1. Bħal dan iż-żmien sena sibt ruħi ndur numru ta’ rħula u bliet fi Sqallija. F’wieħed, waqt li kont qed indur it-toroq fis-sħana, riħ isfel u f’ambjent storiku li dik il-gżira tagħti, dħalt f’ħanut antik tal-kotba. Dħalt proprjament infittex ktieb ieħor ta’ Elio Vittorini (1908-1966), Conversazione in Sicila (1941) u ma sibtux. Minflok, fuq l-ixkafef kien hemm, forsi stranament, il-ktieb l-iktar riċenti ta’ Elly Schlein (1985) bit-titlu La Nostra Parte (2022). Schlein hija bħalissa l-persuna li ġiet eletta fl-2023 bħala Segretarja tal-Partit Demokratiku fl-Italja. Għalqet sentejn fil-kariga tagħna u numru ta’ drabi nsib li jkun utli li wieħed jaqra dak li jingħad minn politiċi li għandhom responsabbiltajiet xejn faċli.
Alternattiva
2. Iktar u iktar fil-kuntest tal-politika ġenerali ta’ dak il-pajjiż viċin tagħna. Wieħed li aktar ma jgawdi minn stabbiltà fil-Gvern aktar aħjar għalih, u fit-tul, anki għalina. Dan sija fuq livell ta’ kummerċ, turiżmu u abbiltà ta’ ċittadini varji li jistgħu jaħdmu fiż-żewġ pajjiżi. Dan ukoll fil-kuntest politiku preżenti fejn il-pajjiż huwa mmexxi, illum għal kawżi tlett snin, minn Georgia Meloni (1977). Dan f’koalizzjoni ta’ tlett partiti fuq iċ-ċentru lemin: Fratelli d’Italia, Forza Italia u l-Lega. Waħda li sa issa żammet lilha nnifisha għaddejja mingħajr kriżijiet kbar. B’deċiżjonijiet varji li anki jekk mhumiex neċessarjament ma’ dak li ġie dikjarat qabel u anki jekk ma taqbilx magħhom, xorta huma relevanti għall-politika nazzjonali u Ewropea tagħna.
Punti partikolari
3. Dan aktar u aktar fil-kuntest tad-deċiżjoni li mxiet pass ieħor ’il quddiem fis-6 ta’ Awissu sabiex jinbena pont twil bejn Sqallija u l-parti l-oħra tal-pajjiż: il-Kalabrija. Verament ħolma twila sekli, li f’għajn ħafna hija parti importanti sabiex tibdel iktar l-ekonomija u l-mobilità soċjali sħiħa ta’ din il-parti t’isfel. Proġett li nbeda qabel diversi drabi oħra imma li ma wasalx fil-konklużjoni tajba. Issa jidher li hemm pass aqwa u li fil-fatt jiddependi mill-istabilità tal-Gvern, sija llum kif ukoll f’leġislatura oħra. Wieħed li għalih ser ikun hemm spiża qawwija ta’ biljuni ta’ ewro u li permezz tiegħu ser naraw ċaqliq kummerċjali qawwi. Wieħed ukoll li jekk jirnexxi ser ikun kukkarda f’ħidmet Meloni. Wieħed li jaf jolqotna għax jibqa’ dejjem determinanti għan-negozjanti f’pajjiżna li jkollhom sistema iktar faċli u veloċi li biha tista’ tibgħat u tirċievi merkanzija mill-Ewropa.
