1. Hemm kotba li ma tkunx trid titlaqhom minn idejk. Oħrajn inqas. Imma anki dawk li fil-maġġor parti tagħhom ma taqbilx mal-kontenut tagħhom, xorta numru ta’ drabi nsibhom ta’ għajnuna. Kapaċi jagħtuk direzzjoni fis-sens li tifhem dak li ma taqbilx miegħu u tafferma aktar dak li taqbel fih. Għax il-qari jgħin sabiex tifhem aħjar dak li jkun għaddej. Tifhem ukoll dak li tkun għaddiet minnu d-dinja ta’ madwarek. Tħares ’il quddiem sabiex tibni argumenti varji li jsostnuk jew isostnu dawk li huma l-kontra ta’ dak li jkun qiegħed jingħad.
Hemm vantaġġ
2. Biss, hemm vantaġġ kważi dejjem li tinxteħet taqra kitbiet ta’ oħrajn. Dawk li jaqraw jitgħallmu sew, u terġa’, ikunu f’pożizzjoni li jgħinu oħrajn jimxu flimkien ’il quddiem. Ħafna drabi, proċessi li jsiru f’daqqa. Għax biex taqsam dak li taqra trid taħseb u tgħarbel il-mod li ser twettaq dan. Proċess mhux faċli, sija jekk isir bil-fomm, u daqshekk ieħor jekk isir bil-kitba. Imma hemm dejjem vantaġġ li taqra kemm tista’ u kemm tiflaħ, u tħajjar lill-oħrajn li jagħmlu dan. Forsi b’dawn l-artikli li fihom immiss ma’ ktieb jew awtur nittama li, b’xi mod jew ieħor, dan qed nikkontribwixxi għalih.
Trid is-sabar
3. F’dan, ċertament trid is-sabar li tifli l-argumenti ta’ oħrajn f’kitbiethom, speċjalment meta ma tkunx taqbel magħhom. Hekk ħassejt f’dawn l-aħħar jiem waqt li kont qed naqra mill-ġdid il-ktieb ta’ Gianni Baget Bozzo (1925-2009), saċerdot Kattoliku li nvolva ruħu sew fil-ħajja politika Taljana, bl-isem Cattolici e Democristiani (1994). Għamel żmien attiv fid-Democrazia Cristiana. Wara, mill-1984, sar Membru Parlamentari Ewropew fi ħdan il-Partit Soċjalista Taljan immexxi minn Bettino Craxi (1934-2000). Għamel dan għal żewġ leġislaturi u tulhom kien sospiż, billi huwa magħruf li s-saċerdoti ma jistgħux jieħdu karigi pubbliċi jekk mhux bil-permess. Kien jara lill-Partit Soċjalista Taljan ta’ dak iż-żmien bħala wieħed iktar avvers għall-Komuniżmu mid-Democrazia Cristiana fit-triq tal-hekk imsejjaħ ‘kompromess storiku’.
Trid il-paċenzja
4. Lejn tmiem dan il-perjodu, fl-1994 reġa’ ġie reintegrat u waqaf minn dik il-karriera politika. Kien iż-żmien, però, meta Craxi u diversi partiti sabu diffikultajiet b’dak li rriżulta minn Tangentopoli. Kien f’dan li ħadem sabiex jgħin lil Silvio Berlusconi (1936-2023) biex jifforma l-partit Forza Italia. Ħajja li minnha nfisha tindika dak li l-bniedem għadda minnu, b’ideat differenti u ġudizzji daqstant ieħor hekk. F’dan il-kuntest storiku, għalkemm kiteb diversi artikli u kotba oħra, dan il-ktieb huwa partikolari għax fih riflessjonijiet li mexxewh sabiex jibdel kif bidel.
Il-ktieb
5. F’din il-kitba hemm kritika qawwija għal dak li, skont hu, id-Democrazia Cristiana ma wettqitx u li suppost kellha tagħmel. Kważi ċaħda qawwija u totali tal-bidliet soċjali, ekonomiċi u favur il-libertà, ispirati mill-prinċipji etiċi Nsara li diversi politiċi f’dak il-partit irnexxielhom iwettqu. Jaqsam f’diversi kapitoli l-proċess li huwa jara li twettaq jew li seħħ fit-tmexxijiet li żvolġew. Fuq l-oħra tifħir kważi ferm iktar mir-raġuni lejn Bettino Craxi fl-abbiltajiet politiċi tiegħu. Iktar u iktar meta dik l-esperjenza politika kienet immarkata fil-fatt li Craxi kien irnexxilu jkun l-ewwel Prim Ministru Soċjalista fl-Italja u għal żmien itwal minn oħrajn qablu.
Ideoloġija
6. F’dan kollu, tul dawn il-paġni sibt punti li laqtuni bħala referenza u analiżi. Biex jispjega iktar dak li seħħ, l-ewwel, huwa jgħid hekk: “La fine delle ideologie svuota le morali politiche, riferite a una istituzione e a un costume.” (It-tmiem tal-ideoloġiji jiżvojta l-moralità politika marbuta ma’ istituzzjoni u ma’ kostum.) It-tieni, ftit iktar ’l isfel: “La crisi delle ideologie conduce con sè la crisi dei partiti, che non sono più in grado di dare motivazione ai loro militanti.” (Il-kriżi tal-ideoloġiji ġġib magħha l-kriżi fil-partiti, li ma jkunux fil-qagħda li jagħtu motivazzjoni lil dawk li jimmilitaw fihom.)
