Il-vot huwa likwidu?

1.  Hemm sibtu nhar it-Tlieta filgħaxija.  Miġbur bin-nies madwaru.  Isellem, jitbissem, jieħu b’idejn dawk li ġew għall-festa.  Jifraħ bihom, jifirħu bih.  Jitkellem, jisma’, josserva u jsir jaf.  Dan huwa li sibt lill-Kap tal-Partit Nazzjonalista, Dr Adrian Delia, iwettaq il-Gudja, lejlet il-festa nazzjonali tal-Assunta.  Ma kienx l-uniku raħal li mar fih f’dawn il-ġranet ta’ dan is-sajf mill-iktar qawwi bis-sħana.  Kien beda dan il-proċess fil-kampanja għat-tmexxija tal-partit.  Kien iltaqa’ ma’ dawk li huma tal-partit.  Kien irnexxielu jipperswadihom.  Illum għaddej fit-triq ‘il quddiem sabiex jikkonvinċi ‘l-poplu.

Kuraġġ u determinazzjoni

2.  Il-bniedem għandu doża qawwija ta’ pożittiviżmu u determinazzjoni.  Jaf fejn sejjer.  Ċar fl-ideat tiegħu.  Fuq kollox, ma jaqtax qalbu.  Ikunu xi jkunu l-avversitarjiet, għandu s-saħħa interna sabiex jikkonfrontahom.  Niftakarni meta ltqajt miegħu l-ewwel darba, nistaqsih jekk kienx jaf għal-liema sfidi ħoxnin kien ser jidħol fit-tmexxija tal-partit, u weġibni “iva”.  Illum napprezza ferm iktar li kien jaf li kellu għadma iebsa lesta għalih meta weġibni.  Iebsa għax il-partit, bl-aħħar telfa elettorali tiegħu, kien qala’ daqqa ta’ ħarta qawwija.  Illum iktar u iktar b’saħħitha dik id-daqqa fil-kredibilità tal-messaġġ tiegħu wara r-rapport maġisterjali dwar il-kwistjoni tal-Egrant.

X’kunsens elettorali?

3.  Triq tkun maqtugħ mir-realtà politika ta’ dawn il-gżejjer li taħseb li l-kunsens elettorali mnaqqas f’Ġunju 2017 kien ser jibqa’ mwaħħal magħna wara.  Irridu naċċettaw li l-eventi li seħħew wara dak l-appuntament bagħtu iktar u iktar il-messaġġ li kien hemm ferm iktar xi jsir biex il-partit jiġi lura fuq saqajh.  B’partit li ntilef tant fil-kampanji elettorali interni tiegħu, b’pożizzjonijiet u diskors żejjed.  Pożizzjoni li tant saħnet fix-xejn li kompliet għaddejja wara.  Għadna naraw, sa ftit ilu, kemm għadna ma fhimniex kemm huwa importanti li l-kapitolu jagħlaq lilu nnifsu.  Kellu opinjoni mod, imma seħħ mod ieħor.  Biss, f’dan kollu trid tkun qiegħed tagħmel ġudizzju politiku żbaljat u maqtugħ biex taħseb u tippretendi minn dan il-partit li f’inqas minn sena mill-bidla li seħħet ikun qiegħed jiġbor kunsens elettorali qawwi.

Gladjatur

4.  Il-Kap tal-Partit għandu fis-sħiħ l-elementi essenzjali ta’ dak li lest li jissielet bl-ideat, għall-ħajja tiegħu fl-arena politika.  Jikkonfronta u jifhem li jrid jiġi konfrontat.  Ma joqgħodx lura milli jesprimi l-ideat tiegħu.  Ma jiġrix.  Joqgħod attent ħafna, ħafna iktar milli ħaddieħor qal dwaru.  Imma ma joqgħodx lura minn dak li jemmen fih.  Taf fejn inti miegħu.  Mal-prinċipji Nsara, mal-imħabba għall-valur tal-familja, mal-maġġoranza tal-Partit Nazzjonalista ma tmisslux.  Għandu, iva, kontra tiegħu.  Saritlu l-ħsara tad-diskors vojt, malinn ukoll, li bih wieħed ikun irid joskura gladjatur.  Għadda minn kampanja sistematika biex ikun hemm l-assassinju tal-karattru.  L-iktar, ovvjament, minn dawk li qegħdin fil-poter, li fehmu mill-ewwel li għandu potenzjal qawwi fost l-elettorat tallum.  Għadda minn dan, imma r-realtà politika hija li għadu b’saħħtu, jikkumbatti l-avversarji u joqtol l-iljuni.

