1. Id-demokrazija titlob attenzjoni bħal kull pjanta fraġli, imma sabiħa, li trid il-kura tal-ġardinar. Jekk ma tiġix sostnuta u mitmugħa sew tmur lura u tikber ħażin. Inkella agħar, titbiel. F’dan aktar għax biha nsostnu l-istruttura tal-ordni soċjali li pajjiż għandu bżonn. Waħda li tassigura post aqwa għall-bnedmin. Post li jkabbar it-tama, u fl-istess ħin jassigura l-iżvilupp tat-talenti. Prorprju f’dan, wieħed irid iqis sew dak li għandna fid-demokrazija tagħna. Dan fil-kuntest li ħafna drabi nduru fuq id-demokraziji tal-oħrajn u nippretendu aktar minnhom. Nippretendu li jkollhom l-aqwa parteċipazzjoni, l-aqwa mexxejja, l-aqwa liġijiet. Imma f’dan, ninsew tagħna.
Kumdità
2. Ninsew li f’dawn il-gżejjer hemm protesta qawwija għaddejja. Waħda silenzjuża li tidher sew fis-sondaġġi li jsiru sporadikament, inkella li jimmaterjalizzaw fl-elezzjonijiet. Jistgħu ma jaqtgħux kemm ser iġib voti partit jew ieħor, imma huwa ċert li n-numru ta’ dawk li qed jagħżlu b’mod leġittimu li ma jivvutawx qed jikber sew. Terz tal-elettorat huwa deċiż li jibqa’ ’l bgħid milli jersaq lejn il-kaxxa tal-vot. Mhuwiex parti minn dak li hu għaddej għax ma jridx ikun f’dak li huwa ma japprovax. Dak li pajjiżna għadda minnu f’dawn l-aħħar snin ma tantx jagħmel ġieħ lill-klassi politika. U għalkemm hemm min jaċċetta dan l-istat ta’ fatt bħala reazzjoni għall-korruzzjoni, għar-regħba li għaddejja u għal egoiżmu iktar rampanti, oħrajn jinsabu komdi jinjoraw.
Perikoluż
3. Huwa f’dan mill-iktar serju dak li għaddej għax m’aħniex nagħtu widen lil din il-parti tad-demokrazija tagħna. Għandna ninkwetaw li sena wara sena għandna persuni li ma jridux li jkollhom affari mal-politika preżenti. Bnedmin li ċertament isegwu sew, imma ma japprovawx. Iktar gravi għalija huwa li hemm distakk mill-klassi politika sabiex tibqa’ tiddikjara li hija tajba u ħaddieħor, f’xi mument, ser jiġi lura għax jiġi fil-bżonn. Flok tifhem li trid tinbidel qed issostni minflok li tibqa’ l-istess. Tibqa’ ma tridx tħares lejn l-interessi veri tal-poplu u taħseb li ġaladarba dawk li huma, jew li tagħżel li jkunu madwarek qed iċapċpu, allura kollox huwa sejjer tajjeb.
Eżempju
4. Veru f’dan aktar li wieħed iħares lejn dak li seħħ fl-Istati Uniti tal-Amerika. Nistgħu ma naqblux ma’ dak li qal kandidat jew ieħor. Inħossuna komdi ma’ Donald Trump jew Kamala Harris. Imma l-fatt jibqa’ li dawn iż-żewġ persuni, flimkien ma’ diversi, irnexxilhom iġibu, bil-kumplikazzjonijiet, lil diversi miljuni biex jieħdu sehem u jivvutaw. Il-mexxejja daru mal-irkejjen ta’ diversi stati. Tkellmu quddiem folol varji. Indirizzaw direttament il-bżonnijiet tal-poplu fl-istati partikolari li messew magħhom. Ħeġġew lil dawk li ma kinux ċerti biex joħorġu jivvutaw. Assiguraw li jaslu għandhom b’dak li jridu li jinbidel fil-futur tagħhom. F’kelma waħda: ħadu ħsieb li d-demokrazija tagħhom, li diversi jħarsu lejha b’ammirazzjoni, taħdem. Ħadd ma tilef l-okkażjoni li jasal u jwassal lil dawk li kellhom id-dritt li jivvutaw li kien ser jwettaq dan.
Tul il-ġimgħa
5. F’dan aktar jidher ċar li mid-diskors tal-Kap tal-Gvern li smajt nhar it-Tlieta, intilfet okkażjoni unika. Tilef l-opportunità li kellu biex jikkonvinċi lil dawk li ma jridux jersqu lejn il-politika li jifhmu li għandhom jieħdu sehem. Id-diskors seta’ f’dan kien wieħed indirizzat ferm u ferm iktar sabiex jipperswadi u jikkonvinċi. Seta’ ma kellux ir-referenzi żejda fuq kemm aħna tajbin, kemm suppost li x-xemx politika f’pajjiżna bdiet titla’ fl-2013 u kemm konna fis-suppost abbissi qabel. Iktar minn dan, kien ikun aqwa li kieku ma kienx hemm attakki personali lejn il-Kap tal-Oppożizzjoni u membri varji tal-bank tal-istess Oppożizzjoni.