Kif tintilef it-triq
7. Proprju iktar f’dan kif it-triq tintilef minn partit li ma jsibx politiċi fi ħdanu li jagħrfu li mingħajr ideoloġija jitilfu s-sens u s-sustanza tagħhom. Il-melħ, huwa ta’ liema kulur hu, ma jibqax iktar f’pożizzjoni li juri ideat differenti u ibbażati fuq premessi loġiċi. Isir dak li jsiru l-oħrajn. Partiti tal-isem li meta daqqa jgħidu ħaġa u daqqa jgħidu oħra jikkontradiċu lilhom infushom. Ma jibqgħux u la jispiraw u wisq inqas jiddistingwu ruħhom. Isiru parti mill-bżieżaq tas-sapun li jakkumpanjaw argumenti fejn, flok tittieħed pożizzjoni, nimxu iktar fuq il-linja ta’ dak li huwa suppost diskors politikament korrett li ma jieħdok imkien imma jħallik fejn int: bla pożizzjoni u bla direzzjoni.
Trasparenza
8. Dan fih iktar valur ta’ ħsieb u riflessjoni f’dinja fejn l-imġieba skorretta u l-każijiet ta’ politiċi li jiġu ttantati sew mill-korruzzjoni. Dan jingħad iktar għax min huwa parti minn ideoloġija politika jappartjeni għal numru ta’ prinċipji. Mhux biss parti, imma f’ħafna huwa kkunsidrat li huwa marbut ma’ dawk l-ideat f’linja tajba. Impenjat li ma jiksirx il-prinċipji etiċi tal-partit u fl-istess ħin hemm spjegazzjoni politika għall-ideat, il-proposti u d-direzzjoni sħiħa tiegħu. Pass fit-trasparenza politika u fl-akkontabilità li għandha takkumpanjahom. Kull politiku huwa mitlub li jagħti spjegazzjoni ċara ta’ dak li ddeċieda li jiddeċiedi, u f’dan, l-eżistenza ta’ ideoloġija hija ta’ konfort ikbar milli n-nuqqas tagħha.
Jintremew
9. Meta dawk il-politiċi fi ħdan partit jabbandunaw l-ideoloġija tagħhom ma jkunux qed isiru aktar moderni jew progressivi: ikunu qed jiddeklassaw lilhom infushom. Ikunu qegħdin jintremew, u f’dan jitilfu r-rispett li l-elettorat irid u jippretendi mingħandhom. Proċess li seħħ f’dawn is-snin, sija minħabba l-eżempji żbaljati ta’ barra minn xtutna, kif ukoll minħabba l-fatt li l-kultura politika mhijiex ikkultivata. Kif ukoll għax għandna iktar politiċi li ma jafux fhiex jemmnu u kapaċi jidentifikaw ruħhom f’partit politiku. Fejn anzi l-partit, skont huma, irid isir xmara ta’ ideat differenti li, kif jgħidu, m’għandhomx u la kap u lanqas kuda.
Immarka
10. F’dan kollu l-ktieb, fil-paġni differenti li erġajt qrajt, naħseb li apprezzajt ftit aktar dak li kont meta xtrajtu lura fl-10 ta’ Frar 1985 u qrajtu għall-ewwel darba. Fil-ħajja ikkulurita ta’ din il-persuna hemm, xorta ngħid, ħafna x’titgħallem. Biss, ċertament, permezz tiegħu affermajt iktar l-insistenza tiegħi li partit mingħajr ideoloġija huwa destinat li jfalli. Kif inhuwa wkoll dak il-politiku meta jieqaf milli jħaddan u ma jiddefendix iktar l-ideoloġija politika tiegħu. Proprju quddiem din ir-realtà li wieħed jinqabad f’dawn in-nases, nibqa’ ninsisti magħkom kemm hu importanti li wieħed iżomm mal-prinċipji tiegħu.
Showing posts with label Silvio Berlusconi. Show all posts
Showing posts with label Silvio Berlusconi. Show all posts
18.4.24
29.2.24
IL-BIĊĊIET GĦANDHOM JINĠIEBU LURA
1. Ftit snin ilu, fl-1994 Gianni Baget Bozzo (1925-2009) kien ippubblika ktieb bl-isem Cattolici e Democristiani. Un’esperienza politica italiana. Wieħed mimli riflessjonijiet meħuda fil-kuntest ta’ dak li kien qiegħed iseħħ wara l-waqfa tal-Partit Demokratiku Kristjan fl-Italja. Wieħed li kien qiegħed jinkiteb f’ċirkostanzi partikolari, dawk marbuta mal-formazzjoni tal-Partit Popolari ta’ Mino Martinazzoli u dak taċ-Centro Democratico Cristiano ta’ Pier Ferdinando Casini, Francesco d’Onofrio u Clemente Mastella. Ħsibijiet u ideat li forsi llum għandhom iktar rilevanza milli fil-mument li nkitbu. Aktar u aktar għax il-qasma ta’ dak il-partit kbir fiċ-ċentru moderat tal-politika Taljana fetaħ it-triq għall-formazzjoni politika ta’ dak li kellu jibni Silvio Berlusconi.
