1. Huwa minnu li parti sew mill-elettorat li għandu bżonn jinstemgħa u jingħata widen tkellem u bagħat il-messaġġ sħiħ tiegħu. Indirizzat l-iktar lill-Partit Laburista fil-Gvern. Imma mhux biss. Kien hemm ċar li l-kunsens politiku fih naqas u xxellef. L-ewwel, sija f’dawk li ma vvutawx; u t-tieni, sija f’dawk li marru għal partiti u kandidati indipendenti. Hemm vot ta’ protesta mill-iktar qawwi irreġistrat fl-Elezzjonijiet għall-Parlament Ewropew. Wieħed li għalkemm kien hemm indikazzjonijiet tiegħu qabel, ħadd ma stennihom kif irreġistraw ruħhom. Imma li dan kollu fil-fatt juri iktar kemm il-votant jaf juża sewwa d-dritt tiegħu. Wieħed li għandu jiftaħ l-għajnejn ta’ dawk li sa issa ma jridux jaraw. Dak li seħħ jista’ għalhekk, iżda mhux neċessarjament, jirrepeti ruħu fil-futur, jekk verament il-folji ma jinbidlux u ma jinfetħux kapitoli ġodda.
Iktar f’dak il-Ħadd
2. Diġà għaddew diversi jiem mingħajr ċaqliq veru bi tweġiba għal dak li l-elettorat qiegħed jitlob. Però, fil-verità, għad fadal tlett snin oħra. Ħamsa u erbgħin elf vot reġgħu ma nxeħtux favur il-Partit fil-Gvern, u issa naqas fil-pożizzjoni li għandu 45% tal-vot tal-elezzjonijiet Ewropej. Issa li nfetħu u ġew magħduda anki l-voti tal-Kunsilli Lokali, il-pożizzjoni nbidlet ukoll. Inqas Kunsilli Lokali mmexxija mill-Partit Laburista u komplessivament inqas kunsilliera għalih. Proċess iġib ieħor, u huwa żball li wieħed jilludi ruħu l-kontra. F’dan, għalkemm il-Gvern jista’ jiddikjara li baqa’ minn fuq fl-Ewropej b’maġġoranza relattiva u f’dawk Lokali b’waħda mnaqqsa, xorta l-pożizzjoni mhijiex faċli, u anzi, kompromessa. Biex tinbidel din il-mewġa li ma kellniex qabel iridu jsiru diversi sforzi. Ħafna huma diffiċli, u anke jekk isiru, ma jfissirx li x-xorti politika ser tinbidel.
Kif nafu
3. Kif nafu, hemm elezzjonijiet li jintrebħu, li mhumiex ħafna, u hemm ferm iktar minn dawk li jintilfu. Il-Ħadd l-għada tal-elezzjonijiet kien hemm telfiet reġistrati għall-Partit Laburista, u fuq dan ma hemmx dubju. Sa issa tista’, fit-teorija, tiġi rkuprata ċertament mhux billi kollox jibqa’ l-istess, imma bil-bidliet veri, dejjem jekk jistgħu jitwettqu. Bidliet li kull min huwa fil-politika jagħraf li għal partit li issa ilu sew fil-poter, u li jinsab fit-tielet leġislatura tiegħu, mhumiex faċli li jsiru. Anzi, li fiċ-ċirkostanzi huwa ferm diffiċli biex isiru meta diġà saru forom ta’ sforzi varji qabel dan l-appuntament elettorali li baqgħu ma rnexxewx. F’dan hemm evidenti kriżi politika li issa għandha bħala xhud riżultati elettorali. Kriżi fit-tmexxija fis-sens li s-saħħa ‘morali’ u ta’ leġittimità fil-pajjiż u l-partit issa nxeħtet pass lura. F’dan iktar għalhekk hemm id-dubji f’kemm ser tkun kapaċi tmexxi ’l quddiem l-ewwel, u wara sabiex jirnexxilha tirreġistra suċċess elettorali fil-futur.
Saħħa politika
4. Huwa f’dan evidenti li s-saħħa politika tal-Gvern ġiet ridotta. F’dan wieħed, fuq naħa jittama li sservi ta’ lezzjoni fl-umiltà sabiex ċerti esaġerazzjonijiet fis-suppervji u l-arroganzi li ilna naraw, jispiċċaw. Fuq l-oħra, però, ser tkun ferm iktar diffiċli biex tmexxi: l-ewwel, lil dawk li ċekkint; it-tieni, għax il-ħeġġa ta’ qabel, kif nafu, tieqaf; u t-tielet, għax tidħol l-istennija permanenti ta’ x’jista’ jiġri jekk jinqaleb il-Gvern. Ġejjin quddiemna snin ta’ stennija, li minnhom diversi ser joqogħdu pass lura. F’dan, għalhekk, il-linja fil-ħidma li konna qed naraw ser timxi fil-ġenb u l-ftaħir esaġerat u superlattiv li kellna ser nittamaw li jonqos. Raġunijiet oħra li komplessivament jafu jservu sabiex f’appuntament elettorali ieħor ikun hemm iktar bidliet tajba milli diġà rajna.