Differenza
6. Dan l-istil ta’ politika huwa proprju dak li qiegħed iwarrab lin-nies, u mhux jiġbidhom. Jekk ħadd għadu ma nduna, il-maġġor parti tal-vot moderat irid fatti u direzzjoni. Fuq kollox, irid ikun konvint u jiġi wkoll persważ, li qiegħed jitmexxa tajjeb u li hemm bnedmin fid-dinja u fl-“univers” tagħna li għandhom l-abbiltajiet neċessarji għal dan. Li nibqgħu nisimgħu dak li konna qed nisimgħu jfisser iktar li mhuwiex isaqqi tajjeb il-pjanta tad-demokrazija. Pajjiżna jrid jimxi ’l quddiem. Irid joħroġ mill-istat wieqaf li jinsab fih. Irid iħares lejn il-futur b’ottimiżmu veru. Dan jista’ jseħħ jekk verament ikollna politika li ġejja mill-bżonnijiet u l-prijoritajiet attwali tal-poplu. Waħda li taħdem minn isfel għal fuq, u mhux il-kontra. Ċert li l-Erbgħa filgħodu ftit kienu dawk li semgħu, jew li wara tkellmu dwaru.
Merħba fil-blog tiegħi! F’dan l-ispazju nitfa l-kitbiet tiegħi, u għalhekk, il-ħsibijiet tiegħi. Nistiednek tgħidli l-fehema tiegħek billi tħalli kumment taħt il-posts hawn taht.
Showing posts with label Kamala Harris. Show all posts
Showing posts with label Kamala Harris. Show all posts
14.11.24
8.11.24
DULLUVJU U TAJN SPANJOL
1. Tul din il-ġimgħa, bi dwejjaq, segwejna t-traġedja li laqtet pajjiż Ewropew ieħor bħalna. Poplu li ninsabu viċin tiegħu fid-demm u fil-ħsieb ferm iktar milli naħsbu. Dak li Valencia għaddiet minnu għadna rridu nifhmuh. Nifhmu li xita qawwija ħalliet warajha ħafna mwiet. Waqt li qed nikteb, il-figuri jidhru telgħin b’madwar tlett mitt persuna li nafu li tilfu ħajjithom u madwar elfejn ruħ oħra li għadhom mitlufa. Ħafna nqabdu fil-karozzi tagħhom, li saru l-aħħar post li fih għexu. F’ċirkostanzi katastrofiċi, fejn bibien is-sema nfetħu fuq pajjiż li sab ruħu mhux ippreparat. Forsi ħadd ma seta’ jimmaġina li dan kien ser isir imma diversi jsostnu, ġustament, li kien hemm min seta’ jipprevedih.
Rabja
2. Min jipprova jsegwi l-gazzetti u l-medja Spanjoli jagħraf li hemm rabja nazzjonali kbira ħafna. Wara tant jiem, il-postijiet milquta għadhom ma jistgħux jieħdu r-ruħ. Diversi persuni qed jippuntaw subgħajhom lejn il-politiċi. Iktar u iktar meta nbdiet kampanja kontra Carlos Mazon (1974), President tar-Reġjun elett fi ħdan il-Partido Popular (PP) u wara Pedro Sanchez (1972), Prim Ministru tal-pajjiż minn ħdan il-Partit Soċjalista (PSOE). Akkużi varji, bi kliem iebes u vjolenti, l-iktar ukoll fid-dewmien biex wieħed seta’ jwassal l-għajnuna, l-ikel, u postijiet fejn wieħed seta’ jistkenn. Li wieħed jiġbor b’dinjità malajr lil dawk li tilfu ħajjithom. Is-sitwazzjoni hija gravi u l-pajjiż qiegħed idum biex jirreaġixxi għaliha. Jidher li tilef il-kontroll u l-preżenza.