Hu l-Kap

5.  Ma dħaltx ilbieraħ fil-politika.  Tgħallimt li trid toqgħod lura, issegwi u tara bil-kalma dak li jkun għaddej.  Sa fejn qiegħed jasal il-messaġġ u sa fejn jista’.  Il-verità u r-realtà politika hija li għandna sfida qawwija biex ninstemgħu u nwasslu l-vuċi tal-partit.  Waħda li bdejna negħlbu.  F’dawn il-ftit xhur, il-Kap tal-Partit qiegħed jinstema’ ferm u ferm iktar milli kien.  Forsi mhux biżżejjed.  Il-vuċi tagħna trid tkun iktar preżenti.  Biex tkun hekk għandna bżonn inkomplu nagħmlu l-medja tagħna iktar b’saħħitha.  Il-passi li saru taħt id-direzzjoni tiegħu f’Netfm huma f’din il-linja.  Ġiebu diġà effett tajjeb.  Effett li għandna nagħrfu li fih il-fatt li l-aqwa karta għall-partit tibqa’ l-preżenza u l-impenn dirett tiegħu.  Impenn li f’dawn ix-xhur issoda, tbaskat u mmatura ferm.

L-elettorat inbidel

6.  Il-Kap għandu madwaru bnedmin li qegħdin jaħdmu tajjeb ħafna.  Diversi oħra qegħdin jingħaqdu iktar miegħu.  Sija fl-intern tal-partit b’organizzazzjoni aqwa u b’tisħiħ tal-aspett finanzjarju, sija f’barra.  Għax l-elettorat m’għadux bħal ta’ snin ilu.  Mhuwiex marbut fuq naħa u ma jridx jiċċaqlaq.  Sar wieħed li jiċċaqlaq iktar malajr.  Huwa wieħed li l-magħruf Zygmunt Bauman kien isejjaħ żgur wieħed likwidu.  Hemm iktar minn qabel differenza fil-kalatura li tmexxi bniedem biex jivvota għal partit u mhux għal ieħor.  F’dan irridu naċċettaw li għalkemm tlaqna minn vot ta’ identità, issa sejrin iktar lejn dak ta’ proposta, jew protesta jew reazzjoni.  Inqas qed iħossuhom marbuta ma’ partit jew ieħro.  Iktar lesti li jħarsu lejn dak li qed jingħad u minn min qiegħed jingħad.  Kull stħarriġ jagħmel dan iktar ċar.  Proprju għax il-vot sar ferm iktar likwidu li qed jinfetħu bibien ġodda għall-Partit Nazzjonalsita mmexxi mid-direzzjoni u l-għaqal tal-Kap il-ġdid tiegħu, Dr Adrian Delia.

   

 

L-għeruq ta’ dan il-poplu.

1.     Issa li t-Tazza tad-Dinja għaddiet, inħossni aktar fil-libertà li niddiskuti u nfaħħar il-partijiet għall-influwenzi pożittivi tal-Ingliżi fuqna, għalkemm nagħraf li hemm dawk li huma negattivi.  Ċertament ma stajtx niktbu qabel, għax kien ikun hemm min jaħseb li biddilt fehemti fuq min jilgħab l-aħjar il-ballun.  Proprju għalhekk, u aktar tul din il-ġimgħa, li wieħed jista’ jaffronta l-aspetti tajba tal-preżenza ta’ dak il-poplu magħna.  Din il-ġimgħa, ġustament infakkru u nqisu mill-ġdid dak li għaddew minnu missirijietna fl-aħħar Gwerra Dinjija.  Il-fatt li konna taħthom, u l-fatt li ddeċidew li qatt ma jċeduna kienu determinanti f’dak li aħna llum.  Ma waqajniex taħt il-Faxxiżmu jew in-Nażiżmu.  Ma kellniex Maltin li ttieħdu f’kampijiet tal-konċentrament, anqas li ġew iffuċillati jew umiljati.  Bqajna liberi nvoluti direttament fil-gwerra, però mhux mirbuħa.

