16374. L-ONOR CARMELO MIFSUD BONNICI staqsa lill-Ministru għat-Trasport, Infrastruttura u l-Proġetti Kapitali: Jista’ l-Ministru jgħid kemm-il darba sarx xi progress fil-kwistjoni tal-ex Casino di Venezia peress li issa ilu magħluq għal ċertu snin? Jista’ jgħid jekk sarx avvanz fir-rigward tal-applikazzjoni għal hotel biswit l-istess sit?
02/09/2020
ONOR.
IAN BORG: B’risposta
għall-mistoqsija Parlamentari numru 16374, ninforma lill-Onorevoli Interpellant
li ninsab infurmat li filwaqt li tkomplew it-tentattivi li kienu nbdew qabel
2013 biex uħud minn dawk is-soċjetajiet li għandhom it-titoli fuq diversi
propjetajiet fix-Xatt tal-Birgu jirregolarizzaw fl-obbligi kuntrattwali
tagħhom, l-Awtorita' tal-Artijiet ħadet dawk l-azzjonijiet disponibbli skont
il-liġi biex tirkupra l-propjeta' u/jew id-danni attribwiti mingħand kull minn
kiser l-imsemmija obbligi. Tant li hemm kawżi pendenti quddiem il-Qrati ta’
Malta.
Domandi relatati mal-permessi tal-iżvilupp għandhom jiġu riferuti
lill-Ministeru kkonċernat.
No comments:
Post a Comment