19372. L-ONOR. CARMELO MIFSUD BONNICI staqsa lill- Ministru għas-Saħħa u l-Anzjanità Attiva: B’referenza għat-tweġiba tal-mistoqsija parlamentari 16614 jista’ l-Ministru jgħid jekk saritx investigazzjoni ulterjuri fir-rigward l-ilment ta’ rwejjaħ persistenti fi Triq Santa Ubaldesca Raħal Ġdid?
14/05/2024
ONOR. JO ETIENNE ABELA: B’referenza għat-tweġiba
tal-mistoqsija parlamenti 16614, ninsab infurmat li d-Direttorat għas-Saħħa
Ambjentali baqa’ ma rċieva l-ebda lment rigward irwejjaħ persistenti fit-triq
indikata jew fit-toroq tal-madwar. Minn
wara li saret din il-Mistoqija Parlamentari, uffiċjali minn dan id-Direttorat
xorta baqgħu jispezzjonaw din triq u t-toroq tal-madwar iżda fl-ebda ħin qatt
ma’ ġiet nnutata xi forma ta’ riħa.
Ikun opportun jekk il-persuna/i li għandhom dan l-ilment jagħmlu kuntatt
mad-Direttorat għas-Saħħa Ambjentali sabiex possibilment tingħata aktar
informazzjoni speċifika dwar dan l-ilment sabiex ikun jista` jiġi nvestigat
b’kunfidenzjalita` bħal kull ilment li jidħol għand dan id-Direttorat.
Seduta 245
11/06/2024
No comments:
Post a Comment