Oppożizzjoni
4. Proprju fuq dan wieħed irid jara jekk il-partiti li mhumiex fil-Gvern għandhomx il-probabilità li jkunu lura fil-poter. It-tnejn prinċipali huma dawk immexxija minn Schlein u ċ-Cinque Stelle ta’ Giuseppe Conte (1964). Żewġ personalitajiet differenti li mhuwiex faċli li ġġib f’daqqa. Dan sija għax hemm kunflitti imma wkoll għax għandhom partiti oħra iżgħar li huma determinanti. Bħall-Italia Viva ta’ Matteo Renzi (1975), li sa issa jidher li għadu ċar fi kliemu u f’ħidmietu. Dan huwa iktar partikolari wara li fis-7 ta’ Awissu l-membri tal-Partit fi ħdan iċ-Cinque Stella ddeċidew li jingħaqdu mal-Partit Demokratiku fl-appoġġ ta’ Eugenio Giani (1959) fl-elezzjonijiet reġjonali fit-Toskana. Deċiżjoni mill-iktar interessanti għax kienet il-bażi tal-partit li qed tħoss li jekk ix-xellug irid ikun alternattiva jrid jagħraf jingħaqad.
La Nostra Parte
5. F’dan ħassejt aktar li l-qari ta’ dan il-ktieb kien importanti biex nifhem ftit dak li taħseb Schlein. F’ħafna, il-linja hija dik li titolu introduttiv jagħti: ‘Per la Giustizia sociale e ambientale insieme’ (Għall-ġustizzja soċjali u ambjentali f’daqqa). Stampat verament fis-sena qabel laħqet, però huwa evidenti li l-linja hija waħda ta’ protesta lejn is-soċjetà. Iktar viżjoni ta’ persuna mpenjata fi ħdan is-soċjetà ċivili milli dik ta’ partit, timbuttak kontinwament dak li tara aħjar bħala ‘mobilitazione collettiva’. Biss, il-ktieb huwa spjegattiv fis-sens li l-pożizzjonijiet politiċi tagħha huma, jew kienu, ibbażati fuq fatti, statistika u opinjonijiet akkademiċi u studjużi varji. Fl-istess waqt però tifhem li tista’ ċċaqlaq iktar ix-xellug, imma mhijiex neċessarjament vuċi fiċ-ċentru xellug.
X’tgħid
6. F’dan insibuha tgħid hekk: “Proprio nell’ascolto della società e delle sue diverse articolazioni, dei saperi di cui sono portatrici le parti sociali, le rappresentanze e realtà del terzo settore, dell’approcio orientato ai dati della ricerca e dell’università si possono scrivere politiche pubbliche più giuste perché costruite a misura dei bisogni diversi che le comunità e i territori esprimono.” (Proprju fuq dak li wieħed jifhem mingħand is-soċjetà u dak kollu li tiddikjara, l-informazzjoni li jiġbru l-partijiet soċjali, dawk li jirrappreżentaw u r-realtajiet tat-tielet settur, il-mod ta’ kif wieħed iħares lejn ir-riċerka u l-università li wieħed jista’ jikteb politika pubblika iktar ġusta għaliex mibnija u magħmula għall-bżonnijiet varji li l-komunità u t-territorju jesprimu.) Waqt li tinsisti li min huwa fil-politika għandu r-responsabbiltà li jnaqqas, u mhux ikabbar, it-tensjonijiet soċjali u l-inġustizzji tagħhom. Tgħid hekk: “Per ridurre le diseguaglianze dobbiamo ridistribuire la ricchezza, il potere e il sapere.” (Biex innaqqsu l-inugwaljanza hemm bżonn illi nqassmu aħjar il-ġid, il-poter u l-għerf.)
Tiġdid
7. Għandha diversi punti oħra f’dan il-ktieb li mhuwiex verament faċli li taqra, u anzi f’mumenti, ikkumplikat. Biss għandha attenzjoni partikolari sija għall-parteċipazzjoni tal-ħaddiem u wara wkoll dwar l-isfida tal-immigranti irregolari. Fir-rigward tal-ewwel tiddikjara, f’linja li kienet punt ta’ diskussjoni u konverġenza snin ilu li, f’ħafna, intilfet. Iżda li hija tqajjem mill-ġdid b’attenzjoni meta tgħid hekk: “Altre strategie interessanti sono quelle che, investendo sul dialogo sociale, mirano ad aumentare la partecipazione strategica di lavoratrici e lavoratori alle scelte delle imprese e alla condivizione di obiettivi e risultati, migliorando la produttività.” (Strateġiji oħra interessanti huma dawk li jinvestu fid-djalogu soċjali, li jimmiraw biex iżidu l-parteċipazzjoni tal-ħaddiema fl-għażliet tal-kumpanniji, u fil-qbil tar-riżultati u l-miri li jassiguraw produttività aqwa.)