Ma niġrux
5. F’dan, però, wieħed irid ikun attent iktar minn qabel. Għadna ma wasalniex fil-venda ta’ Kastilja, għalkemm ħadna ftit nifs sod. Il-Partit Nazzjonalista qiegħed f’pożizzjoni aħjar milli kien, imma r-realtà hija li għad fadallu xi jterraq. Għadu jrid jifhem, janalizza huwa stess ir-riżultat elettorali tiegħu u ma jitlaqx jiġri jaħseb li huwa kollox sewwa, imma li għad hemm xi jsir. Irid iqabbel dawn ir-riżultati ma’ diversi qabel, inkluż dawk tal-2014 u 2022 biex ikollu quddiemu l-istampa vera. F’dan, ovvjament, il-vapur għadu barra l-port imma jista’ jkun kapaċi jidħol. Għax għalkemm hemm dawn is-sinjali li wieħed irid jieħu ħsieb jimmarka filwaqt li m’għandux jaqta’ qalbu, anzi, wieħed imma jrid iħares aktar lejn dak li ġej. L-iktar fil-fatt li għalkemm il-voti tnaqqsu bil-kbir fil-partit l-ieħor, dawn ma ssarrfux f’dawk favur tiegħu. Elettoralment ma kienx hemm riżultat li bih nistgħu nimmarkaw li l-bnedmin biddlu l-partit. Għalhekk, f’dan trid l-għarfien ċar u oġġettiv li trid ferm iktar biex twassal li jkollok maġġoranza politika parlamentari stabbli. Trid ferm iktar biex tikseb il-fiduċja elettorali. Trid ferm iktar biex mal-poplu tibni manifest elettorali li fuqu tista’ taħdem meta jkollok ir-responsabbiltà tat-tmexxija tal-poter.
Il-Futur
6. Fil-ġimgħat li ġejjin ser naraw jekk humiex sejrin jittieħdu passi mill-Gvern biex jipprova jbiddel il-kunsens u l-burdata politika. Forsi jistenna wkoll l-appuntamenti sportivi li ġejjin jgħaddu. Jista’ jkun li jseħħu passi veri; jista’ biss dawk li jidhru li huma hekk u jista’ jkun li ma jseħħ xejn minn dan. L-impatt ta’ dawn id-deċiżjonijiet ser jimmarkaw il-futur ta’ pajjiżna. Iktar u iktar fl-għarfien li jekk il-Gvern huwa diġà maqtugħ mill-poplu mhux ser jirnexxilu jasal daqshekk malajr f’dawn it-tlett snin li għad fadallu. Hija x’inhija t-triq, minnha nfisha hija waħda twila u kkumplikata. Għalhekk, min qiegħed jiġi b’soluzzjonijiet u dikjarazzjonijiet varji u sempliċi li bdejna nisimgħu l-għada tal-elezzjonijiet, naħseb li jkun qiegħed jidħak bih innifsu u jiżbalja. Ikun ferm aħjar li flok daqq ta’ trijonfi jkun hemm iktar umiltà, kawtela u attenzjoni għad-dettalji, li fl-aħħar mill-aħħar huma dawk li jagħmlu d-differenza.
Showing posts with label Elezzjonijiet Parlament Ewropew. Show all posts
Showing posts with label Elezzjonijiet Parlament Ewropew. Show all posts
12.6.24
IL-BIDU TAT-TMIEM?
1. Fir-riżultati friski friski tal-Ħadd li għadda nfetaħ dibattitu u kapitolu ġdid fil-politika ta’ pajjiżna. Hemm element, fost id-diversi, li huwa ċertament l-iktar qawwi. Dak li joħroġ mill-fatt li l-Partit fil-poter ingħata vot ta’ sfiduċja kbir. Fuq kull skala, il-figuri juru li l-favur li kellu għad-dispożizzjoni tiegħu issa beda proċess inevitabbli ta’ deklin li qiegħed joħroġ għad-dawl. Meta tikkunsidra li l-Partit Laburista naqqas kważi għaxra fil-mija (10%) sħiħa fil-kunsens elettorali. Meta tara li minn 55.11% tal-voti li ġieb fl-2022 issa, f’sentejn skorruti, qiegħed b’45.26%, kif ukoll meta tara li mill-162,7000 li kellu bħala voti fl-2022 illum niżel għall-ammont ta’ 117,805 tifhem li hemm tnaqqis ta’ madwar ħamsa u erbgħin elf vot (45,000).
