IEQAF GĦANDI, MULEJ

1. Ir-rakkont ta’ Emmaus jibqa’ dejjem punt ta’ bidu għall-metodu ta’ kif wieħed jgħix ħajja ta’ Nisrani.

2. Il-qari, it-tagħlim u l-meditazzjoni tat-Testment l-Antik u t-Testment il-Ġdid, flimkien mal-qsim tal-ħobż, huma t-triq li permezz tagħha jaqgħu l-maskri tal-egoiżmu u nsibu s-sewwa.

3. U hemm parti f’dak ir-rakkont li bqajt naħseb fih għax żgur li ma huwiex ta’ xejn. Qed nirreferi għal meta Sidna dar fuq il-pellegrini u għamel qisu ser jibqa’ sejjer, iżda ma ħallewhx.

4. Insistew li jibqa’ magħhom. Ma għarfuhx, anzi kważi kienu qegħdin jiddubitaw minnu; biss ma ħamlux jarawh sejjer. Fid-dlam tal-aħħar tal-ġurnata.

5. Aħna wkoll għandna nagħrfu li l-qari tal-Kotba Mqaddsa huwa importanti, iżda mhux biżżejjed li naqrawhom biss. Hemm bżonn is-sagrament. Hemm bżonn il-qsim tal-ħobż. Hemm niftħu għajnejna.