Il-pożizzjoni
2. Baget Bozzo jgħid sewwa hekk, fost oħrajn: “Non c’è problema più antico del rapporto tra il Cristiano e la politica.” (M’hemmx problema iktar antika mir-rapport bejn il-Kristjan u l-politika.) Għadda ż-żmien, u fil-fatt hekk għadhom l-affarijiet, salv dejjem kif taffrontahom u toħroġ minnhom. Imma dak kien wieħed uniku għax il-partit tal-Kattoliċi, li kien ifforma ruħu u mexxa b’suċċess il-pajjiż kien għaddej minn diffikultajiet. Huwa jgħid hekk: “Si è cochiusa una parte rilevante nella storia del nostro Paese: quella segnata dalla centralità e della egemonia del partito cattolico.” (Ingħalqet parti rilevanti mill-istorja tal-pajjiż: dik marbuta maċ-ċentralità u l-egemonija tal-partit Kattoliku.) Ingħalqet fażi interessanti li ċertament, kif jgħid tajjeb Marco Follini (1954) huwa u jirrifletti fil-ktieb sabiħ tiegħu Democrazia Cristiana. Il racconto di un partito, ma ngħatatx u ma tingħatax spazju u rikonoxximent għal dak li wettqet.
Illum
3. Il-bnedmin li ġew iffurmati u li kienu parti mid-Democrazia Cristiana Taljana u li baqgħu fil-politika huma fil-preżent imxerrda f’formazzjonijiet politiċi varji. Hemm minnhom fil-Gvern u hemm ukoll fl-Oppożizzjoni. Ilkoll, b’xi mod, jispiraw ruħhom lura lejn dak li kien u dak li għaddew minnu. Diversi għadhom, b’xi mod, marbuta mal-mexxejja u l-kurrenti l-antiki. Iktar u iktar illum meta ġew ippubblikati diversi kotba li fihom hemm ħafna iktar informazzjoni ta’ x’wassal għal deċiżjoni u mhux għal oħra. Dawn l-aħħar għaxar snin huma miżgħuda minn dan għal min irid ikompli jaħseb u jeżamina sewwa u f’kemm jista’ dettall dak kollu li seħħ. Hu x’inhu, minn dak li naqra ngħid li hemm żewġ elementi partikolari. Fuq waħda l-għarfien li sar ħafna ġid, u ma hemm xejn żbaljat li wieħed jidentifika l-passat jew il-preżent tiegħu ma’ dawk l-ideat politiċi. Fuq l-oħra hemm forma ta’ nostalġija sabiex dik il-forza ċentrali u moderata li fiha l-Kattoliċi u d-Demokratiċi Nsara jiġu lura sabiex jikkomponuha. Ideat li qegħdin hemm u li nafu li saru u għadhom isiru diversi attentati biex jinbeda dan il-proċess.
Ftit iktar
4. F’dan, iktar u iktar fil-fatt li bil-mewt ta’ Berlusconi, il-partit tiegħu Forza Italia qiegħed fil-fażi fejn irid ifittex identità u pożizzjoni differenti. Ma jistax jibqa’ l-partit identifikat kompletament miegħu. Min-naħa l-oħra wieħed irid jimxi b’kawtela lejn fejn ser tieħu d-diversi li ngħaqdu fis-snin. Din kienet u f’ħafna hija l-isfida li Antonio Tajani (1953) għandu quddiemu. F’ħafna rnexxilu jżomm il-komponenti interni f’daqqa u jaġixxi sabiex iġib oħrajn minn barra lura miegħu. Huwa, bl-istil moderat u mingħajr esaġerazzjoni tiegħu, fil-kungress li fih ġie elett kap ġdid tal-partit kien qal hekk: “Mi sento una grande responsabilità sulle spalle. Non sarò mai Maradona ma ce la metterò tutta per allargare questo movimento.” (Inħoss responsabbiltà kbira fuq spallejja. Mhux ser inkun qatt bħal Maradona, imma ser nagħmel l-almu tiegħi kollu sabiex inkabbar dan il-moviment politiku.)
Sfida xejn faċli
5. Din hija l-isfida xejn faċli li għandha rilevanza mhux biss billi żżomm il-partijiet interni f’daqqa, imma wkoll li ġġib lura lil dawk li ħarġu u li qabdu toroq oħra. Il-ġurnalista Anna Maria Greco tikteb f’Il Giornale tal-Ħadd, u fuq dan tgħid hekk: “Tajani ora deve tenere il partito unito e insistere sul fatto che la sua gestione di Forza Italia sarà democratica, non verticistica, aperta all’ascolto di tutte le componenti.” (Tajani issa jrid iżomm il-partit magħqud u jinsisti fuq il-fatt li t-tmexxija tiegħu tal-partit tkun waħda demokratika, mhux minn fuq għal isfel, imma waħda miftuħa biex tisma’ lill-partijiet kollha.) Ngħid fuq dan li ċertament Tajani għandu, u bena, l-esperjenza politika neċessarja sabiex ikompli jwettaq dan kollu. F’dawn ix-xhur ġabar aktar il-partit f’daqqa u l-vot fuqu kien ukoll akkumpanjat minn ġabra ta’ persuni li ser jgħinuh. Ilkoll ġejjin minn ħdan il-partit u lkoll aċċettati internament u mogħtija vot sħiħ ta’ fiduċja. Partit verament li qiegħed ifittex l-għaqda mhux fil-faċċata, imma wkoll fid-dinamika interna.