Tajn
3. Il-postijiet intlaqtu b’xita qawwija apokalittika, iżda ċertament hemm iktar. Vetturi tkaxkru b’saħħa u veloċità li qatt ma rajna bħalha qabel. Id-djar tkissru u mtlew b’ilmijiet kbar, bi bnedmin imsakkra ġo fihom. Issa li jidher li dan għadda hemm it-tajn, u miegħu l-oġġetti li l-mument kisser u farrak. Xeni ta’ devastazzjoni kull fejn tħares. It-tajn imxarrab huwa sfida, iżda meta jibbies isir sfida oħra. Ħadd ma jista’ jlaħħaq, u l-ordni fil-post mar lura wkoll. Serq u aġir żbaljat ta’ dawk li jirkbu fuq l-isfortuna ġenerali. Imma t-tajn jibqa’ l-fattur prinċipali li dawk li għadhom ħajjin qed jaraw l-inabilità tal-Istat li jlaħħaq ineħħi u jsalva s-sitwazzjoni. F’dan tifhem proprju aktar kif u għala sija r-Re Felipe VI (1968) kif ukoll il-Prim Ministru Sanchez, meta marru flimkien fil-post sabu folla rrabjata. Folla li garatilhom it-tajn. Kienet folla aggressiva li nsulentat ukoll.
Konsegwenzi politiċi
4. F’dan ċertament, għada pitgħada ser ikun hemm prezz politiku x’jitħallas. Iktar u iktar meta fuq naħa l-poplu huwa konvint li l-awtoritajiet kienu jafu li dan id-diżastru seta’ jseħħ. Fuq l-oħra, apparti l-punt li ftit fehmu għala marru flimkien, u dan għaliex it-tnejn għandhom sehem differenti fil-liġi u l-Kostituzzjoni, hemm iktar il-fatt li r-Re u martu, minkejja li sabu poplu fferoċjat, baqgħu hemm jitkellmu u jippruvaw jifhmu iktar. Mhux ser ikun faċli li wieħed joħroġ minn din it-triq dejqa ħafna biex jistabbilixxi l-verità. Kemm persuni tilfu ħajjithom. Kemm hemm tkissir u tifrik. Kemm, wara, ser ikun diffiċli biex terġa’ tibni lura mill-ġdid. Aktar u aktar kemm ser ikun hemm l-abbiltà li wieħed jinvestiga u jistabbilixxi r-responsabbiltà daqshekk ieħor komplikatissima.
Traġedja
5. F’dan aktar qegħdin fiċ-ċentru tat-tempesta. Dak li seħħ fi Spanja seħħ f’postijiet oħra fl-Ewropa, fl-Istati Uniti u f’pajjiżi varji oħra. Konsegwenzi differenti, imma lkoll imwielda minn temp li wieħed ma jistax jipprevedi. Wieħed li ġej konsegwenza tal-fatt li d-dinja, u aħna wkoll, qed ninjoraw dak li l-ambjent tagħna qiegħed jippretendi mingħandna u li għaldaqstant qegħda trendi lura fl-estremi. Fuq naħa dulluvji, u fuq l-oħra, deżerti. Kemm għad għandu raġun Al Gore (1948) fil-ktieb tiegħu Our Choice. Infakkar li jgħid hekk: “Were we not to take bold action, the worst impacts of the climate crisis would unfold over many generations, escalating in their destructive power decade by decade. But we cannot wait for the full fury of the crisis in order to mobilize a response, because by then it would be too late to stop the process that we have set in motion.”
Proprju llum
6. Minħabba l-indifferenza varja għal din il-lezzjoni li f’dawn l-aħħar snin rajna sseħħ, ninsabu f’dinja fejn aktar bnedmin qed ibatu l-konsegwenzi. Mhux biss, imma nfakkru li l-elezzjoni għall-Presidenza tal-Istati Uniti tal-Amerika hija wkoll dwar dan. Hemm differenza ċara. Bejn Donald Trump, li mhux talli ma jaċċettax dak li d-dinja taqbel miegħu li ninsabu fi kriżi klimatika, talli jiddikjara li dak li qed iseħħ mhuwiex minnu. Almenu Kamala Harris, l-ambjent huwa għoli fl-aġenda tagħha. Vot naħa jew oħra ser ikollu l-konsegwenzi għalina wkoll. Iktar u iktar fl-għarfien ġenerali u speċjali li għandu jkollna li ebda pajjiż, ebda reġjun, ebda belt, ebda raħal ma huwa eżenti minn katastrofi bħal dawn.
Għalina
7. Iktar u iktar għalina, li għażilna li ma nobdux u ma nirrispettawx l-ambjent sħiħ tagħna. B’bini esaġerat. B’bini fejn qatt ma kellu jkun. Diġà qegħdin ngħixu f’irresponsabbiltà kbira. Nittama li ma nżiduhiex b’iktar tibdil fil-pjani lokali biex inkomplu nibnu “legalment”, imma mhux naturalment. Diġà, kif aħna, ħaqqna t-tfigħ tat-tajn Spanjol, aħseb u ara jekk inkomplu għaddejjin kif aħna. Għaddejjin ninjoraw in-natura u dak kollu li għandna. Id-dulluvji laqtu lil oħrajn. Daqshekk ieħor kapaċi jolqtu lilna wkoll. Kemm aħna ippreparati għal dan, wieħed jistaqsi? Kemm għandna lil min ra u eżamina sew kif nistgħu nintlaqtu aħna? Pajjiżna għandu għalxiex joqgħod attent, anke jekk nittamaw li traġedja bħal din ma tmissniex. Fl-istess ħin, ejja naħarbu t-tajn Spanjol u nkunu ppreparati għad-dulluvji li jistgħu jseħħu.