Sistema akkużatorja

2.     Niftakar li snin ilu kelli dibattitu ma’ numru ta’ senaturi Taljani dwar kif naħsbuha bħala poplu.  X’differenzi jeżistu bejn il-poplu fl-Ewropa u fil-Mediterran.  X’nagħtu importanza għalih aħna bħala Maltin.  X’naraw u x’inqisu fil-moħħ tagħna.  Qbilna li ċertament aħna differenti mill-ġirien, huma min huma.  Ngħid li hemm numru ta’ elementi li writna mill-influwenza u l-ideat li nibtu bil-preżenza tal-Ingliżi hawn, li biddlu u kattru linja ġdida.  Ngħid li l-liġijiet li kellna raw bidliet importanti, speċjalment fil-kamp tal-Kodiċi Kriminali u l-proċedura fil-proċessi penali.  Il-fatt li aħna, għal mitejn sena nħaddnu l-prinċipju li huwa l-Istat li jrid jipprova l-ħtija f’min huwa akkużat, u mhux il-kontra.  Nemmen li dan, fih innifsu welled sens ta’ libertà, indipendenza u drittijiet li kull bniedem ħaqqu.

Drittijiet politiċi

3.     Anki fl-aspett politiku ġejna influwenzati ħafna.  Forsi ż-żminijiet kienu maturi, fis-sens li diversi Maltin kienu litterati u kienu qed isegwu dak li għaddej barra, però l-fatt jibqa’ li kien taħt l-Ingliżi li twieldu l-partiti.  Movimenti li kibru u espandew fl-ispazju li ngħataw.  Dawk li bdew jifhmu kif taħdem is-sistema demokratika u kemm kienet differenti mis-sistemi kostituzzjonali ta’ stati oħrajn fl-Ewropa u fil-Mediterran.  Il-fatt li kienu esposti, bdew jaqraw, isegwu x’kien qed jiġri fl-Ingilterra, rabba sejħiet nazzjonali.  L-għarfien li għandu jkollna drittijiet politiċi, li l-Maltin jistgħu jivvutaw u jistgħu jiġu vvutati biex jirrappreżentaw.  Il-konvinzjoni li kapaċi namministraw, immexxu ‘l quddiem, infasslu u nġibu fis-seħħ il-liġijiet.  F’mitt sena konna diġà b’ċittadini li huma vuċijiet qawwija jsejħu lejn indipendenza.  Ħaġa li ma ġratx fil-mijiet ta’ snin li damu hawn il-Kavallieri ta’ San Ġwann.

Sistema demokratika

4.     Id-demokrazija tagħna tibqa’ waħda mwielda mill-ideat u l-influwenzi ta’ dak il-pajjiż.  Kif isiru l-elezzjonijiet, kif jiġi ffurmat il-Parlament bil-bżonn ta’ Prim Ministru u Kap tal-Oppożizzjoni, ta’ partiti politiċi, ta’ libertà tal-Istampa.  Dawn kollha ġejjin min hemm.  M’għandniex sistema purista, ċertament, imma l-għeruq hemm qegħdin.  Iwritna ħafna, fit-tajjeb u anki f’dak li mhuwiex.  Il-proċedura parlamentari u diversi regoli oħra.  Il-mod li bih jiġu ffurmati u rikonoxxuti legalment il-partiti politiċi.  Jekk wieħed iħares u jsegwi dak li għaddej preżentement fir-Renju Unit jifhem ferm iktar dan.  Żewġ partiti kbar iddominaw ix-xenarju.  Mimlija ideat u kurrenti.  Bil-Prim Ministru Teresa May fil-Gvern trid iżżomm partit li għandu żewġ naħat bħal dak tal-Kap tal-Oppożizzjoni Jeremy Corbyn, li huwa wkoll għandu dan fi ħdanu.

Kummerċ

5.     Anki s-sistema kummerċjali tagħna ġiet influwenzata tajjeb.  Il-ħsieb li pajjiżna għandu vantaġġi li jista’ minnhom iżid l-ekonomija tiegħu.  Il-fatt li l-pajjiż huwa fiċ-ċentru tal-Mediterran ifisser li s-settur marittimu huwa wieħed li għandu jiġi kultivat.  Il-viżjoni tan-negozjant ta’ pajjiżna nfetħet sew.  Ġew ukoll diversi negozjanti Ngliżi hawn li bdew jikkompetu internament, imma l-iktar esternament.  Mill-mod ta’ kif kienu jaħdmu, mill-prodotti li kienu jidħlu għalihom ġiebu ftuħ differenti, ngħid iktar “globalizzat”.  Anki s-sistemi ta’ kif wieħed jidħol f’setturi ġodda, ta’ kif wieħed jagħraf opportunitajiet, ta’ kif persuna tiżviluppa t-talent ta’ intraprenditur.  Bil-preżenza ta’ banek kummerċjali ġodda.  Tal-ftuħ lejn il-produzzjoni industrijali.  L-ekonomija tagħna twieldet u għadha, sa ċertu punt, tħares lejn dak li qed isir fir-Renju Unit għax huwa iktar faċli biex tifhmu jew biex tħaddmu hija stess.