Il-poplu tkellem u bagħat messaġġ ċar
2. Huwa evidenti ħafna li dak li għaddej, u li ilu jinġabar f’dawn is-snin, issa qiegħed idejjaq lil dawk li qabel kienu komdi jivvutawlu. Ittri diretti sabiex jiġbdu l-attenzjoni, u fl-istess ħin jinsistu li d-direzzjoni politika tal-Gvern għandha tinbidel. Saru wisq żbalji b’ripetizzjoni u b’mod kostanti, li fl-aħħar jidher li hemm min qiegħed jixba. F’dan hemm dawk kollha li ħassew, u anzi emmnu, li l-Partit Laburista kien ser iwettaq tibdiliet fil-pajjiż fil-wegħdi sbieħ tiegħu li bdew mill-2013, li issa qed itiru mar-riħ. Dan il-Partit sar iktar dak identifikat mal-poter, fejn il-prinċipji mhumiex fl-ogħla skala għalih u anzi, bil-kontra, wettaq wisq dnubiet mortali. Hemm ferm inqas nies li għadhom jaħsbu li huwa dak li kapaċi jibdel, li għandu programm veru ta’ riforma.
Skandli
3. F’dan kiber iktar l-għarfien li kien hemm min irnexxilu jiġbed is-saqajn ta’ diversi. Dak li kien irnexxilu jikkonvinċi lil diversi li dak kollu li sar mill-Partit Nazzjonalista fil-Gvern kien, jew ħażin, jew inadegwat, inkella li baqa’ ma sarx. Ħafna emmnu, jew riedu li jidħlu għal dak li kien qiegħed jingħadilhom. Ħafna llum fehmu li dak li vvutaw għalih fl-2013 u fl-2017 ma seħħx. Anzi, li fil-ħajja, ġie l-kontra. F’dawn l-aħħar ġimgħat pajjiżna ra reazzjonijiet politiċi varji għal proċessi kriminali li nbdew. F’mument il-Gvern deher li kien qiegħed jikkonvinċi, u li terġa’, kien hemm konsolidazzjoni tal-poter intern. Fir-realtà dan mhuwiex minnu u nfetaħ proċess ta’ attakki interni trażversali fejn ħafna, 45,000, iddeċidew li ma jkomplux jagħtu l-appoġġ. Il-pożizzjoni hija ikkumplikata ħafna, u f’dan, il-Prim Ministru, li qabel kien igawdi minn appoġġ kostanti, issa qiegħed jara bidliet ġejjin għalih u għall-Gvern immexxi minnu.
Bidliet
4. Il-mossa politika tiegħu tal-Ħadd kienet dik mistennija. Jipprova jirkeb fuq din il-mewġa ta’ protesta billi huwa stess jiddikjara li ser imexxiha ’l quddiem. Iktar u iktar fid-diffikultà li trid titkellem waqt li l-appoġġ politiku tiegħek kien qiegħed, siegħa wara siegħa, jitnaqqar lura. Dan kollu ma kienx faċli, imma kif nafu, il-verità u r-realtà jiġru warajk, u llum jew għada, jilħquk. Jekk trid timxi ’l quddiem trid tifhem li trid tgħix fil-fatti u mhux fir-retorika. Iktar u iktar meta għalkemm qabel kien hemm min jiddefendi billi jgħid li ma kienx parti mill-iżbalji li saru minn dawk li kienu fil-poter, dan issa waqaf. Forsi f’dan, il-pożizzjoni politika hija kompromessa. Jista’ jkun li le, imma l-kapitolu tal-bidliet li jridu jsiru issa nfetaħ.
Liema passi
5. Ser ikun hemm min jitlob ras min qiegħed imexxi. Iktar u iktar jekk ser ikun diffiċli biex jieħu lura l-kmand tal-Partit u l-awtorità fil-Gvern. Il-vot ta’ protesta ma jistax jiġi magħluq billi jingħad biss li huwa ser jagħmel bidliet. Għax diġà, ftit ilu, quddiem dan l-appuntament saret tibdila sew fil-Kabinett. Inbidlu l-bnedmin u anki l-linji interni tagħhom. Imma b’dan ir-riżultat huwa ċar li issa qed jidher li din il-bidla ma kinitx adegwata. Ma sarrfitx f’dak li ried. Għalhekk wieħed jistaqsi: issa lejn fejn ser iħares? Diversi jaħsbu li ser jibqa’ jmexxi hu, imma smajt li hemm min jista’ jitħajjar jargumenta li għall-appuntament elettorali li ġej hemm bżonn mexxej ġdid jew mexxejja ġdida. Iktar u iktar f’dak li ġej fid-daqqiet ta’ ġimgħa oħra.