Il-pożizzjoni
2. Baget Bozzo jgħid sewwa hekk, fost oħrajn: “Non c’è problema più antico del rapporto tra il Cristiano e la politica.” (M’hemmx problema iktar antika mir-rapport bejn il-Kristjan u l-politika.) Għadda ż-żmien, u fil-fatt hekk għadhom l-affarijiet, salv dejjem kif taffrontahom u toħroġ minnhom. Imma dak kien wieħed uniku għax il-partit tal-Kattoliċi, li kien ifforma ruħu u mexxa b’suċċess il-pajjiż kien għaddej minn diffikultajiet. Huwa jgħid hekk: “Si è cochiusa una parte rilevante nella storia del nostro Paese: quella segnata dalla centralità e della egemonia del partito cattolico.” (Ingħalqet parti rilevanti mill-istorja tal-pajjiż: dik marbuta maċ-ċentralità u l-egemonija tal-partit Kattoliku.) Ingħalqet fażi interessanti li ċertament, kif jgħid tajjeb Marco Follini (1954) huwa u jirrifletti fil-ktieb sabiħ tiegħu Democrazia Cristiana. Il racconto di un partito, ma ngħatatx u ma tingħatax spazju u rikonoxximent għal dak li wettqet.
Illum
3. Il-bnedmin li ġew iffurmati u li kienu parti mid-Democrazia Cristiana Taljana u li baqgħu fil-politika huma fil-preżent imxerrda f’formazzjonijiet politiċi varji. Hemm minnhom fil-Gvern u hemm ukoll fl-Oppożizzjoni. Ilkoll, b’xi mod, jispiraw ruħhom lura lejn dak li kien u dak li għaddew minnu. Diversi għadhom, b’xi mod, marbuta mal-mexxejja u l-kurrenti l-antiki. Iktar u iktar illum meta ġew ippubblikati diversi kotba li fihom hemm ħafna iktar informazzjoni ta’ x’wassal għal deċiżjoni u mhux għal oħra. Dawn l-aħħar għaxar snin huma miżgħuda minn dan għal min irid ikompli jaħseb u jeżamina sewwa u f’kemm jista’ dettall dak kollu li seħħ. Hu x’inhu, minn dak li naqra ngħid li hemm żewġ elementi partikolari. Fuq waħda l-għarfien li sar ħafna ġid, u ma hemm xejn żbaljat li wieħed jidentifika l-passat jew il-preżent tiegħu ma’ dawk l-ideat politiċi. Fuq l-oħra hemm forma ta’ nostalġija sabiex dik il-forza ċentrali u moderata li fiha l-Kattoliċi u d-Demokratiċi Nsara jiġu lura sabiex jikkomponuha. Ideat li qegħdin hemm u li nafu li saru u għadhom isiru diversi attentati biex jinbeda dan il-proċess.
Ftit iktar
4. F’dan, iktar u iktar fil-fatt li bil-mewt ta’ Berlusconi, il-partit tiegħu Forza Italia qiegħed fil-fażi fejn irid ifittex identità u pożizzjoni differenti. Ma jistax jibqa’ l-partit identifikat kompletament miegħu. Min-naħa l-oħra wieħed irid jimxi b’kawtela lejn fejn ser tieħu d-diversi li ngħaqdu fis-snin. Din kienet u f’ħafna hija l-isfida li Antonio Tajani (1953) għandu quddiemu. F’ħafna rnexxilu jżomm il-komponenti interni f’daqqa u jaġixxi sabiex iġib oħrajn minn barra lura miegħu. Huwa, bl-istil moderat u mingħajr esaġerazzjoni tiegħu, fil-kungress li fih ġie elett kap ġdid tal-partit kien qal hekk: “Mi sento una grande responsabilità sulle spalle. Non sarò mai Maradona ma ce la metterò tutta per allargare questo movimento.” (Inħoss responsabbiltà kbira fuq spallejja. Mhux ser inkun qatt bħal Maradona, imma ser nagħmel l-almu tiegħi kollu sabiex inkabbar dan il-moviment politiku.)
Sfida xejn faċli
5. Din hija l-isfida xejn faċli li għandha rilevanza mhux biss billi żżomm il-partijiet interni f’daqqa, imma wkoll li ġġib lura lil dawk li ħarġu u li qabdu toroq oħra. Il-ġurnalista Anna Maria Greco tikteb f’Il Giornale tal-Ħadd, u fuq dan tgħid hekk: “Tajani ora deve tenere il partito unito e insistere sul fatto che la sua gestione di Forza Italia sarà democratica, non verticistica, aperta all’ascolto di tutte le componenti.” (Tajani issa jrid iżomm il-partit magħqud u jinsisti fuq il-fatt li t-tmexxija tiegħu tal-partit tkun waħda demokratika, mhux minn fuq għal isfel, imma waħda miftuħa biex tisma’ lill-partijiet kollha.) Ngħid fuq dan li ċertament Tajani għandu, u bena, l-esperjenza politika neċessarja sabiex ikompli jwettaq dan kollu. F’dawn ix-xhur ġabar aktar il-partit f’daqqa u l-vot fuqu kien ukoll akkumpanjat minn ġabra ta’ persuni li ser jgħinuh. Ilkoll ġejjin minn ħdan il-partit u lkoll aċċettati internament u mogħtija vot sħiħ ta’ fiduċja. Partit verament li qiegħed ifittex l-għaqda mhux fil-faċċata, imma wkoll fid-dinamika interna.
