Koreografija politika
2. Il-vot, kull ċittadin tagħna
jużah għall-ġid, u mhux għad-deni tiegħu nnifsu. Biss, kif qegħdin naraw, il-fiduċja li
tingħata toħloq effetti varji f’min jirċeviha.
Għandi suspett li dan il-kliem qaluli wara l-aħħar meeting li sar mill-partit tal-Gvern. It-ton użat, il-ġestikular, il-mod sħiħ ta’
kif twassal il-messaġġ bagħtu messaġġ ċar għal min ma marx imma baqa’ d-dar
jisma’ waħdu u jirrifletti. L-istil sħiħ
ta impressjonijiet varji li welldu l-ħsieb li kollox kien ippreparat
b’koreografija politika li tabbanduna dak ġenwin. Fejn, sfortunatament, anki l-messaġġ kien, f’diversi
mumenti, diviżiv.
Il-poplu jippretendi aħjar
3. Il-poplu jippretendi li jkun hemm
tmexxija serja, ikun hemm min ikun hemm fil-poter. F’dan, ma hemmx dubju, fil-bidu tal-2013 kien
żamm f’moħħu li l-partit kien ilu żmien twil fl-Oppożizzjoni, u allura tilef
ċertu esperjenza fit-tmexxija tal-poter.
Biss, f’din it-tieni leġislatura, minn dan il-Gvern il-poplu qiegħed
jippretendi aħjar. Jippretendi li
jwieġeb għall-isfidi li għandu quddiemu, u mhux jaħrab minnhom. Id-demokrazija, il-ġustizzja, il-valur u
t-tħaddim tagħhom huma, u jibqgħu, parti essenzjali li ħadd ma jista’ jaħrab
minnhom. Biss, għal din ix-xewqa u xenqa
leġittima, il-Gvern tilef kull sensittività.
Oratorija inkontrollata
4. Fl-1 ta’ Mejju, diversi stennew
li d-diskors kien ser ikun iktar kalm u attent, fejn jiġu mħabbra deċiżjonijiet
li jirrettifikaw u jġibu lura r-reputazzjoni tajba li konna qegħdin
ingawdu. Minflok, il-ħarba kienet fuq
deċiżjonijiet li wħud mhumiex popolari, u oħrajn li ilhom jiġu mħabbra,
riċiklati u mistennija. Anzi f’mumenti
kienu qegħdin jidhru, minflok, fl-oratorija inkontrollata sinjali li jixbħu
ħafna rabja. Saħna u korla li kienet qed
tibgħat il-messaġġ li jersaq lejn dawk li l-poter jibdew iħaddnuh b’mod
awtoritarju. Dak li mhuwiex aċċettabbli
għalina lkoll ħareġ fil-beraħ, u ma tantx niżel tajjeb.
Demokrazija valur
5. Il-poplu ta’ dawn il-gżejjer mexa
sew ‘il-quddiem, però huwa evidenti li ma hemmx min fehem dan biżżejjed. Il-poplu llum huwa ferm iktar edukat, moħħu
miftuħ u japprezza li d-demokrazija hija valur ikbar milli kien taħt tmexxija
tal-Partit Laburista fil-passat.
Il-pajjiż jista’ jiddiskuti, jiddibatti u jitlaq forsi
mill-pożizzjonijiet passati tiegħu ta’ ambjent politiku naħa jew oħra, imma
f’dan il-proċess irid jifhem sew dak li qiegħed jiġri. Irid jifhem aħjar jekk dak li qiegħed iseħħ
huwiex sewwa jew le, ġust jew inġust u jekk huwiex sejjer, fl-aħħar tal-jum,
irendi frott jew telfien diżastruż.
Nifhmu f’dan li għad hemm min huwa parti minn dawk li, fl-innoċenza
tagħhom, għandhom pożizzjonijiet marbuta, li ma jiċċaqilqux. Biss dawn illum sejrin, biċċa biċċa,
fil-minoranza.
Kalma u moderazzjoni
6. L-għajjat, it-tisbit, ir-rabja,
il-korla jistgħu jiġu wżati f’diskorsi politiċi u jimpressjonaw lil xi wħud,
imma mhumiex l-istrumenti li jwasslu għall-ħidma t-tajba. Forsi, wara li jisimgħuk, ikun hemm min
jgħid: “Kemm kien tajjeb!”, imma l-maġġoranza ta’ dawn il-bnedmin fuq dawn
il-gżejjer trid li l-argumenti jsiru fil-paċi.
Dik li biex tkun ta’ suċċess trid issir bil-kalma, bil-moderazzjoni u
bl-attenzjoni. Min jgħolli leħnu, ħafna
drabi jitlef l-udjenza li tiddetermina l-kunsens. Proprju f’dan ħareġ, iktar u iktar fl-istess
jum, il-kuntrast tal-mod u tas-sustanza ta’ dak li ngħad miż-żewġ mexxejja
prinċipali ta’ pajjżna.
Pożizzjoni diffiċli
7. Il-pajjiż qiegħed f’pożizzjoni
politika diffiċli, u li qegħda tikkumplika ruħha jum wara jum. Hemm bżonn li min irċieva l-fiduċja ta’
diversi jifhem dan, ma jmurx lura u jabbuża minnha. Il-poter jitla’ ‘l fuq f’moħħ
il-bniedem. Iwasslu jaħseb li ħadd u
xejn ma huwa sejjer jibdel il-preżent.
Biss ilkoll nafu li, tkun kif tkun, hemm bidu u tmiem. Proċess naturali u inevitabbli. Mhux kulħadd jifhem dan. Imma l-poplu jagħrfu. Jagħrfu iktar fil-ġudizzju tiegħu, ta’ dak li
għalih ta l-kunsens elettorali. Proprju
għalhekk nifhem ferm dak li ntqalli bi gravità ċara bil-kliem: “Mhux għal dan
ivvutajna.”
No comments:
Post a Comment