Immigrazzjoni
8. Tiddiskuti fil-fond u b’passjoni, speċjalment fuq l-isfruttament li jsir minn diversi ħaddiema ġejjin minn pajjiżi varji barra mill-Unjoni Ewropea, speċjalment fl-agrikoltura. Fil-bżonn li wieħed jgħin sabiex ikun hemm ekonomija aktar soda fil-pajjiżi tal-oriġini. Imma tirbaħ dan b’argument iktar fond meta tgħid hekk: “Insomma, per aiutarli anche ‘a casa loro’ c’è molto che in realtà dobbiamo fare a casa nostra. Servono politiche estere, migratorie, commerciali, fiscali, climatiche, e della cooperazione molto più coerenti, che smettono di alimentare il circolo vizioso delle diseguaglianze globali e riducano i divari, ritrovando relazioni basate sull’equità.” (Biex wieħed jgħinhom ‘f’darhom’ hemm ħafna li jista’ fir-realtà jsir f’darna. Hemm bżonn ta’ politika barranija, dik dwar l-immigrazzjoni, dik kummerċjali, fiskali, klimatika u ta’ koperazzjoni aktar koerenti; li jieqfu d-diviżjonijiet u li wieħed ifittex li jibni relazzjonijiet bażati fuq l-ekwità.)
Il-Futur
9. X’ser jiġri fl-Italja fis-snin li ġejjin, ma nafux. Imma huwa proċess li fih jidher li jekk iċ-ċentru lemin ma jiżbaljax u jibqa’ kompatt, ser jibqa’ fil-poter. Iktar u iktar kif sejrin b’Georgia Meloni, li qegħda tersaq aktar lejn pożizzjonijiet Demokristjani. F’dan, l-isfida fuq Elly Schlein hija ikbar. Biex tirbaħ elezzjoni ġenerali trid ferm iktar. Mhux biss koalizzjoni tax-xellug kollu, imma wkoll bidla fil-viżjoni tagħna aktar lejn iċ-ċentru. Trid iġġib il-partit kollu warajha, inkella aqwa, trid tifhem iktar li hi mhijiex parti mill-partit imma kollu kemm hu. Ir-riżultati reġjonali jistgħu jissudawha internament imma trid ferm iktar biex tmexxi partit, u wara, gvern. Dan kollu għad irridu naraw f’dak li x-xellug ser jirnexxilu jwettaq, jew le.
Showing posts with label Elly Schlein. Show all posts
Showing posts with label Elly Schlein. Show all posts
13.8.25
10.7.24
NIEĦDU SEHEM, MA NKUNUX INDIFFERENTI
1. M’hemmx dubju li mill-aħħar elezzjonijiet hemm il-lezzjonijiet x’jittieħdu. Tagħna ċertament, u ta’ oħrajn ukoll. Imma f’din il-ġimgħa li bdejna, bla dubju ta’ xejn dawk Franċiżi ta’ direzzjoni. Lezzjoni li l-ideat tal-lemin lemin u dawk tal-lemin estrem jistgħu jirbħu biss jekk parti kbira mill-poplu ma tmurx tivvota. Vuċijiet li huma, skont ir-riżultati, f’minoranza nazzjonali. Dawn ix-xenarji jitwieldu fl-astensjonijiet, fl-indifferenza ta’ dawk li jħallu d-deċiżjonijiet f’idejn oħrajn. Sa ftit ġimgħat ilu, ir-rebħa kienet tindika li sejra lejn Marine Le Pen, bil-konsegwenzi daqshekk ċari sija għall-pajjiż innifsu, kif ukoll għalina fl-Unjoni Ewropea. Xenarji xejn tajba, meta wieħed jikkunsidra dak li ilu jingħad.