Il-futur
6. F’dan verament, ir-responsabbiltà m’hija faċli xejn. Imma hemm vojt politiku li ilu jinħass minn meta spiċċa l-Partit Demokratiku Kristjan. Forsi f’dan ukoll, diversi kwistjonijiet interni li kienu qamu u li kienu ilhom għaddejjin is-snin, issa bdew jintesew. Dan jiftaħ iktar l-ispazju politiku għalih. Għax hemm votanti li mhux qed jivvutaw li jistgħu jinġiebu lura. Hemm dawk li mhux neċessarjament qed jivvutaw għall-partiti l-oħra tal-lemin li jistgħu jinġiebu lura biex jieħdu sehem attiv. Iktar u iktar meta qiegħed jiddikjara li jrid jifetaħ iktar għad-djalogu ma’ soċjetà li tidher li nbidlet, li però għad għandha nostalġiji passati. Ħidma xejn faċli, imma sabiħa. Waħda li Demokratiku Kristjan bħalu jista’ jwettaq. Waħda li anki f’pajjiżna trid tiġi verament ikkultivata. Waħda li nittamaw li minnha nistgħu niddikjaraw u naraw li l-biċċiet għandhom jinġiebu lura.
6. F’dan verament, ir-responsabbiltà m’hija faċli xejn. Imma hemm vojt politiku li ilu jinħass minn meta spiċċa l-Partit Demokratiku Kristjan. Forsi f’dan ukoll, diversi kwistjonijiet interni li kienu qamu u li kienu ilhom għaddejjin is-snin, issa bdew jintesew. Dan jiftaħ iktar l-ispazju politiku għalih. Għax hemm votanti li mhux qed jivvutaw li jistgħu jinġiebu lura. Hemm dawk li mhux neċessarjament qed jivvutaw għall-partiti l-oħra tal-lemin li jistgħu jinġiebu lura biex jieħdu sehem attiv. Iktar u iktar meta qiegħed jiddikjara li jrid jifetaħ iktar għad-djalogu ma’ soċjetà li tidher li nbidlet, li però għad għandha nostalġiji passati. Ħidma xejn faċli, imma sabiħa. Waħda li Demokratiku Kristjan bħalu jista’ jwettaq. Waħda li anki f’pajjiżna trid tiġi verament ikkultivata. Waħda li nittamaw li minnha nistgħu niddikjaraw u naraw li l-biċċiet għandhom jinġiebu lura.
19.6.23
FUTUR IKKUMPLIKAT
1. Għal dawk li jippruvaw ikunu strumenti tas-sewwa fil-ħajja, b’mod partikolari f’dik politika, jafu li għandhom ħafna x’jaffrontaw. Iktar u iktar illum fl-atmosfera tossikoloġika li żviluppat. F’soċjetà li qegħda tissogra sew f’dak li nafu li huwa velenuż, ta’ dak li huwa tosku. Fis-sogru ulterjuri li tant l-arja u l-ambjent saru semm, li wħud qed jidraw jaħsbu li dik hija n-normalità. Mhux faċli, ċertament, tmur kontra l-kurrent u taqbad toroq oħra. Trid, però, f’dan ix-xenarju ssir kapaċi tifhem kif dan kollu qiegħed jaħdem fuq il-bniedem. Issir politiku tossikologu biex tifred il-ħażin mit-tajjeb, l-inġust mill-ġust u tgħin sabiex jinbena pajjiż aħjar.
Fid-demokrazija tagħna
2. Fil-preżent hemm dan kollu għaddej u huwa, sfortunatament, mifrux. Iktar u iktar fl-inabilità ta’ politiċi biex jifhmu li huma saru parti minn dan kollu. Fl-inkapaċità li jagħrfu li m’għandhomx jimxu mal-“oħrajn”, u jduru biex jibdlu. Biex jibdew jifhmu li l-azzjonijiet ħżiena, huma fejn huma, ma jwasslu għal ebda forma ta’ ġid. Li ma tistax tittratta nġustament lill-oħrajn u tippretendi li ser timxi ʼl quddiem. Li tiddikjara ħaġa mentri tkun qed tipprattika ħaġ’oħra. Li ma tindunax b’dak li huwa għaddej u kemm għemilek huwa kontro-produċenti. Iktar u iktar dan f’pajjiż demokratiku. Fl-istituzzjonijiet tiegħu u fil-partiti politiċi li jaħdmu fih.