Rabja
2. Min jipprova jsegwi l-gazzetti u l-medja Spanjoli jagħraf li hemm rabja nazzjonali kbira ħafna. Wara tant jiem, il-postijiet milquta għadhom ma jistgħux jieħdu r-ruħ. Diversi persuni qed jippuntaw subgħajhom lejn il-politiċi. Iktar u iktar meta nbdiet kampanja kontra Carlos Mazon (1974), President tar-Reġjun elett fi ħdan il-Partido Popular (PP) u wara Pedro Sanchez (1972), Prim Ministru tal-pajjiż minn ħdan il-Partit Soċjalista (PSOE). Akkużi varji, bi kliem iebes u vjolenti, l-iktar ukoll fid-dewmien biex wieħed seta’ jwassal l-għajnuna, l-ikel, u postijiet fejn wieħed seta’ jistkenn. Li wieħed jiġbor b’dinjità malajr lil dawk li tilfu ħajjithom. Is-sitwazzjoni hija gravi u l-pajjiż qiegħed idum biex jirreaġixxi għaliha. Jidher li tilef il-kontroll u l-preżenza.
Tajn
3. Il-postijiet intlaqtu b’xita qawwija apokalittika, iżda ċertament hemm iktar. Vetturi tkaxkru b’saħħa u veloċità li qatt ma rajna bħalha qabel. Id-djar tkissru u mtlew b’ilmijiet kbar, bi bnedmin imsakkra ġo fihom. Issa li jidher li dan għadda hemm it-tajn, u miegħu l-oġġetti li l-mument kisser u farrak. Xeni ta’ devastazzjoni kull fejn tħares. It-tajn imxarrab huwa sfida, iżda meta jibbies isir sfida oħra. Ħadd ma jista’ jlaħħaq, u l-ordni fil-post mar lura wkoll. Serq u aġir żbaljat ta’ dawk li jirkbu fuq l-isfortuna ġenerali. Imma t-tajn jibqa’ l-fattur prinċipali li dawk li għadhom ħajjin qed jaraw l-inabilità tal-Istat li jlaħħaq ineħħi u jsalva s-sitwazzjoni. F’dan tifhem proprju aktar kif u għala sija r-Re Felipe VI (1968) kif ukoll il-Prim Ministru Sanchez, meta marru flimkien fil-post sabu folla rrabjata. Folla li garatilhom it-tajn. Kienet folla aggressiva li nsulentat ukoll.
Konsegwenzi politiċi
4. F’dan ċertament, għada pitgħada ser ikun hemm prezz politiku x’jitħallas. Iktar u iktar meta fuq naħa l-poplu huwa konvint li l-awtoritajiet kienu jafu li dan id-diżastru seta’ jseħħ. Fuq l-oħra, apparti l-punt li ftit fehmu għala marru flimkien, u dan għaliex it-tnejn għandhom sehem differenti fil-liġi u l-Kostituzzjoni, hemm iktar il-fatt li r-Re u martu, minkejja li sabu poplu fferoċjat, baqgħu hemm jitkellmu u jippruvaw jifhmu iktar. Mhux ser ikun faċli li wieħed joħroġ minn din it-triq dejqa ħafna biex jistabbilixxi l-verità. Kemm persuni tilfu ħajjithom. Kemm hemm tkissir u tifrik. Kemm, wara, ser ikun diffiċli biex terġa’ tibni lura mill-ġdid. Aktar u aktar kemm ser ikun hemm l-abbiltà li wieħed jinvestiga u jistabbilixxi r-responsabbiltà daqshekk ieħor komplikatissima.
Traġedja
5. F’dan aktar qegħdin fiċ-ċentru tat-tempesta. Dak li seħħ fi Spanja seħħ f’postijiet oħra fl-Ewropa, fl-Istati Uniti u f’pajjiżi varji oħra. Konsegwenzi differenti, imma lkoll imwielda minn temp li wieħed ma jistax jipprevedi. Wieħed li ġej konsegwenza tal-fatt li d-dinja, u aħna wkoll, qed ninjoraw dak li l-ambjent tagħna qiegħed jippretendi mingħandna u li għaldaqstant qegħda trendi lura fl-estremi. Fuq naħa dulluvji, u fuq l-oħra, deżerti. Kemm għad għandu raġun Al Gore (1948) fil-ktieb tiegħu Our Choice. Infakkar li jgħid hekk: “Were we not to take bold action, the worst impacts of the climate crisis would unfold over many generations, escalating in their destructive power decade by decade. But we cannot wait for the full fury of the crisis in order to mobilize a response, because by then it would be too late to stop the process that we have set in motion.”
