23608. L-ONOR. CARMELO MIFSUD BONNICI staqsa lill-
Prim Ministru: Jista’ l-Prim Ministru jinforma lill-Kamra x’ħidma, laqgħat jew
sforzi saru jew qegħdin isiru mill-Uffiċċju tiegħu sabiex il-ħaddiema li qed
jaħdmu preżentament mal-fabbrika li d-dettalji dwarha qed jingħataw
separatament ma jitilfux ix-xogħol tagħhom?
26/02/2016
ONOR. JOSEPH
MUSCAT: Ninforma lil Onorevoli interpellant li l-Gvern,
permezz tal-Korporazzjoni Malta Enterprise, kkometta ruħu li jikkollabora
mal-kumpanija De La Rue biex ikollha futur sostenibbli f’Malta, li jissalvagwardja
l-impjieg ta' aktar minn 250 ħaddiem Malti li diġa huma fuq il-kotba
tal-kumpanija.
Mal-mument li l-kumpanija
ħabbret il-pjan ta' ristrutturar tagħha, il-Malta Enterprise bdiet taħdem
mal-ETC biex dawk il-ħaddiema li possibilment se jkunu affettwati negattivament
mid-deċizjoni tal-kumpanija, jkunu offruti taħriġ u impjieg alternattiv, kif
sar f'ċirkostanzi oħrajn.
Dan huwa possibli grazzi għal
ekonomija b'saħħitha li waslet għal zieda bla preċedent fin-numru ta’ nies
jaħmdu, bil-ħolqien ta' 17,000 impjieg fi 3 snin.
L-appell tal-gvern f’dan
il-mument huwa ghall-prudenza.
Seduta 363
01/03/2016
No comments:
Post a Comment