Kunsilli Lokali
6. Dan għax bħallum ġimgħa ser ikun hemm ir-riżultati tal-elezzjonijiet tal-Kunsilli Lokali, li mill-figuri li rajna huwa ċar li ser ikun hemm tibdiliet. Dan ser ikompli jnaqqas mis-saħħa li kellu l-Gvern. Iktar kunsilliera eletti fi ħdan il-Partit Nazzjonalista u iktar Kunsilli li jiċċaqilqu favur tmexxija tiegħu. Forsi hawn ukoll ser naraw sorpriżi li qabel il-Gvern ma kienx qiegħed jipprevedi. Passi sabiex ikomplu jnaqqsulu l-appoġġ elettorali u li jagħtu l-opportunità lill-Partit Nazzjonalista jimxi ’l quddiem. Il-klima politika għall-Partit Laburista mhijiex ser tkun faċli, li sejjer iktar lura fl-effetti tal-proċessi legali, l-inkompetenzi varji u n-nuqqasijiet amministrattivi li l-poplu qiegħed iħoss. F’kull lokalità ser jinsabu raġunijiet varji, imma l-verità hija wkoll li l-porporina minn fuq il-kurrazza marret sew u hemm bżonn armatura ġdida.
Inħarsu ’l quddiem
7. F’dan kollu wieħed irid iħares lejn il-futur. Wieħed irid, l-ewwel, jagħmel analiżi politika sħiħa li tqis ħafna fatturi. Dik li tara r-raġunijiet tan-nuqqasijiet fl-appoġġ, imma li tara kif tibni programm elettorali. Programm li jħares lejn dak li jridu l-bnedmin li ġejjin mill-irkejjen kollha tal-pajjiż tagħna. Proċess li fih, u minnu, nistgħu nieħdu direzzjoni aqwa. Dik li ssarraf sabiex ikun hemm tibdil fil-Gvern tal-pajjiż: bidla li issa qegħda ssir iktar u iktar ta’ neċessità nazzjonali. F’dan, għalhekk, huwa iktar leġittimu li nistaqsu jekk dan huwiex effettivament il-bidu tat-tmiem tal-Partit Laburista fil-Gvern.
Il-poplu tkellem u bagħat messaġġ ċar
2. Huwa evidenti ħafna li dak li għaddej, u li ilu jinġabar f’dawn is-snin, issa qiegħed idejjaq lil dawk li qabel kienu komdi jivvutawlu. Ittri diretti sabiex jiġbdu l-attenzjoni, u fl-istess ħin jinsistu li d-direzzjoni politika tal-Gvern għandha tinbidel. Saru wisq żbalji b’ripetizzjoni u b’mod kostanti, li fl-aħħar jidher li hemm min qiegħed jixba. F’dan hemm dawk kollha li ħassew, u anzi emmnu, li l-Partit Laburista kien ser iwettaq tibdiliet fil-pajjiż fil-wegħdi sbieħ tiegħu li bdew mill-2013, li issa qed itiru mar-riħ. Dan il-Partit sar iktar dak identifikat mal-poter, fejn il-prinċipji mhumiex fl-ogħla skala għalih u anzi, bil-kontra, wettaq wisq dnubiet mortali. Hemm ferm inqas nies li għadhom jaħsbu li huwa dak li kapaċi jibdel, li għandu programm veru ta’ riforma.
Skandli
3. F’dan kiber iktar l-għarfien li kien hemm min irnexxilu jiġbed is-saqajn ta’ diversi. Dak li kien irnexxilu jikkonvinċi lil diversi li dak kollu li sar mill-Partit Nazzjonalista fil-Gvern kien, jew ħażin, jew inadegwat, inkella li baqa’ ma sarx. Ħafna emmnu, jew riedu li jidħlu għal dak li kien qiegħed jingħadilhom. Ħafna llum fehmu li dak li vvutaw għalih fl-2013 u fl-2017 ma seħħx. Anzi, li fil-ħajja, ġie l-kontra. F’dawn l-aħħar ġimgħat pajjiżna ra reazzjonijiet politiċi varji għal proċessi kriminali li nbdew. F’mument il-Gvern deher li kien qiegħed jikkonvinċi, u li terġa’, kien hemm konsolidazzjoni tal-poter intern. Fir-realtà dan mhuwiex minnu u nfetaħ proċess ta’ attakki interni trażversali fejn ħafna, 45,000, iddeċidew li ma jkomplux jagħtu l-appoġġ. Il-pożizzjoni hija ikkumplikata ħafna, u f’dan, il-Prim Ministru, li qabel kien igawdi minn appoġġ kostanti, issa qiegħed jara bidliet ġejjin għalih u għall-Gvern immexxi minnu.
Bidliet
4. Il-mossa politika tiegħu tal-Ħadd kienet dik mistennija. Jipprova jirkeb fuq din il-mewġa ta’ protesta billi huwa stess jiddikjara li ser imexxiha ’l quddiem. Iktar u iktar fid-diffikultà li trid titkellem waqt li l-appoġġ politiku tiegħek kien qiegħed, siegħa wara siegħa, jitnaqqar lura. Dan kollu ma kienx faċli, imma kif nafu, il-verità u r-realtà jiġru warajk, u llum jew għada, jilħquk. Jekk trid timxi ’l quddiem trid tifhem li trid tgħix fil-fatti u mhux fir-retorika. Iktar u iktar meta għalkemm qabel kien hemm min jiddefendi billi jgħid li ma kienx parti mill-iżbalji li saru minn dawk li kienu fil-poter, dan issa waqaf. Forsi f’dan, il-pożizzjoni politika hija kompromessa. Jista’ jkun li le, imma l-kapitolu tal-bidliet li jridu jsiru issa nfetaħ.
