24344. L-ONOR. CARMELO MIFSUD BONNICI staqsa lill- Ministru għall-Intern, is-Sigurtà u x-Xogħol: Jista’ l-Ministru jgħid kemm kien hemm Skrivani tal-Parole ai termini tal-Kapitolu 516 dwar il-Ġustizzja Riparatriċi matul is-sena 2024?
31/12/2024
ONOR. BYRON CAMILLERI: Infurmat li matul is-sena
2024 kien hemm skrivan tal-parole taħt it-termini tal-Kapitolu 516 dwar
il-Ġustizzja Riparatriċi.
Seduta 299
24343. L-ONOR. CARMELO MIFSUD BONNICI staqsa lill- Ministru għall-Politika Soċjali u d-Drittijiet tat-Tfal: Jista’ l-Ministru jgħid kemm persuni applikaw biex jibbenefikaw mill-Għajnuna Soċjali matul is-sena 2024 u jindika wkoll kemm ma baqgħux jirċievu dan il-benefiċċju u kemm kienu li qed jirċevuh?
31/12/2024
ONOR. MICHAEL FALZON: Ninforma lill-Onor. Interpellant li l-informazzjoni mitluba tinsab fit-tabella ta’ hawn taħt:
Applikazzjonijiet għall-Assistenza Soċjali tul l-2024 1,636
Applikanti li tħallsu 1,295
Benefiċċjarji li ma baqgħux jirċievu dan il-benefiċċju 804
Seduta 298
14/01/2025
24342. L-ONOR. CARMELO MIFSUD BONNICI staqsa lill- Ministru għall-Ambjent, l-Enerġija u l-Indafa Pubblika: Tista’ l-Ministru tgħid liema xogħlijiet saru fi Vjal il-Labour f’Ħal Għaxaq matul is-sena 2024, kemm ġew jiswew u kemm damu sejrin?
31/12/2024
ONOR. MIRIAM DALLI: Ninforma lill-Onor.
Interpellant li fit-triq indikata, Enemalta poġġiet low voltage feeders ġodda
biex issaħħaħ is-sistema tad-distribuzzjoni tal-elettriku fiż-żona.
Sussegwentement, il-Korporazzjoni għas-Servizzi tal-Ilma bdiet tagħmel
xogħlijiet ta’ titjib kemm fuq is-sistema għad-distribuzzjoni tal-ilma tax-xorb
kif ukoll fuq is-sistema tad-drenaġġ. Huwa mmirat li dawn ix-xogħlijiet
jitlestew fl-ewwel kwart tas-sena. L-investiment totali biex isiru dawn
ix-xogħlijiet jammonta għal madwar €471,000.
Seduta 298
14/01/2025
24341. L-ONOR. CARMELO MIFSUD BONNICI staqsa lill- Ministru għat-Trasport, l-Infrastruttura u x-Xogħlijiet Pubbliċi: B’referenza għat-tweġiba tal-mistoqsija parlamentari 9428 li oriġinarjament saret lill-Ministru għall-Wirt Nazzjonali, l-Arti u l-Gvern Lokali u għat-tweġiba tal-mistoqsija parlamentari 17201, jista’ l-Ministru jgħid f’liema stadju jinsab il-proġett tar-riġenerazzjoni quddiem il-Knisja Parrokkjali ta’ Ħal Tarxien?
31/12/2024
ONOR. CHRIS
BONETT: Ninforma lill-Onor. Interpellant li ‘Works Tender’
jinsab fil-perjodu tal-pubblikazzjoni.
Seduta 298
14/01/2025
24340. L-ONOR. CARMELO MIFSUD BONNICI staqsa lill- Ministru għall-Wirt Nazzjonali, l-Arti u l-Gvern Lokali: Jista’ l-Ministru jgħid liema xogħlijiet saru fi Vjal il-Labour f’Ħal Għaxaq matul is-sena 2024, kemm ġew jiswew u kemm damu sejrin?
31/12/2024
ONOR. OWEN
BONNICI: Nitlob lill-Onor. Interpellant sabiex jagħmel din
il-mistoqsija parlamentari lill-Ministru kkonċernat.
Seduta 298
14/01/2025
24339. L-ONOR. CARMELO MIFSUD BONNICI staqsa lill- Ministru għat-Trasport, l-Infrastruttura u x-Xogħlijiet Pubbliċi: Jista’ l-Ministru jgħid liema xogħlijiet saru fi Vjal il-Labour f’Ħal Għaxaq matul is-sena 2024, kemm ġew jiswew u kemm damu sejrin?
31/12/2024
ONOR. CHRIS
BONETT: Ninforma lill-Onor. Interpellant illi Infrastructure
Malta ma wettqet l-ebda xogħlijiet fit-triq imsemmija.
Seduta 298
14/01/2025
24338. L-ONOR. CARMELO MIFSUD BONNICI staqsa lill- Ministru għall-Ambjent, l-Enerġija u l-Indafa Pubblika: B’referenza għax-xogħlijiet li kellhom isiru fi Triq it-Telleritu f’Ħal Għaxaq, tista’ l-Ministru tgħid jekk dawn ix-xogħlijiet tlestewx, kemm damu għaddejjin u kemm ġew jiswew?
31/12/2024
ONOR. MIRIAM
DALLI: Ninforma lill-Onor. Interpellant li x-xogħlijiet
fit-triq indikata huma parti minn proġett estensiv li l-Korporazzjoni
għas-Servizzi tal-Ilma qed twettaq biex tipprovdi l-provvista ta’ New Water lil
kemm jista’ jkun bdiewa li għandhom ir-raba fin-naħa t’isfel ta’ Malta. L-investiment għal dan il-proġett, li huwa
kofinanzjat mill-Unjoni Ewropea, hu stmat li se jammonta €1 miljun.
Seduta 298