Rappreżentanza
2. Dan ifisser li fuq livell Ewropew, għal dan il-pajjiż hemm rappreżentanza mod, mentri fuq dak nazzjonali mod ieħor. Fil-Parlament Ewropew għandu iktar deputati fuq il-lemin estrem, mentri f’dak tal-pajjiż hemm iktar dawk tax-xellug u taċ-ċentru. F’dan hemm evidenti li l-biża’ ta’ maġġoranza parlamentari tal-lemin estrem twassal għal ferm iktar persuni li jmorru jivvutaw. Kien hemm madwar 70% li din id-darba tefgħu l-vot tagħhom. Is-sitwazzjoni nbidlet proprju għax saret mobilitazzjoni qawwija li kienet ilha ma ssir fil-poplu. Kien hemm punt ta’ għaqda u militanza kontra proġett politiku li mhuwiex la Ewropew u anqas tant fit-tradizzjoni Repubblikana Franċiża li wasslet sabiex diversi differenzi jitwarrbu. Kienu ħafna d-distretti elettorali fejn ħafna kandidati ċedew sabiex ikun hemm kandidat wieħed kontra l-partit RN. Strateġija u ħidma li tidher li rnexxiet.
Sinjali
3. Il-politika tal-lemin estrem hija: l-ewwel, żbaljata fiha nnifisha; u t-tieni, fil-memorja kollettiva għad hemm kultura politika li għadha ħajja fl-għarfien tal-ħsara li din wettqet fil-passat, kif ukoll għarfien ta’ dak li tista’ tagħmel fil-preżent. Sinjal ċar ukoll għal diversi partiti oħra fix-xenarju Ewropew li qabdu dawn il-pożizzjonijiet. Daqshekk ieħor għal dawk fl-Italja, li tul din il-kampanja resqu viċin ta’ Le Pen. Uħud, bħal Matteo Salvini żżejjed, u oħrajn, bħal dawk ta’ Giorgia Meloni, li dehru li ma kinux ser jiddejqu b’rebħa għal Le Pen. F’dan sinjal għalihom ukoll illi f’dak il-pajjiż, is-suċċess elettorali passat tagħhom iddependa prinċipalment fuq in-nuqqas ta’ parteċipazzjoni elettorali, anzi, fuq l-indifferenza li daħlet. Lezzjonijiet għal dawk li sfortunatament qegħdin jikkuntentaw bil-maġġoranzi relattivi. Jekk iċ-ċentru ta’ Antonio Tajani u x-xellug ta’ Elly Schlein jinżlu aktar viċin il-poplu, il-pożizzjoni fis-saħħa elettorali tinbidel. Mhux biss, imma jagħrfu aktar il-preżenza tal-Insara impenjati fil-politika.
Post l-Insara
4. F’dan l-appuntament, il-pożizzjoni fl-elezzjoni Franċiża kienet iktar diffiċli għal diversi Kattoliċi li sabu ruħhom maqsuma. Rajt u qrajt b’numru ta’ persuni magħrufa fil-kamp soċjali li resqu lejn Le Pen. Id-deċiżjoni li ttieħdet mill-Presidenza Emmanuel Macron fuq numru ta’ valuri marbuta mal-ħajja, l-iktar il-kwistjoni tal-abort, ġiebet dan ukoll. Mhux biss, imma l-periferija li għadha marbuta mal-agrikoltura fit-tradizzjonijiet tagħha li tħossha abbandunata, kienet ukoll parti minn dan. Biss, il-kampanja elettorali f’dan kienet effettiva u diversi, minkejja dak li ma jaqblux miegħu, ivvutaw sabiex il-lemin estrem jibqa’ barra. Pożizzjoni li torbot aktar mal-appell u d-diskors li sar mill-Papa Franġisku fi Trieste il-Ħadd li għadda, 7 ta’ Lulju 2024, f’laqgħa fejn it-titolu kien dan: “Al cuore della democrazia. Partecipare tra storia e futuro”.
