9416. L-ONOR. CARMELO MIFSUD BONNICI staqsa lill- Ministru għall-Akkomodazzjoni Soċjali u Affordabbli: B’referenza għat-tweġiba tal-mistoqsija parlamentari 8491 dwar xogħlijiet fil-post li d-dettalji dwaru ntbagħtu separatament, jista’ l-Ministru jitlob verifika mill-ġdid għax jidher li parti mix-xogħol li kellu jsir għadu mhux lest?
31/05/2023
ONOR. RODERICK GALDES: Ninforma lill-Onor. Interpellant li dwar xogħlijiet fil-post imsemmi, sar kuntatt mal-inkwilin u rriżulta li dan ma kienx qed jirreferi għalxogħlijiet ta’ tiswija li tlestew fil-post riċentement imma għal proġett ta’ manutenzjoni tal-faċċati li kien tlesta madwar sentejn ilu. L-inkwilin kien ilmenta minn dħul ta’ ilma mill-faċċata u wara li sar l-ilment il-problema kienet ġiet indirizzata mill-kuntrattur xi ġimgħat ilu.
Seduta 131
No comments:
Post a Comment