26606. L-ONOR. CARMELO MIFSUD BONNICI staqsa lill-
Ministru għall-Edukazzjoni u x-Xogħol: B’referenza għat-tweġiba
għall-mistoqsija parlamentari 25877, jista’ l-Ministru jgħid x’kienet l-aġenda
u x’pożizzjoni ġiet meħuda fil-Unevoc-Delegazzjoni Ministerjali li saret
fil-Ġermanja?
04/07/2016
ONOR. EVARIST
BARTOLO: Ngħarraf lill-Onor. Interpellant li l-aġenda kienet
tinkludi laqgħa ma’ Dr Shymal Majundra, il-Kap tal-UNESCO UNEVOC. Matul din
il-laqgħa ġie diskuss ix-xogħol tal-UNEVOC fid-diversi pajjiżi li hi
rrappreżentata fihom. Fost oħrajn, ġew diskussi l-isfidi għall-edukazzjoni u
t-taħriġ vokazzjonali. Id-delegazzjoni Maltija ppreżentat id-diversi
inizzjattivi u programmi ġewwa Malta sabiex l-edukazzjoni u t-taħriġ
vokazzjonali jingħata l-importanza mistħoqqa. Permezz ta’ din il-laqgħa, ġie
milħuq ftehim sabiex terġa’ tiġi attivata s-sħubija ta’ Malta, permezz
tal-MCAST, bħala membru fi ħdan l-UNEVOC.
Seduta 416
12/07/2016
No comments:
Post a Comment