Direzzjoni
5. F’diskors attent u mill-iktar preċiż saret sejħa sabiex l-Insara ma joqogħdux lura, imma jieħdu sehem fil-ħajja politika. Imorru lura biex iħaddmu s-solidarjetà u s-sussidjarjetà. Iċċita wkoll tlett persuni marbuta mad-dinja Demokristjana. Ittieħdu bħala gwida u riflessjoni kitbet Giuseppe Toniolo, Aldo Moro u Giorgio La Pira, u dan quddiem il-ħsieb li preżentement id-demokrazija “non gode di buona salute” (mhix tgawdi minn stat ta’ saħħa tajjeb). Fih hemm ukoll rikonoxximent dirett għall-kontribut determinanti li l-Kattoliċi servew fid-dinja politika u għat-tisħiħ tad-demokrazija. Dawk li bħalna jemmnu li d-demokrazija hija valur li jrid jiġi protett u ssudat kontinwament. Il-Papa Franġisku f’dan jieħu, anzi, bħala definizzjoni tal-kelma ‘demokrazija’ dak li Toniolo kien iddikjara iktar minn mitt sena ilu. F’dak li ra bħala l-ordinament ġuridiku li jġib forzi varji f’daqqa sabiex jintlaħaq il-ġid komuni, u dan għall-vantaġġ ta’ dawk l-iktar ’l isfel fis-soċjetà.
Il-kejl veru
6. Iktar f’dan għażel kelmet Moro f’dak li għandu jkun il-kejl u r-regola sabiex wieħed jara jekk soċjetà hijiex verament demokratika jew le. Huwa jislet, b’għarfien partikolari, dawn il-kliem: “Uno stato non è veramente democratico se non è al servizio dell’uomo, se non ha come fine supremo la dignità, la libertà, l’autonomia, della persona umana, liberamente si svolge e nelle quali essa integra la propria personalità.” (Stat mhuwiex verament demokratiku jekk mhuwiex għas-servizz tal-bniedem, jekk ma jkollux b’għan suprem id-dinjità, il-libertà, l-indipendenza tal-persuna umana, li liberament tibni u tiżviluppa l-personalità tagħha). Direzzjoni ċara u kejl politiku veru għal kull pajjiż u partit politiku, iktar u iktar jekk huwa bħal tagħna, Demokratiku Kristjan.
Passjoni politika
7. Id-diskors fih ħafna x’wieħed jgħarbel u jifhem. Imma huwa sejħa qawwija oħra għal dawk li jridu jgħixu ta’ Nsara li l-politika hija parti mis-servizz tagħhom fis-soċjetà. Huwa jħeġġeġ b’saħħa u qawwa. Anzi, laqatni l-kliem tiegħu hekk: “Dobbiamo riprendere la passione civile, questo, dei grandi politici che noi abbiamo conosciuto.” (Irridu naqbdu mill-ġdid din il-passjoni ċivili, dik li rajna politiċi kbar iħaddmu u jħaddnu.) Kif ukoll dak li qabbel il-politiku mar-ragħaj li jrid ikun qabel il-poplu, flimkien miegħu, u fil-qalba tiegħu. Kliem li, fl-opinjoni tiegħi, għandu jkompli jħeġġiġna sabiex ikollna iktar politiċi Nsara impenjati. Aktar li għandhom għarfien tal-ideat li d-duttrina soċjali tal-Knisja tgħallem. Aktar nies ta’ veru, awtentiċi, u mhux dawk li jħarsu lejn l-immaġini jew ir-ripetizzjoni tal-istess kliem li fl-aħħar tal-ġurnata ma jfisser xejn. F’dan kollu, ċertament, ħidmet l-Insara hija determinanti. Proprju għalhekk għandna nieħdu sehem u ma nkunux indifferenti.
