32667. L-ONOR. CARMELO MIFSUD BONNICI staqsa lill-Ministru għall-Kultura, l-Artijiet u l-Gvern Lokali: B’referenza għat-tweġiba tal-mistoqsija parlamentari 20308 u l-wegħda elettorali li jkun hemm arkivju nazzjonali ġdid f’Ta Qali, jista’ l-Ministru jgħid x’qiegħed isir biex dan iseħħ?
25/11/2025
ONOR. OWEN
BONNICI: Ninsab infurmat li wara li s-sit f’Ta’ Qali ingħaqad
fi proġett akbar għaż-żona f’Ta’ Qali, kif weġibt f’istanzi oħra, ġew esplorati
numru ta’ siti bil-għan li jiġi identifikat sit idoneju li jissodisfa r-rekwiżi
tekniċi u jitjieb l-aċċess tal-pubbliku u jixpruna l-interess lejn dan
il-proġett u x-xogħol tal-Arkivju Nazzjonali u bħalissa għaddej l-istudju fuq
sit partikolari biex ikun verifikat jekk il-binja ta’ Arkivju Nazzjonali ġdid
tistax issir hemm.
Seduta 419
09/12/2025
No comments:
Post a Comment