13937. L-ONOR. CARMELO MIFSUD BONNICI staqsa lill- Ministru għall-Ambjent, l-Enerġija u l-Intrapriża: Jista’ l-Ministru jgħid x’xogħlijiet saru fi Ġnien il-Mediterran f’Raħal Ġdid, fl-2022 u fl-2023 sal-ġurnata li fiha tiġi mwieġba din il-mistoqsija parlamentari?
28/11/2023
ONOR. MIRIAM
DALLI: Ninforma lill-Onor. Interpellant li, għalkemm ma jaqax
taħt ir-responsabbiltà tagħha, Project Green wettqet diversi xogħlijiet f’dan
il-ġnien li kienu jinkludu tinqix tal-ħamrija, tisqija u żbir tas-siġar, kif ukoll saru x-xogħlijiet preparatorji biex
tiġi estiża s-sistema awtomatika għat-tisqija tas-siġar. Infakkar li Ġnien
il-Mediterran intgħażel bħala wieħed mis-16-il proġett li se jsiru taħt
l-iskema Community Greening Grant u minbarra li dan il-ġnien se jiġi riġenerat
il-proġett se jinkludi żona għall-istudenti tal-MCAST.
Kif spjegajt fit-tweġiba
għall-mistoqsija parlamentari 13868, ix-xogħol b’rabta mal-proġetti li se jsiru
b’investiment ta’ €10 miljun taħt l-iskema Community Greening Grant wasal f’diversi fażijiet. Tlestiet il-konsultazzjoni
mal-entitajiet konċernati waqt l-ippjanar kif
ukoll l-istudji meħtieġa. Barra minn hekk, tlesta x-xogħol
amministrattiv marbut mat-tfassil biex jinħarġu s-sejħiet għall-offerti u
preżentament qed isir it-tfassil tagħhom.
Seduta 186
No comments:
Post a Comment