Rappreżentanza
2. Dan ifisser li fuq livell Ewropew, għal dan il-pajjiż hemm rappreżentanza mod, mentri fuq dak nazzjonali mod ieħor. Fil-Parlament Ewropew għandu iktar deputati fuq il-lemin estrem, mentri f’dak tal-pajjiż hemm iktar dawk tax-xellug u taċ-ċentru. F’dan hemm evidenti li l-biża’ ta’ maġġoranza parlamentari tal-lemin estrem twassal għal ferm iktar persuni li jmorru jivvutaw. Kien hemm madwar 70% li din id-darba tefgħu l-vot tagħhom. Is-sitwazzjoni nbidlet proprju għax saret mobilitazzjoni qawwija li kienet ilha ma ssir fil-poplu. Kien hemm punt ta’ għaqda u militanza kontra proġett politiku li mhuwiex la Ewropew u anqas tant fit-tradizzjoni Repubblikana Franċiża li wasslet sabiex diversi differenzi jitwarrbu. Kienu ħafna d-distretti elettorali fejn ħafna kandidati ċedew sabiex ikun hemm kandidat wieħed kontra l-partit RN. Strateġija u ħidma li tidher li rnexxiet.
Sinjali
3. Il-politika tal-lemin estrem hija: l-ewwel, żbaljata fiha nnifisha; u t-tieni, fil-memorja kollettiva għad hemm kultura politika li għadha ħajja fl-għarfien tal-ħsara li din wettqet fil-passat, kif ukoll għarfien ta’ dak li tista’ tagħmel fil-preżent. Sinjal ċar ukoll għal diversi partiti oħra fix-xenarju Ewropew li qabdu dawn il-pożizzjonijiet. Daqshekk ieħor għal dawk fl-Italja, li tul din il-kampanja resqu viċin ta’ Le Pen. Uħud, bħal Matteo Salvini żżejjed, u oħrajn, bħal dawk ta’ Giorgia Meloni, li dehru li ma kinux ser jiddejqu b’rebħa għal Le Pen. F’dan sinjal għalihom ukoll illi f’dak il-pajjiż, is-suċċess elettorali passat tagħhom iddependa prinċipalment fuq in-nuqqas ta’ parteċipazzjoni elettorali, anzi, fuq l-indifferenza li daħlet. Lezzjonijiet għal dawk li sfortunatament qegħdin jikkuntentaw bil-maġġoranzi relattivi. Jekk iċ-ċentru ta’ Antonio Tajani u x-xellug ta’ Elly Schlein jinżlu aktar viċin il-poplu, il-pożizzjoni fis-saħħa elettorali tinbidel. Mhux biss, imma jagħrfu aktar il-preżenza tal-Insara impenjati fil-politika.
Post l-Insara
4. F’dan l-appuntament, il-pożizzjoni fl-elezzjoni Franċiża kienet iktar diffiċli għal diversi Kattoliċi li sabu ruħhom maqsuma. Rajt u qrajt b’numru ta’ persuni magħrufa fil-kamp soċjali li resqu lejn Le Pen. Id-deċiżjoni li ttieħdet mill-Presidenza Emmanuel Macron fuq numru ta’ valuri marbuta mal-ħajja, l-iktar il-kwistjoni tal-abort, ġiebet dan ukoll. Mhux biss, imma l-periferija li għadha marbuta mal-agrikoltura fit-tradizzjonijiet tagħha li tħossha abbandunata, kienet ukoll parti minn dan. Biss, il-kampanja elettorali f’dan kienet effettiva u diversi, minkejja dak li ma jaqblux miegħu, ivvutaw sabiex il-lemin estrem jibqa’ barra. Pożizzjoni li torbot aktar mal-appell u d-diskors li sar mill-Papa Franġisku fi Trieste il-Ħadd li għadda, 7 ta’ Lulju 2024, f’laqgħa fejn it-titolu kien dan: “Al cuore della democrazia. Partecipare tra storia e futuro”.
