19774. L-ONOR. CARMELO MIFSUD BONNICI staqsa lill- Ministru għall-Wirt Nazzjonali, l-Arti u l-Gvern Lokali: Jista’ l-Ministru jgħid x’xogħlijiet inbdew biex il-parti tal-ħajt fil-kumpless ta’ Bighi, fir-Rinella l-Kalkara li kien waqa’, jiġi restawrat? Jista’ jgħid ukoll jekk huwiex jiġi kkunsidrat li l-parti tal-art adjaċenti u mitluqa, tiġi riabilitata wkoll?
05/06/2024
ONOR. OWEN BONNICI: Ix-xogħlijiet fuq il-ħajt li waqa’ bil-maltemp fil-Bajja tar-Rinella issa ilhom għaddejjin għal dawn l-aħħar ġimgħat. Ix-xogħol qiegħed isir minn kuntrattur imqabbad u taħt is-superviżjoni ta’ Infrastruttura Malta, bl-assistenza ta’ Heritage Malta. Bħalissa qiegħed jitneħħa l-materjal minn wara l-ħajt, sabiex titnaqqas il-pressjoni tal-materjal minn fuq it-truf tal-kollass. Fil-ġimgħat li ġejjien mistenni jibda x-xogħol fuq in-naħa ta’ barra mill-baħar, dan sabiex jiġi krejat il-pedament tal-ħajt li jrid jerġa’ jinbena u jissaħħaħ il-blat.
Kull art oħra adjaċenti li hemm barra mill-konfini tal-kumpless ta’ l-Ex Sptar Navali ta’ Bighi, użat bħala Head Office u laboratorji ta’ Heritage Malta, mhux amministrata minn Heritage Malta.
Seduta 251
25/06/2024
No comments:
Post a Comment