26607. L-ONOR. CARMELO MIFSUD BONNICI staqsa lill-
Ministru għall-Edukazzjoni u x-Xogħol: B’referenza għat-tweġiba
għall-mistoqsija parlamentari 25877, jista’ l-Ministru jgħid x’kienet l-aġenda
u x’pożizzjoni ġew meħudin waqt il- Ministerial
Meetings in Madrid Political Dialogue 5+5?
04/07/2016
ONOR. EVARIST
BARTOLO: Bi tweġiba għal din il-mistoqsija, ninforma lill-Onor.
Interpellant li qed inpoġġi fuq il-Mejda tal-Kamra l-konklużjonijiet li ħarġu
minn din il-Konferenza Ministerjali. Bħala segwitu għal din il-laqgħa
ministerjali, Malta kompliet ikollha rwol attiv fejn ġew nominati żewġ
uffiċjali biex jirrappreżentaw lil Malta fil-Grupp ta'Uffiċjali Għolja (Senior Officials) imwaqqfa minn din
id-Dikjarazzjoni. Il-laqgħa li jmiss ta’ dan il-Grupp se ssir fil-11-12 ta'
Ottubru 2016. Din se tkun l-aħħar laqgħa qabel il-Konferenza Ministerjali li
jmiss tal-5+5 ppjanata għal Marzu 2017 fit-Tuneżija. Din il-Konferenza
Ministerjali hija mistennija li tappoġġa l-prijorità tal-Presidenza tagħna fuq
il-PRIMA.
Seduta 416
12/07/2016
No comments:
Post a Comment