Direzzjoni
5. F’diskors attent u mill-iktar preċiż saret sejħa sabiex l-Insara ma joqogħdux lura, imma jieħdu sehem fil-ħajja politika. Imorru lura biex iħaddmu s-solidarjetà u s-sussidjarjetà. Iċċita wkoll tlett persuni marbuta mad-dinja Demokristjana. Ittieħdu bħala gwida u riflessjoni kitbet Giuseppe Toniolo, Aldo Moro u Giorgio La Pira, u dan quddiem il-ħsieb li preżentement id-demokrazija “non gode di buona salute” (mhix tgawdi minn stat ta’ saħħa tajjeb). Fih hemm ukoll rikonoxximent dirett għall-kontribut determinanti li l-Kattoliċi servew fid-dinja politika u għat-tisħiħ tad-demokrazija. Dawk li bħalna jemmnu li d-demokrazija hija valur li jrid jiġi protett u ssudat kontinwament. Il-Papa Franġisku f’dan jieħu, anzi, bħala definizzjoni tal-kelma ‘demokrazija’ dak li Toniolo kien iddikjara iktar minn mitt sena ilu. F’dak li ra bħala l-ordinament ġuridiku li jġib forzi varji f’daqqa sabiex jintlaħaq il-ġid komuni, u dan għall-vantaġġ ta’ dawk l-iktar ’l isfel fis-soċjetà.
Il-kejl veru
6. Iktar f’dan għażel kelmet Moro f’dak li għandu jkun il-kejl u r-regola sabiex wieħed jara jekk soċjetà hijiex verament demokratika jew le. Huwa jislet, b’għarfien partikolari, dawn il-kliem: “Uno stato non è veramente democratico se non è al servizio dell’uomo, se non ha come fine supremo la dignità, la libertà, l’autonomia, della persona umana, liberamente si svolge e nelle quali essa integra la propria personalità.” (Stat mhuwiex verament demokratiku jekk mhuwiex għas-servizz tal-bniedem, jekk ma jkollux b’għan suprem id-dinjità, il-libertà, l-indipendenza tal-persuna umana, li liberament tibni u tiżviluppa l-personalità tagħha). Direzzjoni ċara u kejl politiku veru għal kull pajjiż u partit politiku, iktar u iktar jekk huwa bħal tagħna, Demokratiku Kristjan.
Passjoni politika
7. Id-diskors fih ħafna x’wieħed jgħarbel u jifhem. Imma huwa sejħa qawwija oħra għal dawk li jridu jgħixu ta’ Nsara li l-politika hija parti mis-servizz tagħhom fis-soċjetà. Huwa jħeġġeġ b’saħħa u qawwa. Anzi, laqatni l-kliem tiegħu hekk: “Dobbiamo riprendere la passione civile, questo, dei grandi politici che noi abbiamo conosciuto.” (Irridu naqbdu mill-ġdid din il-passjoni ċivili, dik li rajna politiċi kbar iħaddmu u jħaddnu.) Kif ukoll dak li qabbel il-politiku mar-ragħaj li jrid ikun qabel il-poplu, flimkien miegħu, u fil-qalba tiegħu. Kliem li, fl-opinjoni tiegħi, għandu jkompli jħeġġiġna sabiex ikollna iktar politiċi Nsara impenjati. Aktar li għandhom għarfien tal-ideat li d-duttrina soċjali tal-Knisja tgħallem. Aktar nies ta’ veru, awtentiċi, u mhux dawk li jħarsu lejn l-immaġini jew ir-ripetizzjoni tal-istess kliem li fl-aħħar tal-ġurnata ma jfisser xejn. F’dan kollu, ċertament, ħidmet l-Insara hija determinanti. Proprju għalhekk għandna nieħdu sehem u ma nkunux indifferenti.
Subscribe to:
Posts (Atom)