Mhux faċli
3. F’dan, hemm ċertament sfida għal kull politiku li jrid jaħdem verament. Tammira u ssostni lil dawk li jridu, f’dan, jibdlu. Hemm livelli varji u metodi differenti ta’ kif dan jista’ jsir. Mhux il-bnedmin kollha huma l-istess, u anqas iċ-ċirkostanzi li qed jgħixu u joperaw fihom. F’dan wieħed għandu jħares lejn dak li hu għaddej fi ħdan il-partit politiku Taljan Forza Italia. Partit li jinsab fid-diffikultajiet minħabba l-fatt li l-kap tiegħu, Silvio Berlusconi ġie, kif nafu, nieqes. Kien hu li żamm il-partit għaddej mill-1994. Daqqiet b’ħafna suċċess elettorali, u oħrajn inqas. Imma l-fatt huwa li din hija formazzjoni politika li għandha l-ideat tagħha, però f’ħafna hija identifikata ma’ din il-persuna tant dominanti. Għalhekk wieħed japprezza li Antonio Tajani, preżentement il-Viċi-Kap tal-formazzjoni, għandu fuqu responsabbiltà xejn faċli biex iwettaq.
Għall-Partit u għall-Pajjiż
4. F’dan hemm, l-ewwel, l-eżistenza nnifisha ta’ dan il-partit, li baqa’ jiġbor fih bnedmin li huma fiċ-ċentru-lemin. It-tieni, fil-Gvern preżenti tal-pajjiż. Komponent essenzjali tal-maġġoranza li Giorgia Meloni qegħda preżentement tmexxi. Ħidmet Tajani ser, f’dan, ikun determinanti. F’dan kemm it-tmexxija tiegħu ser tkun aċċettata u jekk il-membri humiex ser jibqgħu fil-partit u mhux jimxu lejn oħrajn. Forsi f’dan ukoll hemm il-vantaġġ li huwa politiku li serva sew f’diversi karigi. Kien Kummissarju Ewropew, President tal-Parlament Ewropew, deputat tiegħu, u mill-2014 deputat tal-Parlament Taljan. Esperjenza għandu, u żviluppa sew l-abbiltà li jaħdem ma’ bnedmin oħra fil-forom varji li l-bnedmin jiġu bihom. Imma altru tkun Viċi Kap, u altru ssir Kap.
Il-futur
5. F’dan kollu hemm, però, passi li wieħed jista’ jqawwi qalbu bihom ukoll. Kien interessanti li fl-aħħar jiem qabel il-mewt ta’ Berlusconi ġiet organizzata konferenza bil-ħsieb “Con I Valori Cristiani al Centro: La classe dirigente per l’Europa di oggi e di domani”, fejn il-kelliema prinċipali kienu Tajani u Manfred Weber, li qiegħed imexxi lill-Partit Popolari Ewropew. Dikjarazzjoni ċara li fi ħdan il-Forza Italia hemm bżonn dożi aqwa ta’ ideat Demokratiċi-Nsara. Impostazzjoni interessanti u li jista’ jkollha l-effett li żżomm, u fl-istess ħin tiġbed iktar bnedmin fi ħdan din il-ħidma. Dikjarazzjoni ta’ pożizzjoni ideoloġika li hija, f’dak kollu li seħħ fil-passat, kuraġġuża. U fl-istess ħin propizja, fis-sens li hemm issa miftuħ lura l-ispazju politiku biex din tista’ ssir.
Delegazzjoni Parlamentari
6. Fl-għarfien li s-saħħa medjatika ta’ Berlusconi issa ser titnaqqas sew, hemm il-bieb miftuħ għall-apprezzament mill-ġdid ta’ dak li wettaq il-Partit Demokratiku Kristjan fil-pajjiż. Mhux biss, imma issa għaddew kważi tletin sena ta’ esperjenzi varji li għandhom jiftħu iktar l-għajnejn u d-direzzjoni politika t-tajba li għandha tittieħed. F’dan, ġie wkoll, kważi id f’id il-messaġġ tal-Papa Franġisku lil dik li kellha tkun laqgħa tal-Grupp Parlamentari tal-Partit Popolari Ewropew. Minħabba l-fatt li l-Papa kien jinsab rikoverat l-isptar din ma saritx, imma xorta ntbagħat messaġġ b’saħħtu. Wieħed li jistieden lill-Insara li jridu jagħtu sehem fil-ħajja politika biex jiskopru u jħaddmu mill-ġdid il-valuri li jsawruhom.
Pass tajjeb
7. F’dan ċertament kien pass tajjeb li wieħed jagħżel li, bħala partit politiku, jmur jiltaqa’ mal-Papa. Ma naħsibx li hemm gruppi politiċi oħra fi ħdan il-Parlament Ewropew li lesti li jagħmlu dan. Idea li serviet f’diversi direzzjonijiet. L-ewwel, il-Papa kellu l-opportunità li jelenka numru ta’ punti li jgħoddu għal kull min irid iwettaq il-politika t-tajba, ġej minn liema formazzjoni politika li ġej. Fil-bżonn ta’ politiċi li jkunu viċin il-poplu biex jifhmu l-bżonnijiet veri tagħhom. It-tieni, mess ukoll il-bżonn li wieħed jagħti importanza lid-duttrina soċjali tal-Knisja. Fil-bżonn li jagħraf il-fonti ta’ direzzjoni, jgħid hekk: “May the Gospel be your lodestar and the social doctrine of the Church your compass”. (J’Alla l-Vanġelu jkun l-istilla, u d-duttrina soċjali tal-Knisja l-boxxla li jurukom it-triq.)