Proprju llum
6. Minħabba l-indifferenza varja għal din il-lezzjoni li f’dawn l-aħħar snin rajna sseħħ, ninsabu f’dinja fejn aktar bnedmin qed ibatu l-konsegwenzi. Mhux biss, imma nfakkru li l-elezzjoni għall-Presidenza tal-Istati Uniti tal-Amerika hija wkoll dwar dan. Hemm differenza ċara. Bejn Donald Trump, li mhux talli ma jaċċettax dak li d-dinja taqbel miegħu li ninsabu fi kriżi klimatika, talli jiddikjara li dak li qed iseħħ mhuwiex minnu. Almenu Kamala Harris, l-ambjent huwa għoli fl-aġenda tagħha. Vot naħa jew oħra ser ikollu l-konsegwenzi għalina wkoll. Iktar u iktar fl-għarfien ġenerali u speċjali li għandu jkollna li ebda pajjiż, ebda reġjun, ebda belt, ebda raħal ma huwa eżenti minn katastrofi bħal dawn.
Għalina
7. Iktar u iktar għalina, li għażilna li ma nobdux u ma nirrispettawx l-ambjent sħiħ tagħna. B’bini esaġerat. B’bini fejn qatt ma kellu jkun. Diġà qegħdin ngħixu f’irresponsabbiltà kbira. Nittama li ma nżiduhiex b’iktar tibdil fil-pjani lokali biex inkomplu nibnu “legalment”, imma mhux naturalment. Diġà, kif aħna, ħaqqna t-tfigħ tat-tajn Spanjol, aħseb u ara jekk inkomplu għaddejjin kif aħna. Għaddejjin ninjoraw in-natura u dak kollu li għandna. Id-dulluvji laqtu lil oħrajn. Daqshekk ieħor kapaċi jolqtu lilna wkoll. Kemm aħna ippreparati għal dan, wieħed jistaqsi? Kemm għandna lil min ra u eżamina sew kif nistgħu nintlaqtu aħna? Pajjiżna għandu għalxiex joqgħod attent, anke jekk nittamaw li traġedja bħal din ma tmissniex. Fl-istess ħin, ejja naħarbu t-tajn Spanjol u nkunu ppreparati għad-dulluvji li jistgħu jseħħu.
17.10.24
ĦA PASS LURA
1. Ninsabu resqin lejn mument li fl-istorja attwali fih importanza ikbar min-normal. F’inqas minn xahar ser ikollna l-vot presidenzjali tal-Istati Uniti tal-Amerika. Pożizzjoni xejn faċli fuq ix-xenarju internazzjonali b’kumplikazzjonijiet kontinwi. Iktar ma jgħaddu l-jiem, iktar qed naraw forza ta’ distruzzjoni tirbaħ fuq ir-raġuni u s-sewwa. Bħalissa m’għadniex ingawdu mill-paċi u l-istabilità, imma ninsabu mħassba kontinwament fuq dak li ġej iktar għalina. Dak li laqatna diġà u dak li kapaċi jolqotna iktar fil-jiem li ġejjin. Iktar u iktar f’dak li jista’ jseħħ f’kull direzzjoni f’dawk l-elezzjonijiet presidenzjali.
Wieħed isellem
2. F’dan, ċertament wieħed isellem lill-President attwali Joe Biden fil-ħidma li sa issa wettaq tul dawn l-aħħar erba’ snin. Mexxa lura l-pajjiż lejn in-normalità li kien qiegħed jitlef. L-ekonomija mxiet ’il quddiem u l-istatura għoliet mill-ġdid fil-kamp tas-sens u l-loġika, tant neċessarju biex jitmexxa Gvern ta’ poplu daqshekk kbir. Sfortunatament, fil-maġġor parti tiegħu l-elettorat baqa’ maqsum, u dan iktar b’dak li seħħ fis-6 ta’ Jannar 2021 meta ġabra ta’ persuni favur Donald Trump attakkaw il-post ċentrali tal-Istat, il-Capitol Hill. Qatt fl-istorja demokratika ta’ dak il-pajjiż ma kien seħħ dan. Tkissir u tifrik fil-qalba tad-demokrazija u dawn immexxija u msaħħna minn min kien tilef l-elezzjoni imma li ma riedx jaċċetta r-riżultat.
