17992. L-ONOR. CARMELO MIFSUD BONNICI staqsa lill-
Ministru għat-Trasport, l-Infrastruttura u l-Proġetti Kapitali: Jista’
l-Ministru jara li jiġi restawrat il-ħadid li hemm fix-Xatt ta’ Wied il-Għajn
Triq iż-Żonqor jinsab imsaddad?
11/01/2021
ONOR. IAN
BORG: Nitlob lill-Onor. Interpellant biex jitlob l-informazzjoni meħtiega
lill-Ministru kkonċernat.
Seduta 417
19/01/2021
17594. L-ONOR. CARMELO MIFSUD BONNICI staqsa lid-Deputat Prim Ministru u Ministru għas-Saħħa: Jista’ d-Deputat Prim Ministru u Ministru għas-Saħħa jgħid x’inhi l-proċedura dipartimentali meta persuni jkollhom ħsara fil-hearing aids? Jista’ jiġi indikat x’servizz jingħata lill-persuni residenti f’Djar tal-Anzjani?
30/11/2020
ONOR. CHRIS
FEARNE: Ninforma lill-Onorevoli Interpellant illi dawk kollha
li huma ntitolati għal hearing aid
b’xejn u li jkollhom il-ħsarat fiha, isir l-ispezzjonar tal-hearing aid difettuża mill-hearing aid laboratory technician.
Hawnhekk issir it-tiswija neċessarja u f’każijiet li dan ma jkunx possibbli,
tingħata oħra ġdida.
Il-persuni residenti fi Djar
tal-Anzjani huma ntitolati għas-servizzi kollha fir-rigward ta’ hearing aids.
Seduta 412
17593. L-ONOR. CARMELO MIFSUD BONNICI staqsa lid-Deputat Prim Ministru u Ministru
għas-Saħħa: Jista’ d-Deputat Prim Ministru u Ministru għas-Saħħa jgħid x’inhuma
l-kriterji u r-rekwiżiti sabiex persuna tkun tista’ tikkwalifika sabiex
tingħata hearing aids? Jista’ jindika
kemm kien hemm benefiċċjarji tul din is-sena?
30/11/2020
ONOR. CHRIS
FEARNE: Ninforma lill-Onor. Interpellant illi l-persuni li
jikkwalifikaw għal-hearing aids
b’xejn huma dawk l-adulti li għandhom l-karta l-bajda, adulti/anzjani li huma
residenti fi djar tal-gvern, San Vinċenz De Paul, l-isptar Monte Carmeli u dawk fis-Swali Ġerjatriċi li jagħmlu parti
mill-Isptar Ġenerali ta ’Għawdex, membri ta' Ordnijiet Reliġjużi, membri
tal-Forzi Armati, membri tal-Korp tal-Pulizija, l-Priġunieri fil-faċilità
Korrettiva ta’ Kordin kif ukoll t-tfal u l-adolexxenti żgħar kollha sal-età
tat-18 il-sena. Peress li s-smiegħ huwa mportanti għall-iżvilupp ta’ dawn
it-tfal u adoloxxenti kemm minħabba l-ispeech
development, kif ukoll matul is-snin skolastiċi tagħhom huma intitolati
għal bilateral hearing aids. Matul
din is-sena ngħataw 90 hearing aid lill-adulti
kif ukoll 50 lill tfal/adoloxxenti.
Seduta 412
17592. L-ONOR. CARMELO MIFSUD BONNICI staqsa lid-Deputat Prim Ministru u Ministru
għas-Saħħa: Jista’ d-Deputat Prim Ministru u Ministru għas-Saħħa jgħid meta
hija l-aħħar darba li nxtrat konsenja ta’ Hearing
Aids u kemm kienet l-ispiża fuq dan?
30/11/2020
ONOR. CHRIS
FEARNE: Ninforma lill-Onor. Interpellant peress illi l-kundizzjonijiet
mediċi tal-pazjenti huma varji, jinxtraw diversi tipi ta’ hearing aids. L-aħħar li ġew ordnati kienu d-Digital Hearing Aids for Children with severe to Profound Loss
f’Marzu ta’ din is-sena u l-valur tagħhom kien Ewro33,360.00.
Seduta 412
16/12/2020
17591. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jgħid liema entità hija responsabbli sabiex
twettaq is-sorveljanza, kontrol u infurzar fuq l-istat nadif u skont ir-regoli
tal-iġene tal-bring in-sites li
għandna f’pajjiżna?
30/11/2020
ONOR. JOSÈ HERRERA: Ninforma lill-Onor. Interpellant
sabiex jagħmel il-Mistoqsija lill-Ministru konċernat.
Seduta 412
16/12/2020
17590. L-ONOR. CARMELO MIFSUD BONNICI staqsa lill-Ministru għat-Turiżmu u l-Protezzjoni
tal-Konsumatur: Jista’ l-Ministru jgħid liema entità hija responsabbli sabiex
twettaq is-sorveljanza, kontrol u infurzar fuq l-istat nadif u skont ir-regoli
tal-iġene tal-bring in-sites li
għandna f’pajjiżna?
30/11/2020
ONOR. CLAYTON
BARTOLO: Nirreferi lill-Onor. Interpellant biex jagħmel
il-mistoqsija tiegħu lill-Ministru kkonċernat.
Seduta 412
16/12/2020
17589. L-ONOR. CARMELO MIFSUD BONNICI staqsa lill-Ministru għall-Ambjent, it-Tibdil
fil-Klima u l-Ippjanar: Jista’ l-Ministru jgħid liema entità hija responsabbli
sabiex twettaq is-sorveljanza, kontrol u infurzar fuq l-istat nadif u skont
ir-regoli tal-iġene tal-bring in-sites
li għandna f’pajjiżna?
30/11/2020
ONOR. AARON FARRUGIA: Nitlob lill-Onorevoli Interpellant
jirreferi għat-tweġiba li ngħatat għall-Mistoqsija Parlamentari Numru 16208.
Seduta 412
16/12/2020