Il-politiku awtentiku
8. Hemm, f’dan, piż u sejħa aqwa u ikbar għall-politiku Nisrani. Il-Papa Franġisku, fil-messaġġ tiegħu jkompli jgħid hekk: “The Christian politician should be distinguished by the seriousness with which he or she confronts issues, rejecting opportunistic solutions and always holding firm to the criteria of the dignity of the person and the common good.” (Il-politiku Nisrani għandu jiddistingwi ruħu fis-serjetà li biha jikkonfronta l-isfidi, billi ma jaċċettax li jmur għal soluzzjonijiet opportunistiċi u li jżomm dejjem lilu nnifsu sod mal-prinċipji tal-protezzjoni tad-dinjità umana u tal-ġid komuni.) Messaġġi ċari ħafna, u daqshekk ieħor gwidi għal kull min irid ikun strument tas-sewwa.
X’ser iseħħ?
9. F’dan huwa iktar determinanti dak kollu li Antonio Tajani ser jimxi fuqu fil-kumplikazzjonijiet konsegwenzjali li l-partit tal-Forza Italia jinsab fihom. Fil-jiem li ġejjin ser naraw dan jiżviluppa iktar. F’dak kollu li bnedmin varji, li diversi minnhom huma magħquda ma’ rabtiet ta’ lealtajiet personali ma’ Silvio Berlusconi, x’ser jagħmlu. Mhux biss, imma wkoll fl-aspett familjari, f’kemm uliedu ser jibqgħu daqshekk magħqudin f’daqqa jew jekk humiex ser jagħżlu toroq differenti; jew agħar, li jispiċċaw fi proċeduri legali xejn faċli dwar il-wirt ekonomiku li ħalla. Għandu verament futur ikkumplikat quddiemu, imma nittamaw li bl-esperjenza politika li ġabar ser jieħu deċiżjonijiet tajba.
Fid-demokrazija tagħna
2. Fil-preżent hemm dan kollu għaddej u huwa, sfortunatament, mifrux. Iktar u iktar fl-inabilità ta’ politiċi biex jifhmu li huma saru parti minn dan kollu. Fl-inkapaċità li jagħrfu li m’għandhomx jimxu mal-“oħrajn”, u jduru biex jibdlu. Biex jibdew jifhmu li l-azzjonijiet ħżiena, huma fejn huma, ma jwasslu għal ebda forma ta’ ġid. Li ma tistax tittratta nġustament lill-oħrajn u tippretendi li ser timxi ʼl quddiem. Li tiddikjara ħaġa mentri tkun qed tipprattika ħaġ’oħra. Li ma tindunax b’dak li huwa għaddej u kemm għemilek huwa kontro-produċenti. Iktar u iktar dan f’pajjiż demokratiku. Fl-istituzzjonijiet tiegħu u fil-partiti politiċi li jaħdmu fih.
Mhux faċli
3. F’dan, hemm ċertament sfida għal kull politiku li jrid jaħdem verament. Tammira u ssostni lil dawk li jridu, f’dan, jibdlu. Hemm livelli varji u metodi differenti ta’ kif dan jista’ jsir. Mhux il-bnedmin kollha huma l-istess, u anqas iċ-ċirkostanzi li qed jgħixu u joperaw fihom. F’dan wieħed għandu jħares lejn dak li hu għaddej fi ħdan il-partit politiku Taljan Forza Italia. Partit li jinsab fid-diffikultajiet minħabba l-fatt li l-kap tiegħu, Silvio Berlusconi ġie, kif nafu, nieqes. Kien hu li żamm il-partit għaddej mill-1994. Daqqiet b’ħafna suċċess elettorali, u oħrajn inqas. Imma l-fatt huwa li din hija formazzjoni politika li għandha l-ideat tagħha, però f’ħafna hija identifikata ma’ din il-persuna tant dominanti. Għalhekk wieħed japprezza li Antonio Tajani, preżentement il-Viċi-Kap tal-formazzjoni, għandu fuqu responsabbiltà xejn faċli biex iwettaq.
Għall-Partit u għall-Pajjiż
4. F’dan hemm, l-ewwel, l-eżistenza nnifisha ta’ dan il-partit, li baqa’ jiġbor fih bnedmin li huma fiċ-ċentru-lemin. It-tieni, fil-Gvern preżenti tal-pajjiż. Komponent essenzjali tal-maġġoranza li Giorgia Meloni qegħda preżentement tmexxi. Ħidmet Tajani ser, f’dan, ikun determinanti. F’dan kemm it-tmexxija tiegħu ser tkun aċċettata u jekk il-membri humiex ser jibqgħu fil-partit u mhux jimxu lejn oħrajn. Forsi f’dan ukoll hemm il-vantaġġ li huwa politiku li serva sew f’diversi karigi. Kien Kummissarju Ewropew, President tal-Parlament Ewropew, deputat tiegħu, u mill-2014 deputat tal-Parlament Taljan. Esperjenza għandu, u żviluppa sew l-abbiltà li jaħdem ma’ bnedmin oħra fil-forom varji li l-bnedmin jiġu bihom. Imma altru tkun Viċi Kap, u altru ssir Kap.