Libertà tagħna

6.     Tul din il-ġimgħa, ġustament niftakru iktar f’dawn ir-rabtiet.  Meta niċċelebraw il-festa ta’ Santa Marija fil-15 ta’ Awissu, mingħajr ma rridu mmorru lura għall-Konvoj tal-1942.  Dak li sett sitta u sebgħin sena ilu jibqa’ mument determinanti fl-istorja tagħna.  L-eroiżmu ta’ dawk li ssagrifikaw ħajjithom għal gżira apparentement żgħira imma mimlija importanza jrid jiġi mfakkar u mfaħħar.  Lil dawk li tilfu ħajjithom għandna nsellmulhom.  Qegħdin hawn mertu tagħhom.  Qegħdin hawn ukoll mertu ta’ dik l-id misterjuża li żammet lill-bastiment ‘Ohio” mimli b’petrol tant vitali għall-ajruplani li kienu qed jipproteġuna.  Bastiment milqut diversi drabi mill-għadu.  Abbandunat mill-ekwipaġġ, li però baqa’ fil-wiċċ u ddaħħal se jgħereq l-aħħar fil-Port il-Kbir tagħna.  Storja li żżommok taħseb u tirrifletti.

Poplu ġeneruż

7.     Dan il-pajjiż għadda minn ħafna, u għad fadallu x’jara.  Biss, tul din il-ġimgħa għandna naċċettaw li aħna li aħna mertu tal-eventi passati.  L-Ingliżi ħallew il-wirt tagħhom.  Popli oħra hekk għamlu meta kienu hawn.  Għalhekk, dak li għaddejna minnu bħala poplu jsarrafna f’dak li aħna llum.  Napprezzaw, u fl-istess ħin nirrikonoxxu l-merti li fuqhom bnejna lilna nfusna.  Aħna poplu ġeneruż mimli b’talenti tajba.  Poplu li għandu jkompli jirrikonoxxi li l-valuri Nsara tiegħu jsawruh u jiddistingwuh.  Poplu li anki jekk jidher li qiegħed jinbidel, f’dawn il-jiem nindunaw li l-għeruq tiegħu ma jabbandunahomx.

MORAL FORCE.

More often than not we find ourselves living within a society which has not officially declared history dead but has largely forgotten about it’s past. To move forward and become stronger, a democracy needs to look back and reflect on what it went through, to learn from past mistakes, to re-read and re-evaluate the works and lives of active and passive leaders, politicians and various intellectuals. This, to my mind is both necessary and definitely positive. Revisiting past events and confronting them with our daily experiences would be educational and formative. In reality very few are willing to go down this road and are more interested in the exciting advances in technology that have admittedly brought progress but have also contributed to many negative effects on the fabric of our society.

Daniel O’ Connell.

Some time ago, while on a visit to the Emerald Island, Ireland, following as I usually do the popular Michelin tourist guide book’s advice, I visited what turned out to be an interesting call, Derrynane House situated on the Ring of Kerry, built in 1825 by an Irish politician who had been previously unknown to me, Daniel O’Connell (1775-1847).  Tersely described as “ a Roman Catholic lawyer, known as the Counsellor and the Liberator, campaigned for recognition of the rights of Catholics, he was elected MP for Clare in 1828; he denounced violence and organised mass meetings to rally support for repeal of the Act of Union.”

O’Connell was born on the 6^th August 1775 and was the eldest son of ten children. He became a very well-known lawyer in his time one, who it is said was renowned for his fearlessness in court. But his handicap had been that he was a catholic and thus excluded as his fellow Catholic country men from holding public office in Parliament,  in  corporations, law, the army and the navy, as the Protestants could. The argument, that time would prove to be mistaken, had been that Catholicism was destructive of civil liberties and intolerant, and that those professing the faith were subversive with a dual allegiance for pope and king.

Emancipation.

There were various discriminations and civil disabilities against Catholics which had still been in existence after the Act of Union. The basic issue was that though a catholic could run for office he was precluded from taking an oath which declared the catholic religion as “superstitious” and “idolatrous”.   