Liema passi
5. Ser ikun hemm min jitlob ras min qiegħed imexxi. Iktar u iktar jekk ser ikun diffiċli biex jieħu lura l-kmand tal-Partit u l-awtorità fil-Gvern. Il-vot ta’ protesta ma jistax jiġi magħluq billi jingħad biss li huwa ser jagħmel bidliet. Għax diġà, ftit ilu, quddiem dan l-appuntament saret tibdila sew fil-Kabinett. Inbidlu l-bnedmin u anki l-linji interni tagħhom. Imma b’dan ir-riżultat huwa ċar li issa qed jidher li din il-bidla ma kinitx adegwata. Ma sarrfitx f’dak li ried. Għalhekk wieħed jistaqsi: issa lejn fejn ser iħares? Diversi jaħsbu li ser jibqa’ jmexxi hu, imma smajt li hemm min jista’ jitħajjar jargumenta li għall-appuntament elettorali li ġej hemm bżonn mexxej ġdid jew mexxejja ġdida. Iktar u iktar f’dak li ġej fid-daqqiet ta’ ġimgħa oħra.
Kunsilli Lokali
6. Dan għax bħallum ġimgħa ser ikun hemm ir-riżultati tal-elezzjonijiet tal-Kunsilli Lokali, li mill-figuri li rajna huwa ċar li ser ikun hemm tibdiliet. Dan ser ikompli jnaqqas mis-saħħa li kellu l-Gvern. Iktar kunsilliera eletti fi ħdan il-Partit Nazzjonalista u iktar Kunsilli li jiċċaqilqu favur tmexxija tiegħu. Forsi hawn ukoll ser naraw sorpriżi li qabel il-Gvern ma kienx qiegħed jipprevedi. Passi sabiex ikomplu jnaqqsulu l-appoġġ elettorali u li jagħtu l-opportunità lill-Partit Nazzjonalista jimxi ’l quddiem. Il-klima politika għall-Partit Laburista mhijiex ser tkun faċli, li sejjer iktar lura fl-effetti tal-proċessi legali, l-inkompetenzi varji u n-nuqqasijiet amministrattivi li l-poplu qiegħed iħoss. F’kull lokalità ser jinsabu raġunijiet varji, imma l-verità hija wkoll li l-porporina minn fuq il-kurrazza marret sew u hemm bżonn armatura ġdida.
Inħarsu ’l quddiem
7. F’dan kollu wieħed irid iħares lejn il-futur. Wieħed irid, l-ewwel, jagħmel analiżi politika sħiħa li tqis ħafna fatturi. Dik li tara r-raġunijiet tan-nuqqasijiet fl-appoġġ, imma li tara kif tibni programm elettorali. Programm li jħares lejn dak li jridu l-bnedmin li ġejjin mill-irkejjen kollha tal-pajjiż tagħna. Proċess li fih, u minnu, nistgħu nieħdu direzzjoni aqwa. Dik li ssarraf sabiex ikun hemm tibdil fil-Gvern tal-pajjiż: bidla li issa qegħda ssir iktar u iktar ta’ neċessità nazzjonali. F’dan, għalhekk, huwa iktar leġittimu li nistaqsu jekk dan huwiex effettivament il-bidu tat-tmiem tal-Partit Laburista fil-Gvern.
15.11.23
META JAQGĦULHOM IL-PARAVENTI
1. Dak li ngħad tul il-ġimgħa li għaddiet ġie, u b’xi mod għadu, qed jiġi analizzat. Hemm min jaħseb u jħossu impressjonat b’argument jew ieħor. Hemm min jogħġbu d-diskors tal-Prim Ministru jew dak tal-Kap tal-Oppożizzjoni. Hemm ukoll min esprima opinjoni kuntrarja jew għal wieħed jew għat-tnejn li huma. Forsi wkoll, fil-ħajja tallum mhux kulħadd huwa ippreparat ikompli jisma’ diskorsi fit-tul u jippreferi l-qosor, id-dirett u ċ-ċar b’inqas attakki inutli. Però, hu x’inhu, jibqa’ l-fatt li dawn saru u diversi f’dawn il-jiem ser isibu ruħhom lura fir-realtà. Fl-għarfien li l-fatti huma l-kontra tal-istampi varji li ngħadu. Ħafna drabi l-poplu qiegħed jara li l-politiċi mhumiex jifhmu dak li huma għaddejjin minnu u dawk li huma l-prijoritajiet veri tagħhom.
