha tiġi mwieġba din il-mistoqsija parlamentari?

 

10/07/2025

 

ONOR. ANTON REFALO:  Ninforma lill-Onorevoli Interpellant li dawk id-Direttivi li d-data ta’ skadenza għat-traspożizzjoni tagħha taħbat fit-tieni nofs tas-sena 2025 huma s-segwenti:

Titolu tad-direttiva tal-UE	Data sa meta trid tingħalaq it-traspożizzjoni fil-liġi nazzjonali
Direttiva ta’ Implimentazzjoni tal-Kummissjoni (UE) 2025/145 tad-29 ta’ Jannar 2025 li temenda d-Direttiva 2014/98/UE fir-rigward tal-pesti regolati tal-Unjoni mhux ta’ kwarantina, il-virus tar-ringspot tat-tabakk, il-virus tar-ringspot tat-tadam, il-Pucciniastrum minimum (Schweinitz) Arthur u l-Aġent tal-mużajk tat-tin u li tikkoreġi dik id-Direttiva ta’ Implimentazzjoni fir-rigward ta’ miżuri li jikkonċernaw il-Candidatus Phytoplasma prunorum Seemüller Schneider	31 ta’ Lulju 2025
Direttiva Delegata tal-Kummissjoni (UE) 2024/1262 tat-13 ta’ Marzu 2024 li temenda d-Direttiva 2010/63/UE tal-Parlament Ewropew u tal-Kunsill fir-rigward tar-rekwiżiti għall-istabbilimenti u għall-kura u ż-żamma tal-annimali, u fir-rigward tal-metodi tal-qtil tal-annimali	4 ta’ Diċembru 2025
Direttiva (UE) 2024/1438 tal-Parlament Ewropew u tal-Kunsill tal-14 ta’ Mejju 2024 li temenda d-Direttivi tal-Kunsill 2001/110/KE li tirrigwarda l-għasel, 2001/112/KE li tirrigwarda l-meraq tal-frott u ċerti prodotti simili maħsuba għall-konsum uman, 2001/113/KE li għandha x’taqsam mal-ġamm tal-frott, il-ġelatini u l-marmellati u mal-purejiet tal-qastan mogħtija l-ħlewwa maħsuba għal konsum mill-bniedem, u 2001/114/KE rigward ċertu ħalib ippreservat diżidratat in parti jew kollu għall-konsum tal-bniedem	14 ta’ Diċembru 2025
Direttiva ta’ Implimentazzjoni tal-Kummissjoni (UE) 2025/1079 tat-2 ta’ Ġunju 2025 li temenda d-Direttivi 2003/90/KE u 2003/91/KE fir-rigward tal-protokolli għall-eżami ta’ ċerti varjetajiet ta’ speċijiet tal-pjanti agrikoli u ta’ speċijiet tal-ħxejjex	31 ta’ Diċembru 2025

 

 Seduta  371

29/07/2025