Il-futur
5. F’dan kollu hemm, però, passi li wieħed jista’ jqawwi qalbu bihom ukoll. Kien interessanti li fl-aħħar jiem qabel il-mewt ta’ Berlusconi ġiet organizzata konferenza bil-ħsieb “Con I Valori Cristiani al Centro: La classe dirigente per l’Europa di oggi e di domani”, fejn il-kelliema prinċipali kienu Tajani u Manfred Weber, li qiegħed imexxi lill-Partit Popolari Ewropew. Dikjarazzjoni ċara li fi ħdan il-Forza Italia hemm bżonn dożi aqwa ta’ ideat Demokratiċi-Nsara. Impostazzjoni interessanti u li jista’ jkollha l-effett li żżomm, u fl-istess ħin tiġbed iktar bnedmin fi ħdan din il-ħidma. Dikjarazzjoni ta’ pożizzjoni ideoloġika li hija, f’dak kollu li seħħ fil-passat, kuraġġuża. U fl-istess ħin propizja, fis-sens li hemm issa miftuħ lura l-ispazju politiku biex din tista’ ssir.
Delegazzjoni Parlamentari
6. Fl-għarfien li s-saħħa medjatika ta’ Berlusconi issa ser titnaqqas sew, hemm il-bieb miftuħ għall-apprezzament mill-ġdid ta’ dak li wettaq il-Partit Demokratiku Kristjan fil-pajjiż. Mhux biss, imma issa għaddew kważi tletin sena ta’ esperjenzi varji li għandhom jiftħu iktar l-għajnejn u d-direzzjoni politika t-tajba li għandha tittieħed. F’dan, ġie wkoll, kważi id f’id il-messaġġ tal-Papa Franġisku lil dik li kellha tkun laqgħa tal-Grupp Parlamentari tal-Partit Popolari Ewropew. Minħabba l-fatt li l-Papa kien jinsab rikoverat l-isptar din ma saritx, imma xorta ntbagħat messaġġ b’saħħtu. Wieħed li jistieden lill-Insara li jridu jagħtu sehem fil-ħajja politika biex jiskopru u jħaddmu mill-ġdid il-valuri li jsawruhom.
Pass tajjeb
7. F’dan ċertament kien pass tajjeb li wieħed jagħżel li, bħala partit politiku, jmur jiltaqa’ mal-Papa. Ma naħsibx li hemm gruppi politiċi oħra fi ħdan il-Parlament Ewropew li lesti li jagħmlu dan. Idea li serviet f’diversi direzzjonijiet. L-ewwel, il-Papa kellu l-opportunità li jelenka numru ta’ punti li jgħoddu għal kull min irid iwettaq il-politika t-tajba, ġej minn liema formazzjoni politika li ġej. Fil-bżonn ta’ politiċi li jkunu viċin il-poplu biex jifhmu l-bżonnijiet veri tagħhom. It-tieni, mess ukoll il-bżonn li wieħed jagħti importanza lid-duttrina soċjali tal-Knisja. Fil-bżonn li jagħraf il-fonti ta’ direzzjoni, jgħid hekk: “May the Gospel be your lodestar and the social doctrine of the Church your compass”. (J’Alla l-Vanġelu jkun l-istilla, u d-duttrina soċjali tal-Knisja l-boxxla li jurukom it-triq.)
Il-politiku awtentiku
8. Hemm, f’dan, piż u sejħa aqwa u ikbar għall-politiku Nisrani. Il-Papa Franġisku, fil-messaġġ tiegħu jkompli jgħid hekk: “The Christian politician should be distinguished by the seriousness with which he or she confronts issues, rejecting opportunistic solutions and always holding firm to the criteria of the dignity of the person and the common good.” (Il-politiku Nisrani għandu jiddistingwi ruħu fis-serjetà li biha jikkonfronta l-isfidi, billi ma jaċċettax li jmur għal soluzzjonijiet opportunistiċi u li jżomm dejjem lilu nnifsu sod mal-prinċipji tal-protezzjoni tad-dinjità umana u tal-ġid komuni.) Messaġġi ċari ħafna, u daqshekk ieħor gwidi għal kull min irid ikun strument tas-sewwa.
X’ser iseħħ?
9. F’dan huwa iktar determinanti dak kollu li Antonio Tajani ser jimxi fuqu fil-kumplikazzjonijiet konsegwenzjali li l-partit tal-Forza Italia jinsab fihom. Fil-jiem li ġejjin ser naraw dan jiżviluppa iktar. F’dak kollu li bnedmin varji, li diversi minnhom huma magħquda ma’ rabtiet ta’ lealtajiet personali ma’ Silvio Berlusconi, x’ser jagħmlu. Mhux biss, imma wkoll fl-aspett familjari, f’kemm uliedu ser jibqgħu daqshekk magħqudin f’daqqa jew jekk humiex ser jagħżlu toroq differenti; jew agħar, li jispiċċaw fi proċeduri legali xejn faċli dwar il-wirt ekonomiku li ħalla. Għandu verament futur ikkumplikat quddiemu, imma nittamaw li bl-esperjenza politika li ġabar ser jieħu deċiżjonijiet tajba.
Subscribe to:
Posts (Atom)