Il-morr tal-ħajja
2. Fil-verità, wara d-diskors tal-Budget għall-prospett ta’ dak li ġej, ħafna diġà jagħrfu li mhuwiex biżżejjed għall-bżonnijiet li ser jiffaċċjaw. Il-punt determinanti f’dan jibqa’ li hemm rata ta’ inflazzjoni li mhix ser tinżel daqshekk drastikament. Il-ħajja hija għolja u m’hemmx prospett li fl-aħħar tas-sena u fl-ewwel sitt xhur tas-sena li ġejja ser tibdel triqitha. Iktar u iktar meta d-diskors kien iktar konċentrat kemm issa kollox huwa tajjeb ħafna u kemm, fl-2012, ħdax-il sena ilu skorruti, kollox kien ħażin. Wieħed għandu jinkwieta meta jkollu jibqa’ jisma’ dak li suppost seħħ fil-passat u kif illum irridu nħarsu lejn l-istorja li naħa tattakka u oħra tiddefendiha. Il-poplu jista’ jisma’ dan, imma fil-verità l-iktar li jinteressah hu x’ser isir illum.
Iż-żidiet
3. Ħafna diġà qegħdin jifhmu li dak li ngħata bħala żieda fil-kategoriji varji, li qed niġu nfurmati bih f’ossessjoni li tipprova tikkonvinċina, ser itaffi u mhux isolvi. Il-pajjiż jagħraf li bil-gwerra li issa żdiedet fl-elenku bejn il-Ħamas u Iżrael, il-kumplikazzjonijiet ekonomiċi ser ċertament ikomplu jiżdiedu u mhux jonqsu. Jagħraf iktar li fil-fond ta’ dak li ngħad, strateġija ekonomika li toħroġna verament minn dan il-waqfien, ma ngħaditx. Waqfien, għax huwa ċar li għal dawn l-aħħar tlett appuntamenti, il-linja kienet kemm ser inkomplu nżidu u mhux kif nistgħu naħdmu aħjar b’linji ġodda u differenti. F’dan il-mument huwa ċar ħafna li m’hemmx ideat ġodda li jinsabu fl-elenku tal-Gvern. Mhux biss, imma agħar, hemm ir-rassenjazzjoni li m’aħniex ser navvanzaw ’il quddiem u ser nibqgħu weqfin. Il-pajjiż illum qiegħed f’mument passiv u fejn f’ħafna għadu jiddependi fuq id-deċiżjonijiet politiċi li ttieħdu snin twal ilu. Deċiżjonijiet ikkritikati u issa kollha aċċettati, tant li dan il-Gvern qiegħed idur lura għalihom. Jingħad x’jingħad, il-Partit Nazzjonalista fil-Gvern kellu viżjoni li wettaq ħafna minnha.
Stennija
4. F’dan però nfetaħ xenarju kompletament ġdid, u f’ħafna, mistenni. Il-parti tal-elettorat li mhuwiex konvint minn dak li qiegħed jingħad miż-żewġ naħat tal-Kamra qiegħed jikber progressivament. Ħafna jridu jkunu jafu fejn verament sejrin u mhumiex ippreparati jaċċettaw dak li jingħad imma li mhux jipperswadihom. Semgħu wisq kliem fl-aqwa u fl-eċċellenzi varji li mhumiex lesti jidħku bihom infushom. Fil-gallarija partikolari tagħhom qed jaraw x’inhu għaddej, jistennew il-bidliet. Jistennew li jkun hemm linji politiċi differenti miż-żewġ naħat tal-Kamra. Fejn jistgħu jafdaw b’aktar f’dak li jħossu li huma piż u responsabbiltà għax-xhur u s-snin li ġejjin. Uħud qed jaraw l-elezzjoni tal-Parlament Ewropew li ġejja f’Ġunju 2024 bħala l-mument determinanti. Oħrajn le.
Dak li ġej
5. Fir-realtà hemm ċertu postponiment li dawk li mhumiex wisq konvinti qed jaraw. Dawk li jippretendu li dak li għandu jsir illum ma jdumx sa għada. Kemm dak li qed jaraw f’dan li ser jiġri hija ħaġ’oħra. Hemm diġà dawk li huma ċerti li xejn m’huwa ser jinbidel. Dawk li qed jesprimu l-opinjoni, xejn mimlija entużjażmu, li wara elezzjoni ġenerali oħra, tiġi meta tiġi, dan ser isir. Hemm xettiċiżmu li twieled, trabba u qed jissoda. Anzi, jekk wieħed jagħmel ħiltu biex jipperswadi l-kontra, xorta l-pożizzjoni tibqa’ dik li hija. Ċerti drabi, anzi agħar, fis-sens li tissoda iktar lil ħaddieħor fid-determinazzjoni li jgħid le. Dan għax waqt li jkun għaddej miegħek jarak f’għajnejh bħala ineffettiv fil-bżonn li jirnexxilek, ma’ oħrajn, iġġib il-bidliet li l-pajjiż għandu bżonn.
