MA RRIDX NISTĦI NIMXI MIEGĦEK

1. Il-kejl tal-proxxmu minn ħutu jsir fuq irbit ta’ raġunijiet li huma għal kollox barra validi. Id-domanda ta’ dejjem hija waħda. Kif se tqis bniedem bħala wieħed li ħaqqu unur u l-kumpanija tiegħek.

2. Aktar ma jkollhom ilbies sabiħ, aktar ma jkollhom fwieħa, aktar ma jkollhom l-immaġini ta’ eroj ... iktar tara lil min irid jimxi magħhom. Jidher fil-pubbliku jħokk spalla ma’ spalla magħhom.

3. Aktar ma jkunu importanti, aktar ma jkollhom poter ... iktar tara nies jiġru warajhom. Nies jistennewhom, lesti li jservuhom.

4. Iżda min ma għandux, min mhux sinjur, min mhux meqjus tajjeb mill-oħrajn ... tarahom jinsewh. Tarahom jiskartawh. Tarahom jistmerruh. Jisħtuh. Qisu għandu l-pesta!

5. Id-dinja daret aktar minn darbtejn, iżda bqajna nqisu kollox minn barra. Il-Lhud kienu staqsew lil Sidna Ġesù Kristu kif kienet dik li s-sinjuri u l-puliti qegħdin fil-possibilità akbar mill-oħrajn li ma jmorrux il-ġenna. Kienu qalu: allura ħadd ma jista’ jidħol.

6. Bqajna l-istess. Bqajna naħsbu bħal-Lhud. Iżda l-verità hija oħra u hemm bżonn li ninbidlu. Aktar ma tkun ma’ min ma għandux u ma’ min ma huwa xejn quddiem għajnejn id-dinja, aktar tiskopri l-verità. Għax min m’għandux, jagħtik; u min għandu jiġi mgħallem li għandu jżommu għalih.