11106. L-ONOR. CARMELO MIFSUD BONNICI staqsa lill- Ministru għat-Trasport, l-Infrastruttura u l-Proġetti Kapitali: Jista’ l-Ministru jgħid x’miżuri jistgħu jiġu proposti mill-awtoritajiet sabiex it-traffiku li ta’ kuljum jgħaddi minn Triq Anton Buttigieg, fiż-Żejtun, jiġi b’xi mod ridott u razzjonalizzat?
18/07/2023
ONOR. AARON
FARRUGIA: Ninforma lill-Onor. Interpellant li Triq Anton
Buttigieg hija amministrata mill-Kunsill Lokali u Transport Malta ma għandha
l-ebda talbiet pendenti fir-rigward tat-traffiku li jgħaddi minn din
it-triq. Madanakollu, qed isir studju
konġunt bejn Transport Malta u Infrastructure Malta biex jittaffa t-traffiku fi
Triq il-Għadam, liema triq tagħti minn Triq Anton Buttigieg għaċ-ċentru taż-
Żejtun.
In oltre,
riċentement kien għaddej xogħol fi Triq Għar Dalam, f’ Birżebbuġa. Din it-triq ingħalqet diversi drabi u dan
seta’ ħalla impatt fuq it-traffiku fi Triq Anton Buttigieg. Dan ix-xogħol illum tlesta u fadal biss
xogħol fuq il-bankini li mhux suppost ikollu aktar impatt fuq it-traffiku.
Seduta 149
02/10/2023
No comments:
Post a Comment