Ebda mexxej
3. Ebda politiku u ebda mexxej ma jista’ jiddikjara li kull ma wettaq huwa tajjeb u li ma hemmx sostitut għalih. Ir-realtà turi li kull persuna sservi daqqa ħafna lill-oħrajn, u daqqa iktar lilha nnifisha. Jista’ wkoll ikollok l-aqwa mexxej fl-onestà, fl-integrità u fil-bżonn rigoruż li jgħid il-verità iżda dan ma jkollux kunsens elettorali warajh. F’dan jista’ jkollna l-kontra, imma fid-dinja demokratika hemm regoli ċari. Jekk partit irid jirbaħ u jwettaq programm elettorali li jħoss li huwa l-aħjar irid jagħraf din l-għażla. Idur fuqu nnifsu u jkun kapaċi jieħu d-deċiżjonijiet it-tajba li jafu jkunu wkoll ikkumplikati. Mexxej demokratiku tajjeb jirrikjedi li jkollu dożi ta’ umiltà li jippermettulu jimxi pass lura.
Hekk seħħ
4. Hekk, fil-fatt, sabu ruħhom wkoll il-President Joe Biden u l-Partit Demokratiku Amerikan. L-għażla għalihom ma kinitx faċli quddiem il-fatt li Biden żied sew fl-età u li l-poplu kien qiegħed juri li l-Partit Repubblikan kien ser jitlaq b’vantaġġ kbir. Kien hemm pressjoni, u ċertament ma kienx hemm dejjem diskussjonijiet paċifiċi, imma għalihom ittieħdet id-deċiżjoni t-tajba. Saret il-bidla sabiex tidħol Kamala Harris, li ċertament għandha l-esperjenza tagħha, għalkemm inqas minn dik ta’ Biden, imma kienet u hija l-Viċi President tal-pajjiż. Rajna tibdil kbir f’dan, u l-Partit Demokratiku, li kien qiegħed ibati sew, sab demm ġdid u mmobilita ferm iktar il-poplu Demokratiku. Kemm, fl-aħħar tal-ġurnata dik id-deċiżjoni hija tajba għad irridu naraw, imma saret bl-aħjar intenzjonijiet.
Fit-triq politika
5. Li huwa ċert hu li jekk qabel kienet rebħa ċerta għal Donald Trump, li jibqa’ f’dan il-favorit, id-Demokratiċi jinsabu f’pożizzjoni elettorali aqwa. Ma kien faċli xejn li titlob mexxej b’tant dinjità u attenzjoni jmur pass lura, imma d-deċiżjoni ittieħdet u l-bidla seħħet. L-elettorat jurik dak li għaddej fih u dak li qiegħed jippretendi minn dawk li jmexxuh. Proprju f’dan anki jekk finalment ma jkunx hemm rebħa għal Harris, xorta l-pass politiku huwa ċertament fit-triq it-tajba. Dan iktar u iktar fid-dawl tal-fatt li b’dak li qiegħed jirriżulta kontinwament, l-eletturi presidenzjali ser ikunu kważi ugwali. L-istati li ser jintrebħu għal ftit voti minn kandidat jew ieħor jafu jwasslu għal pożizzjoni fejn l-eletturi jkunu ugwali u wara jkun is-Senat li jiddeċiedi. Ovvjament vot favur Trump, billi hemmhekk hemm maġġoranza Repubblikana.
Kull vot jgħodd
6. Għalina li nippruvaw nifhmu l-kurrenti u x-xenarji f’dak il-pajjiż mhux dejjem ikunu loġiċi jew evidenti. Imma l-fatt jibqa’ li anki jekk dak huwa poplu kbir, kull vot jgħodd iktar minn qabel, l-iktar f’dawk li jissejħu “swing states”. Dawk li jinbidlu kull elezzjoni u li jiddeterminaw b’sorpriżi. F’dan, il-vantaġġ għall-kamp ta’ Donald Trump huwa ikbar. Ħareġ mix-xenarju presidenzjali bħala l-vittma. Ġie iktar u iktar f’dan il-mantar tul dawn is-snin, fejn diversi drabi ġie ipproċessat fuq diversi reati li huwa allegatament wettaq. Ma’ dan, għalkemm l-ekonomija hija aħjar u l-impiegi żdiedu fil-post fejn hemm il-voti determinanti, il-pożizzjoni baqgħet l-istess. Dak li jissejjaħ “Rust Belt” baqa’ mingħajr tweġibiet ekonomiċi u dawn ċertament ser ikollhom il-piż tagħhom f’dak li ġej. Mhux faċli għal Kamala Harris biex tibdel dan, imma sa issa rnexxielha tnaqqas il-vantaġġ. Kemm dan ser jibqa’ sal-aħħar jum, dik hija ħaġa oħra.
