16574. L-ONOR. CARMELO MIFSUD BONNICI staqsa lill- Ministru għall-Agrikoltura, is-Sajd u d-Drittijiet tal-Annimali: Jista’ l-Ministru jgħid x’passi ttieħdu u ser jiġu meħuda regolarment mill-Ministeru fil-konfront tas-siġar taż-żebbuġ li hawn fil-gżejjer tagħna u x’inizjattivi qed jittieħdu f’dan ir-rigward?
20/02/2024
ONOR. ANTON REFALO: Ninforma lill-Onor.
Interpellant li sa mit-twaqqif tal-Koperattiva taż-Żebbuġ, dan il-Ministeru
iffirma MoU mal-Koperattiva u waqqaf task force apposta sabiex ikun jista’
jappoġġja lis-settur aktar mill-qrib. Fil-fatt id-Direttorat għall-Agrikoltura
ilhu għal dawn l-aħħar snin jorganizza taħriġ speċjalizzat fuq iż-żabra
taż-żebbuġ, kif ukoll fuq il-mard li jaħkmu. Is-sena li għaddiet ġew ukoll
ippubblikati l-linji gwida dwar kif tidentifika u tikkontrolla l-mard
taż-żebbuġ.
Ta’ min isemmi wkoll li dan l-istess Direttorat
ikkollabora mal-Università ta’ Malta fejn ġew identifikati numru ta’ speċi
tas-siġar taż-żebbuġ li huma uniċi u nbeda x-xogħol sabiex din il-kollezjoni
tinġabar u titħawwel ġewwa l-AgriHub. B’dan il-mod, ikun jista’ jiskatta
l-programm ta’ konservazzjoni ta’ dawn is-siġar li jkun jista’ jwassal ukoll
għar-reġistrazzjoni ta’ varjetajiet ġodda.
Mill-aspett regolatorju, id-Direttorat
għall-Ħarsien tal-Pjanti, permezz tal-Pest Survey Programme, jagħmel moniteraġġ
iffukat fuq il-vectors tal-Xylella fastidiosa. Apparti minn dan, id-Direttorat
għall-Agrikoltura jżomm reġistru tas-siġar taż-żebbuġ.
Seduta 216
05/03/2024
No comments:
Post a Comment