32465. L-ONOR. CARMELO MIFSUD BONNICI staqsa lill-
Ministru għall-Affarijiet Barranin: Jista’ l-Ministru jinforma lill-Kamra jekk
kemm-il darba pajjiżna huwiex ser jieħu sehem fil-laqgħa li ser isir Ġinevra
fil-25 ta’ April 2017 marbuta mal-aħħar rapport tal-Ġnus Magħquda dwar
il-faqar? Jekk iva ser issir xi kontribuzzjoni?
28/03/2017
ONOR. GEORGE
VELLA: Nixtieq ninforma lill-Onor. Interpellant li f'Ġinevra
fil-25 ta' April 2017 ser issir il-laqgħa intitolata "Forum Reġjonali għall-Iżvilupp Sostenibbli", li Malta ser
tipparteċipa fiha.
Dan il-Forum għandu jservi
ta' pjattaforma ewlenija fejn ser tiġi
diskussa l-implimentazzjoni tal-Aġenda
2030 u l-Miri għall-Iżvilupp Sostenibbli. L-eżitu ta' dan il-Forum ser
jiġi ppreżentat bħala kontribut reġjonali
għall-Forum Politiku Għoli li sussegwentement ser jittella' f' New
York f'Lulju 2017. Waqt il-Forum f'Ġinevra, l-Istati
Membri m'huma mistennija jħabbru l-ebda kontribuzzjoni finanzjarja.
Seduta 501
03/04/2017
No comments:
Post a Comment