Diskorsi
6. Ħafna drabi ssibek f’dawk il-kliem li kont qrajt xi mkien: “His bluff had been called, and he was left in the position of the emperor without any clothes.” Is-sena li ġejja, il-pajjiż ser ikun aljenat bl-appuntament elettorali ta’ Ġunju u fih ser nisimgħu ħafna diskors. Dak tal-mexxejja u dak tal-kandidati separatament li max-xhur ser iħossu iktar il-libertà li jgħidu kif iħossuha huma, qisu mhumiex f’partit politiku, għax jaħsbu li ser jiġu eletti. Dan ser iservi ta’ paraventu komdu, u f’ħafna sens ser jixtri aktar żmien fil-Gvern fix-xhur li ser ikunu qed jgħaddu. Konvenjenza politika, imma mhux għall-poplu. Dan għax jaf li waqt id-duħħan u l-istorbju, ħtiġijietu mhux ser ikunu wisq fl-aġenda nazzjonali kif jixirqilhom li jkunu.
Il-punt jiġi wara
7. Waqt li l-Gvern ser jittama li l-miżuri li ħabbar illum jibqgħulu rilevanti għas-sitt xhur li ġejjin, u forsi fid-duħħan u fil-paraventi li qed naraw kontinwament jaf jirnexxilu, fuq in-naħa l-oħra hemm x’ser jiġri wara. Mhux biss, imma aktar f’dan iħares u jittama iktar li ma jkomplux jiżdiedu l-iskandli li kważi kellna kull xahar matul din is-sena. Jibqa’ jittama li d-dnubiet mortali u l-iżbalji kollha li saru fl-ewwel żewġ leġislaturi tiegħu ma jkomplux jiġru warajh. Xorta, f’dan kollu, hemm ir-realtajiet, il-fatti li ser ikomplu jiġu wara fuqu u jrid iwieġeb għalihom. L-ewwel: f’kemm il-poplu ser ikun f’pożizzjoni li jgħix ħajja deċenti li fiha almenu jlaħħaq. It-tieni: f’kemm il-poplu ser ikun konvint li għandu Gvern kapaċi jmexxih ’il quddiem. It-tielet: f’kemm huwa ser ikun kapaċi jifred lilu nnifsu mill-ewwel Gvernijiet Laburisti. F’dan, kif daqt naraw, ser isib ruħu fil-kliem li qrajt: “His bluff has been called, and he was left in the position of the emperor without any clothes.” U hemm, il-paraventi jaqgħu.
Il-morr tal-ħajja
2. Fil-verità, wara d-diskors tal-Budget għall-prospett ta’ dak li ġej, ħafna diġà jagħrfu li mhuwiex biżżejjed għall-bżonnijiet li ser jiffaċċjaw. Il-punt determinanti f’dan jibqa’ li hemm rata ta’ inflazzjoni li mhix ser tinżel daqshekk drastikament. Il-ħajja hija għolja u m’hemmx prospett li fl-aħħar tas-sena u fl-ewwel sitt xhur tas-sena li ġejja ser tibdel triqitha. Iktar u iktar meta d-diskors kien iktar konċentrat kemm issa kollox huwa tajjeb ħafna u kemm, fl-2012, ħdax-il sena ilu skorruti, kollox kien ħażin. Wieħed għandu jinkwieta meta jkollu jibqa’ jisma’ dak li suppost seħħ fil-passat u kif illum irridu nħarsu lejn l-istorja li naħa tattakka u oħra tiddefendiha. Il-poplu jista’ jisma’ dan, imma fil-verità l-iktar li jinteressah hu x’ser isir illum.
Iż-żidiet
3. Ħafna diġà qegħdin jifhmu li dak li ngħata bħala żieda fil-kategoriji varji, li qed niġu nfurmati bih f’ossessjoni li tipprova tikkonvinċina, ser itaffi u mhux isolvi. Il-pajjiż jagħraf li bil-gwerra li issa żdiedet fl-elenku bejn il-Ħamas u Iżrael, il-kumplikazzjonijiet ekonomiċi ser ċertament ikomplu jiżdiedu u mhux jonqsu. Jagħraf iktar li fil-fond ta’ dak li ngħad, strateġija ekonomika li toħroġna verament minn dan il-waqfien, ma ngħaditx. Waqfien, għax huwa ċar li għal dawn l-aħħar tlett appuntamenti, il-linja kienet kemm ser inkomplu nżidu u mhux kif nistgħu naħdmu aħjar b’linji ġodda u differenti. F’dan il-mument huwa ċar ħafna li m’hemmx ideat ġodda li jinsabu fl-elenku tal-Gvern. Mhux biss, imma agħar, hemm ir-rassenjazzjoni li m’aħniex ser navvanzaw ’il quddiem u ser nibqgħu weqfin. Il-pajjiż illum qiegħed f’mument passiv u fejn f’ħafna għadu jiddependi fuq id-deċiżjonijiet politiċi li ttieħdu snin twal ilu. Deċiżjonijiet ikkritikati u issa kollha aċċettati, tant li dan il-Gvern qiegħed idur lura għalihom. Jingħad x’jingħad, il-Partit Nazzjonalista fil-Gvern kellu viżjoni li wettaq ħafna minnha.