Determinanti
7. F’dan kollu huma determinanti l-voti u r-riżultat tagħhom. Id-dinja hija mimlija bi traġedji fejn il-politika tal-gwerra qegħda tirbaħ fuq dik tal-paċi. Jitla’ min jitla’, u fuq dan id-deċiżjoni ta’ ma’ min wieħed għandu jżomm mhijiex faċli, mhux ser isolvi l-kumplikazzjonijiet li għaddejjin. Ser jipprova jġib ruħu fil-forza determinanti li l-pajjiż irid għalih innifsu. Dawk li huma xejn ġusti lejn Joe Biden jaf jiddispjaċihom li kellhom persuna tajba. Imma l-fatt jibqa’ li huwa għamel deċiżjoni li ħaqqha tifħir ġenerali: dik li għażel li jieħu pass lura. Għax l-elettorat jirbaħ u wieħed irid jagħti każ tiegħu u mhux jinjorah. Min huwa demokratiku jirrispetta l-opinjoni pubblika u mhux jinjoraha jew jgħaddiha biż-żmien. F’dan, ikun xi jkun ir-riżultat f’dak il-pajjiż, jibqa’ żgur determinanti li huwa ħa pass lura għas-sewwa.
Wieħed isellem
2. F’dan, ċertament wieħed isellem lill-President attwali Joe Biden fil-ħidma li sa issa wettaq tul dawn l-aħħar erba’ snin. Mexxa lura l-pajjiż lejn in-normalità li kien qiegħed jitlef. L-ekonomija mxiet ’il quddiem u l-istatura għoliet mill-ġdid fil-kamp tas-sens u l-loġika, tant neċessarju biex jitmexxa Gvern ta’ poplu daqshekk kbir. Sfortunatament, fil-maġġor parti tiegħu l-elettorat baqa’ maqsum, u dan iktar b’dak li seħħ fis-6 ta’ Jannar 2021 meta ġabra ta’ persuni favur Donald Trump attakkaw il-post ċentrali tal-Istat, il-Capitol Hill. Qatt fl-istorja demokratika ta’ dak il-pajjiż ma kien seħħ dan. Tkissir u tifrik fil-qalba tad-demokrazija u dawn immexxija u msaħħna minn min kien tilef l-elezzjoni imma li ma riedx jaċċetta r-riżultat.
Ebda mexxej
3. Ebda politiku u ebda mexxej ma jista’ jiddikjara li kull ma wettaq huwa tajjeb u li ma hemmx sostitut għalih. Ir-realtà turi li kull persuna sservi daqqa ħafna lill-oħrajn, u daqqa iktar lilha nnifisha. Jista’ wkoll ikollok l-aqwa mexxej fl-onestà, fl-integrità u fil-bżonn rigoruż li jgħid il-verità iżda dan ma jkollux kunsens elettorali warajh. F’dan jista’ jkollna l-kontra, imma fid-dinja demokratika hemm regoli ċari. Jekk partit irid jirbaħ u jwettaq programm elettorali li jħoss li huwa l-aħjar irid jagħraf din l-għażla. Idur fuqu nnifsu u jkun kapaċi jieħu d-deċiżjonijiet it-tajba li jafu jkunu wkoll ikkumplikati. Mexxej demokratiku tajjeb jirrikjedi li jkollu dożi ta’ umiltà li jippermettulu jimxi pass lura.
Hekk seħħ
4. Hekk, fil-fatt, sabu ruħhom wkoll il-President Joe Biden u l-Partit Demokratiku Amerikan. L-għażla għalihom ma kinitx faċli quddiem il-fatt li Biden żied sew fl-età u li l-poplu kien qiegħed juri li l-Partit Repubblikan kien ser jitlaq b’vantaġġ kbir. Kien hemm pressjoni, u ċertament ma kienx hemm dejjem diskussjonijiet paċifiċi, imma għalihom ittieħdet id-deċiżjoni t-tajba. Saret il-bidla sabiex tidħol Kamala Harris, li ċertament għandha l-esperjenza tagħha, għalkemm inqas minn dik ta’ Biden, imma kienet u hija l-Viċi President tal-pajjiż. Rajna tibdil kbir f’dan, u l-Partit Demokratiku, li kien qiegħed ibati sew, sab demm ġdid u mmobilita ferm iktar il-poplu Demokratiku. Kemm, fl-aħħar tal-ġurnata dik id-deċiżjoni hija tajba għad irridu naraw, imma saret bl-aħjar intenzjonijiet.