This led O’Connell to assume the leadership actively campaigning for emancipation. This he achieved in different steps. In 1823 he set up the Catholic Association mobilising the majority of Irish Catholics. Then, in 1828 he forced the issue when he ran for a By-election in County Clare, was elected but refrained from taking his seat until the offending oath was abolished. His engaged campaigning and his eloquent speeches finally led the British Prim Minister, the Duke of Wellington and Sir Robert Peel to carry the Emancipation Act of 1929. This paved the way for Irish and English Roman Catholics to all but a limited number of  public offices.

His achievements.

Undoubtedly the Emancipation Act will always remain his strongest legacy to the Irish nation. But his speeches remain to-day a source of inspiration.

He was against violence and for active democratic participation as he is recorded to have said “The principle of my political life and that in which I have instructed the people of Ireland is, that all ameliorations and improvements in political institutions can be obtained by persevering in a perfectly peaceable and legal course , and cannot be obtained by forcibile means, or if they could be got by forcible means, such means create more evils than cure, and leave the country worse than they found it”

He was always unmistaken about church state relations as he stated “I am sincerely a Catholic, but I am not a Papist. I deny the doctrine that the Pope has any temporal authority, directly or in-directly , in Ireland.”

Lastly as Fergus O’Ferrall put it “His whole life was dedicated to the proposition, which the Protestant Establishment and many European Catholics could not understand , that it was possible to combine the fullest civil liberty with the utmost religious fidelity to the faith and the doctrine of the Catholic Church.”

To day we celebrate the memory of this great irish politician the true liberator but we must admit that the prejudice, bias, intolerance and at times injustices still persist against professed Catholics in political life.

       

Politika u riformi soċjali.

1.    Kif kien mistenni, tul dawn l-aħħar jiem l-aġenda nazzjonali ċċaqilqet minn dik marbuta mal-ħajja ta’ kuljum.  Il-politika fiha d-diskussjonijiet tagħha.  Numru ta’ drabi tintilef taħseb billi tħares biss lejn żokritha.  Fl-istess ħin, dak li huwa verament importanti għall-bniedem fil-ħajja tiegħu ta’ kull ġurnata jintilef.  Anzi, jisparixxi fl-argumenti li ma jispiċċawx ħlief huma stess fix-xejn.  Biss, ir-realtà hemm tibqa’, ‘il bogħod mir-retorika u d-dikjarazzjonijiet.  Tibqa’ tistenna li jkun hemm soluzzjoni għaliha li, daqqa għal raġuni, u daqqa għal oħra, tibqa’ titħalla tistenna.

Luigi Sturzo u Alcide de Gasperi

2.    F’dan ix-xahar ta’ Awissu, fejn infakkru mill-ġdid il-memorja ta’ żewġ politiċi Nsara, Luigi Sturzo (fit-8 ta’ Awissu) u Alcide de Gasperi (fid-19 ta’ Awissu), li wieħed ma jistax ma jiftakarx f’ħidmiethom.  Kif dawn iż-żewġ politiċi demokratiċi-kristjani kellhom fil-prijorità tagħhom ir-riformi soċjali li s-soċjetà, kull waħda, ikollha bżonn.  Kellhom viżjoni ċara li tassigura li tgħolli lil min huwa minn taħt ‘il fuq.  B’mod partikolari de Gasperi, li kien il-Prim Ministru li kellu jibni mill-ġdid pajjiż imkisser kompletament.  Fir-riformiżmu Nisrani assigra bidliet soċjali u ekonomiċi varji proprju għax kellu pjan ċar ta’ ħidma.  Pjan li mhux biss kellu l-ħin li jibni, imma wkoll li jwettaq.

Fir-riskju tal-faqar

3.    Tul din il-ġimgħa ħarġu mill-ġdid figuri li għandhom jinkwetaw, u fl-istess ħin jindikaw li pjan nazzjonali, f’dan il-pajjiż, preżentement m’għandniex.  Il-fatt li rriżulta, għall-kuntrarju ta’ dak li qed ningħataw x’nifhmu mill-propaganda tal-Gvern, li hemm tnejn u sebgħin elf (72,000) persuna li huma f’riskju ta’ faqar għandu jinkwetana.  Din il-figura ġiet stabbilita fuq il-fatt indiskuss li hawn dan l-ammont ta’ persuni li għandhom salarju li ma jaqbiżx it-tmient’elef u seba’ mitt ewro (€8,700) fis-sena.  Dan ifisser li dawn il-Maltin u Għawdxin qed idaħħlu paga ta’ seba’ mija u ħamsa u għoxrin ewro (€725) fix-xahar.  Dan ifisser salarji li ma jippermettux lill-familja biex tlaħħaq mal-għoli tal-ħajja li għaddejja bir-ritmu tagħha.