Stennija
4. F’dan però nfetaħ xenarju kompletament ġdid, u f’ħafna, mistenni. Il-parti tal-elettorat li mhuwiex konvint minn dak li qiegħed jingħad miż-żewġ naħat tal-Kamra qiegħed jikber progressivament. Ħafna jridu jkunu jafu fejn verament sejrin u mhumiex ippreparati jaċċettaw dak li jingħad imma li mhux jipperswadihom. Semgħu wisq kliem fl-aqwa u fl-eċċellenzi varji li mhumiex lesti jidħku bihom infushom. Fil-gallarija partikolari tagħhom qed jaraw x’inhu għaddej, jistennew il-bidliet. Jistennew li jkun hemm linji politiċi differenti miż-żewġ naħat tal-Kamra. Fejn jistgħu jafdaw b’aktar f’dak li jħossu li huma piż u responsabbiltà għax-xhur u s-snin li ġejjin. Uħud qed jaraw l-elezzjoni tal-Parlament Ewropew li ġejja f’Ġunju 2024 bħala l-mument determinanti. Oħrajn le.
Dak li ġej
5. Fir-realtà hemm ċertu postponiment li dawk li mhumiex wisq konvinti qed jaraw. Dawk li jippretendu li dak li għandu jsir illum ma jdumx sa għada. Kemm dak li qed jaraw f’dan li ser jiġri hija ħaġ’oħra. Hemm diġà dawk li huma ċerti li xejn m’huwa ser jinbidel. Dawk li qed jesprimu l-opinjoni, xejn mimlija entużjażmu, li wara elezzjoni ġenerali oħra, tiġi meta tiġi, dan ser isir. Hemm xettiċiżmu li twieled, trabba u qed jissoda. Anzi, jekk wieħed jagħmel ħiltu biex jipperswadi l-kontra, xorta l-pożizzjoni tibqa’ dik li hija. Ċerti drabi, anzi agħar, fis-sens li tissoda iktar lil ħaddieħor fid-determinazzjoni li jgħid le. Dan għax waqt li jkun għaddej miegħek jarak f’għajnejh bħala ineffettiv fil-bżonn li jirnexxilek, ma’ oħrajn, iġġib il-bidliet li l-pajjiż għandu bżonn.
Diskorsi
6. Ħafna drabi ssibek f’dawk il-kliem li kont qrajt xi mkien: “His bluff had been called, and he was left in the position of the emperor without any clothes.” Is-sena li ġejja, il-pajjiż ser ikun aljenat bl-appuntament elettorali ta’ Ġunju u fih ser nisimgħu ħafna diskors. Dak tal-mexxejja u dak tal-kandidati separatament li max-xhur ser iħossu iktar il-libertà li jgħidu kif iħossuha huma, qisu mhumiex f’partit politiku, għax jaħsbu li ser jiġu eletti. Dan ser iservi ta’ paraventu komdu, u f’ħafna sens ser jixtri aktar żmien fil-Gvern fix-xhur li ser ikunu qed jgħaddu. Konvenjenza politika, imma mhux għall-poplu. Dan għax jaf li waqt id-duħħan u l-istorbju, ħtiġijietu mhux ser ikunu wisq fl-aġenda nazzjonali kif jixirqilhom li jkunu.
Il-punt jiġi wara
7. Waqt li l-Gvern ser jittama li l-miżuri li ħabbar illum jibqgħulu rilevanti għas-sitt xhur li ġejjin, u forsi fid-duħħan u fil-paraventi li qed naraw kontinwament jaf jirnexxilu, fuq in-naħa l-oħra hemm x’ser jiġri wara. Mhux biss, imma aktar f’dan iħares u jittama iktar li ma jkomplux jiżdiedu l-iskandli li kważi kellna kull xahar matul din is-sena. Jibqa’ jittama li d-dnubiet mortali u l-iżbalji kollha li saru fl-ewwel żewġ leġislaturi tiegħu ma jkomplux jiġru warajh. Xorta, f’dan kollu, hemm ir-realtajiet, il-fatti li ser ikomplu jiġu wara fuqu u jrid iwieġeb għalihom. L-ewwel: f’kemm il-poplu ser ikun f’pożizzjoni li jgħix ħajja deċenti li fiha almenu jlaħħaq. It-tieni: f’kemm il-poplu ser ikun konvint li għandu Gvern kapaċi jmexxih ’il quddiem. It-tielet: f’kemm huwa ser ikun kapaċi jifred lilu nnifsu mill-ewwel Gvernijiet Laburisti. F’dan, kif daqt naraw, ser isib ruħu fil-kliem li qrajt: “His bluff has been called, and he was left in the position of the emperor without any clothes.” U hemm, il-paraventi jaqgħu.
Subscribe to:
Posts (Atom)