Fit-triq politika
5. Li huwa ċert hu li jekk qabel kienet rebħa ċerta għal Donald Trump, li jibqa’ f’dan il-favorit, id-Demokratiċi jinsabu f’pożizzjoni elettorali aqwa. Ma kien faċli xejn li titlob mexxej b’tant dinjità u attenzjoni jmur pass lura, imma d-deċiżjoni ittieħdet u l-bidla seħħet. L-elettorat jurik dak li għaddej fih u dak li qiegħed jippretendi minn dawk li jmexxuh. Proprju f’dan anki jekk finalment ma jkunx hemm rebħa għal Harris, xorta l-pass politiku huwa ċertament fit-triq it-tajba. Dan iktar u iktar fid-dawl tal-fatt li b’dak li qiegħed jirriżulta kontinwament, l-eletturi presidenzjali ser ikunu kważi ugwali. L-istati li ser jintrebħu għal ftit voti minn kandidat jew ieħor jafu jwasslu għal pożizzjoni fejn l-eletturi jkunu ugwali u wara jkun is-Senat li jiddeċiedi. Ovvjament vot favur Trump, billi hemmhekk hemm maġġoranza Repubblikana.
Kull vot jgħodd
6. Għalina li nippruvaw nifhmu l-kurrenti u x-xenarji f’dak il-pajjiż mhux dejjem ikunu loġiċi jew evidenti. Imma l-fatt jibqa’ li anki jekk dak huwa poplu kbir, kull vot jgħodd iktar minn qabel, l-iktar f’dawk li jissejħu “swing states”. Dawk li jinbidlu kull elezzjoni u li jiddeterminaw b’sorpriżi. F’dan, il-vantaġġ għall-kamp ta’ Donald Trump huwa ikbar. Ħareġ mix-xenarju presidenzjali bħala l-vittma. Ġie iktar u iktar f’dan il-mantar tul dawn is-snin, fejn diversi drabi ġie ipproċessat fuq diversi reati li huwa allegatament wettaq. Ma’ dan, għalkemm l-ekonomija hija aħjar u l-impiegi żdiedu fil-post fejn hemm il-voti determinanti, il-pożizzjoni baqgħet l-istess. Dak li jissejjaħ “Rust Belt” baqa’ mingħajr tweġibiet ekonomiċi u dawn ċertament ser ikollhom il-piż tagħhom f’dak li ġej. Mhux faċli għal Kamala Harris biex tibdel dan, imma sa issa rnexxielha tnaqqas il-vantaġġ. Kemm dan ser jibqa’ sal-aħħar jum, dik hija ħaġa oħra.
Determinanti
7. F’dan kollu huma determinanti l-voti u r-riżultat tagħhom. Id-dinja hija mimlija bi traġedji fejn il-politika tal-gwerra qegħda tirbaħ fuq dik tal-paċi. Jitla’ min jitla’, u fuq dan id-deċiżjoni ta’ ma’ min wieħed għandu jżomm mhijiex faċli, mhux ser isolvi l-kumplikazzjonijiet li għaddejjin. Ser jipprova jġib ruħu fil-forza determinanti li l-pajjiż irid għalih innifsu. Dawk li huma xejn ġusti lejn Joe Biden jaf jiddispjaċihom li kellhom persuna tajba. Imma l-fatt jibqa’ li huwa għamel deċiżjoni li ħaqqha tifħir ġenerali: dik li għażel li jieħu pass lura. Għax l-elettorat jirbaħ u wieħed irid jagħti każ tiegħu u mhux jinjorah. Min huwa demokratiku jirrispetta l-opinjoni pubblika u mhux jinjoraha jew jgħaddiha biż-żmien. F’dan, ikun xi jkun ir-riżultat f’dak il-pajjiż, jibqa’ żgur determinanti li huwa ħa pass lura għas-sewwa.
Subscribe to:
Posts (Atom)
KANA
1. Wieħed mill-aktar angoli interessanti tat-Testment il-Ġdid huwa li t-tagħlim ma huwiex wieħed għarwien. Imdaħħal bħal xi preċetti jew avv...
-
12444. L-ONOR. CARMELO MIFSUD BONNICI staqsa lill- Ministru għat-Trasport, l-Infrastruttura u l-Proġetti Kapitali: Jista’ l-Ministru jgħid...
-
27921. L-ONOR. CARMELO MIFSUD BONNICI staqsa lill- Deputat Prim Ministru u Ministru għall-Affarijiet Barranin u t-Turiżmu: Jista’ d-Deputa...
-
1. Hemm bnedmin li f’dawn iż-żminijiet qed jieħdu sehem iktar sehem attiv fil-ħajja tal-Knisja. Dawk li qabel ma setgħux jidħlu jagħml...