L-għoli tal-ħajja

4.    Għax ma hemmx dubju li l-ħajja qegħda togħla u jekk ‘l hekk imsejħa ‘gwerra’ fit-tariffi li għaddejja mill-Istati Uniti tal-Amerika mal-Unjoni Ewropea u ċ-Ċina tkompli tikkarga iktar ser ikun hemm żidiet oħra li ser jeffettwawna.  Għax skont dak li qiegħed jiġi mbassar, dan ser iġib żieda ikbar fuq il-prezz tal-prodotti li mdorrija nixtru kuljum għall-ħajja tagħna.  Kemm ser ikun dan għad irridu naraw, però ser iseħħ b’detriment għall-poplu.  Diġà, però, rajna żieda ta’ 4% fil-prezz tal-petrol u d-diesel, li hija t-tieni waħda li ser inġorru fix-xhur li ġejjin.  Nafu sew ukoll, kif qal sewwa l-Kap tal-Partit, li hemm 80% tal-poplu li qed isibu ruħhom iħallsu ferm iktar milli għandhom fuq il-kontijiet tad-dawl.

Ruħ soċjali

5.    Il-Gvern, f’dawn iċ-ċirkostanzi għandu jkollu l-għan li jibni l-prijorità sabiex jikkonfronta dak li għandna u dak li ġej.  Għandu ċertament jara li jqajjem il-kuxjenza soċjali tiegħu sabiex nikkonfrontaw iktar dak li qed niffaċċjaw.  Ngħid dan iktar u iktar fl-isfond tan-numru qawwi ta’ persuni ta’ nazzjonalitajiet oħra li qed jinġiebu jaħdmu f’pajjiżna, fejn il-kundizzjonijiet m’humiex dejjem tajbin ħafna.  Kif qed naraw, l-istatistika qegħda turi li min għandu r-responsabbiltà politika qiegħed japprova permessi bla rażan, u dan mingħajr ma hemm pjan jew trasparenza.

Sfidi kbar

6.    F’dan hemm bżonn ta’ ħsieb ċar u li jaħrab diversi problemi.  Ma hemmx dubju li l-ħajja soċjali u ekonomika tagħna qegħda f’dan tgħaddi minn pressjonijiet u sfidi li ma hemmx pjan veru għalihom.  Fil-politika ekonomika jidher hawn, mill-iktar ċar, li l-linja hija waħda fdata assolutament f’ħidmet is-suq.  Il-Gvern, minn dak li qed naraw, abdika sew u qiegħed iħalli ħafna għaddej, bit-tama li s-suq stess isib it-triq it-tajba.  Biss, kif nafu, dan ma jseħħx, sakemm ma jkunx hemm l-attenzjoni kostanti tas-soċjetà.  Ċertament, b’dak li qed naraw, hemm kumplikazzjonijiet xejn faċli għas-servizzi tas-saħħa, tal-edukazzjoni, tad-dinja tal-kirjiet tad-djar, li qed jitħallew għaddejjin mingħajr pjan.

Inġustizzji soċjali

7.    Hemm ukoll il-bżonn ta’ attenzjoni lill-kultura tagħna.  Ftit ilu, il-kittieb marxista Terry Eagelton, f’kuntest viċin, jgħid hekk: “The price the West now demands of weaker, poorer cultrues which wish simply to survive is that they erase their differences.  To flourish, you need by and large to stop being who you are.”  Jekk nibqgħu għaddejjin fuq din ir-rotta, li minnha wieħed jifhem li l-Gvern m’għandux pjan ta’ riforma soċjali vera, hemm se mmorru.  L-inġustizzji soċjali kbar li żviluppajna f’pajjiżna jridu jiġu regolati.  Ma jistax ikun li jibqa’ jkollna, f’ekonomija b’saħħitha, persuni li l-kundizzjonijiet soċjali tagħhom huma daqshekk baxxi.  Din, ċertament, hija pożizzjoni xejn tajba, però li għandu jkollha l-konfort li tista’ tiġi konfrontata politikament.  Proprju għalhekk li l-Partit Nazzjonalista ser jibqa’ jkun ir-ruħ soċjali tal-poplu kollu.